MARGUERITE A MAXIMIUEN
Marguerite recommande à l'Empereur Claude de Bouton , écujer d'ccurîe du feu roi de Castille, lequel a rendu de bons services dans la guerre de Gueldres. — (Minute.)
(Malines )
Mon très redoubté seigneur et père , très humblement à vostre bonne grâce me recommande.
Monseigneur, Claude de Bouton, escuier d'escurie du feu roy , mon frère , cuy Dieu absoille , s'en va présentement devers vous pour les causes qu'il vous dira. Et pour ce. Monseigneur, qu'il a bien et longuement servy mondit feu seigneur et frère, et encoires despuis son trespas, s'est continuelment employé au fait de ceste guerre de Gheldres, sans y esparnier sa personne ne ses biens, je vous supplie. Monseigneur, l'avoir en bonne et singulière rerommandacion , et vous me ferez honneur et plésir. Mon très redoubté seigneur et père, je prie à tant nostre Seigneur qui vous doint très bonne vie et longue avec l'accomplissement de voz très haulx et vertueux désirs.
Escript à Malines , ce jour