MARGUEMTE A MAXIMILIEN

Elle félicite son père du succès de ses armes en Italie. Elle est bien aise de la rupture du traité avec le roi d'Aragon , qui était préjudiciable à la maison d'Autriche. Elle invite l'Empereur à se tenir sur ses gardes , dans le cas où il y aurait lieu de traiter

encore avec ce roi. — {Minute.)

( Octobre. )

Mon très redoubté seigneur et père, très humblement à Tostre bonne grâce me recommande.

Monseigneur, j'ay receu pluseurs voz lettres , par lesquelles me signifiiez de vos bonnes nouvelles et prospérité, et comme avez remis et réduicten vostre obéissance tout ce que les Yéniciens vous avoient surprins à Padua et Tréviso, prez lesquelz espérez bien tost mectre à la raison, dont je suis bien joyeuse, et mesmement que deans bref jours, moyennant l'ayde de Dieu, aurez achevé vostre emprinse, espérant que tant plustost vous pourray veoir.

Monseigneur, j'espère, lesdites deux villes remises en voz mains, y mectrez tel et si bon ordre et aux autres places et villes par vous conquises , qu'ilz ne vous feront plus telles finesses qu'ilz vous ont fait et vouldroit mieulx en faire beaux villaiges que dore cy après en feussiez à recommancer •

Monseigneur, j'ay entendu, par les lettres que mon président m'a escriptes du xxvii* d'aoust, que les roys de France et d' Arragon ont rompue leur armées par mer et que, par ce, le traictié que avez advisé avec ledit roy

190 LETTRES DE MAXIBnLiBN

d'Arragon est rompu. Il me desplait. Monseigneur, que lesdictes armées sont rompues y pour austant que aurez seul à supporter tous le faiz à Tencontre des Yé» niciens; mais je suis bien joyeuse de la rompture dudit traictié^ pour ce^ Monseigneur^ que tous ceulx de vostre conseil privé ne trouvoient, ne aussy fesoye que fut en riens à vostre honneur bien ou proufEt, ny de Monseigneur mon nepveu. Vous supplie^ Monseigneur, me pardonner se vous en escriptz ce que l'on en dit à la vérité, et espère, Monseigneur, que s'il vient à traicté cy après avec ledit seigneur roy d'Arragon, y aurez bon regard à vostre honneur et au bien et prouffit de mondit seigneur et nepveu, de manière que l'on ne puist dire cy après que ayés fait son dommage.

Au surplus, Monseigneur, pour non vous accadier de longue lettre , j'escrîptz à mon président de plusieurs choses et mesmement de l'afFere de la vefve et enflans de feu messire Jheromme Lawrin, lequel affere. Monseigneur, vous supplie avoir pour recommandé, et sur ce, que par mondit président, serez averty me faire responce , et me mander et commander voz bons plésirs pour iceulx accomplir , aydant Dieu , auquel je prie qui , mon très redoubté seigneur et père , tous doint bonne vye et longue.

L'empereur mande les motifs qui lui ont fait lever le siège de

Padoue. — {OnginaL)

(Au camp, â Lymena, le 7 octobre.)

Très chière et très amée fille , combien que tous ayons dernièrement escript que le lendemain de la

ET DE MARGUERITE SA tïLUL ~ 150». 191

rescription de nosdites lettres, nous estions délibéré, ▼eu la grande baterye de nostre artillerie que aupara- Tant avions (ait faire deTant nostre ville de Padoue, de donner l'assault à ceulx qui estoient deans icelle nostre Tille , toutes voyes nous ayons depuis trouvé , par l'ad* vis de nos capitaines et de ceux de nostre conseil et autres estans lez nous, que, considéré le grant nombre d'artillerie et de gens de deflfence que les Vénitiens y avoient ' et mesmement les grandes réparations qu'ils y avoyent faictes , que jamais au monde n'a esté veu les semblables , pour ce qu'ilz ont eu dedans beaucoup de yillains et de gens de guerre, entre lesquels ils estoient plus de xv™ hommes bien armez, il nous estoit plus prouffitable de délaisser icellui assault que de le donner. Parquoy, congnoissant aussi que aucuns de nos communs gens de guerre , n'estoient pas fort enclins audit assault, nous avons levé nostre siège dudit Padoue et emmené toute nostre artillerie, et nous sommes icy retirez , où nous espérons , attendu ledit grant nombre de gens qui est audit Padoue et le grant destrument de biens que l'on a fait tout alentour, metti^ tel ordre contre eulx que les y afTamerons ; et, à i'ayde de Dieu, part ce et autres voyes contraindrons de eulx rendre à nostre obéissance.

Nous départons nostre armée en deux, dont une partie s'en va mectre le siège devant une ville et chas»

' La garnison de Padoue se composait de douze mille hommes de pied , deux mille chevaux et deux cents volontaires , fils des nobles vénitiens. L'armée combinée assiégeante était forte de trente-six mille fantassins, dix -huit cents hommes d'armes et mille chevau- légers. L'enthousiasme des Vénitiens , excité encore par les harapgues du vieux doge Loredano et d'André Gritti, triompha des efforts réunis dt l'Empire, de la France et de l'Espagne.

teau que tiennent lesdits Vénitiens, nommé Lynago, qui est fort et tient un grand passaige; et l'autre partie de nostre armée demeure pour soustenir nos loyaulx subjects de par deçà et mettre en efTame ledit Padoue. Et a tant, très chière et très amée fille, nostre Seigneur soit garde de vous.

Escript en nostre champ a Lymine, le vu* jour d'octobre, l'an xv*^ IX. Vostre bon père Maximilien. — Plus bas , Renner.

Procès de Nevcrs. Ratification du traité conclu avec l'Angleterre.

Précautions à prendre contre les menées de Charles de Guel4re.

— ( Original. )

( Au camp , à Lymena , le 7 octobre. )

Très chière et très amée fille, nous avons receu, depuis naguères , trois voz letti^s du derrain jour d'aoust, III** et XVI® de septembre derrain passé , ausquelles pour les causes que vous avons dernièrement escript, ne vous avons peu fère responce jusques à présent.

Et en tant que touche le procès , qui est reprins par les vefve et héritiers de feu le conte de Nevers, en parlement à Paris , à Tencontre de nostre très chier et très amé filz l'archiduc Charles , et de ce qu'il vous semble estre à ce nécessaire , mesmement de vous en-voyer par delà nostre bien amé Estienne de Vaignon , pour déposer, en la matière dudit procès , la vérité de ce qu'il en scet, nous vous advertissons que, à celle cause nous despécherons brief ledit Estienne pour aller par delà; et au surplus ce que trouverez estre bon et expédient oudit afiere, vous requérons le pourter

oulfa^ et avancer le plus que vous pourrez^ et que ladite matière le requiert; car nous en avons nostre confidence en vous et à ceulx de nostre conseil estans lez vous.

D'autre part , nous avons receu certaine lettre de Gonfirmacion du traictié, par nous dernièrement fait avec feu nostre frère le roy d'Angleterre, laquelle lettre, pour ce que n'en avons icy que fera, nous von renvoyons présentement pour la nous garder par delà en noz chartres.

Quant à voz advertissemens touchant messire Ciiarlcs de Gheldres, nous désirons et vous requérons que prenez adez bonne garde sur ledit messii^ Charles , cl de sorte que, par ses moyens acoustumez, il ne nous face quelque tromperie ; et en tout fere tousjours le mieulx que pouvez ; car nous espérons brief y pourveoir, soit par le moyen de nostre frère le roy de France ou autrement, en sorte qu'il ne nous saura fère dommaige, ains sera contraint soy déporter, et à tout le moins entretenir le traictié et appoinctement qui liiy a este* fait.

Au regard de là provision par vous faicte de la prébende ducale de Nyvelle, au prouffît de Anthoine François , pour les causes au long contenues en vosdites lettres, nous en sommes contens et l'avons pour agréable. Priant a tant nostre Seigneur qu'il , très chière ettrèsamée fille, soit garde de vous.

Escript en nostre champ de Lymisne , le vir jour d'octobre , l'an xv*' ix.

P. S. Nous sommes aussi contens de la provision par vous faicte de nostre receple de Namur, en vertu de noz lettres de promesse pour Nicolas Riflart, et , on onsnivant ce, en

avons fait despeschier noz lettres d'agréacicm , dont vous advertissons.

Et ne fiiictes plus telle despesche sans premier nous en advertir ; ains entretenez l'ordonnance que vous avons donne.

Per Regem. — Plus bas^ Renner.

L'Empereur regrette de ne pou voir , suivant le désir de sa fille , conférer une cure vacante au prévôt de Cassel , attendu qu'il en a disposé en faveur de J. de Banissis. — ( OriginaL )

(Au camp près Loogaera, le 9 octobre. )

Très chière et très amée fîlle^ nous avons reoeu vostre lettre faisant mention du trespas de feu Févesque de Salubr ie ' ^ nous requérant , pour les causes au long contenues en yosdites lettres , vouloir pourveoir nostre amé et féal conseiller^ le prévost de Cassel , de la ciu*e de la Gonde que tenoit à son vivant ledit feu évesque, et par sondit trespas^ vacant à nostre disposition. Et pour ce y très chière et très amée fille , que^ avant la réception de vosdites lettres, nostre amé et féal secrétaire maistre Jacques de Bannissis ^ nousavoit adverty de la maladie dudit feu évesque^ et requis, si le cas advenoit du trespas dudit seigneur , le vouloir avoir à icelle cure pour recommandé et préférer avant tous autres en récompence de ce qu'il n'a peu avoir la joyssance de deux ou trois bénéfices que lui avions accordé par delà , et que depuis xv ou xvi ans qu'il nous a servY continuellement, il n'a peu obtenir un seul bénéfice de nous ne autre récompence. Nous, à ces

' Sëlivrëe. Les évêques in partibus n'ayant point de dotation, on leur conférait des cures ou autres bénéfices pour les aider à subsister.

causes , aussi considérant les bons et loyaulx sei^ices que ledit maistre Jaques nous a de longtems faiz et. fait encoires journellement a grant peine et traveil^ le Yueillant de ce aucunement récompencer^ et d'autres don que sçavous bien luy ayoir par cidevant faiz, dont il n'a pas joy , lui avons donné et accordé ladite cure de la Gonde pour l'avoir et en jojt, ou lieu dudil évesque de Salubrie; dont vous advertissons et vous requérons faire tant vers nostredit conseiller, qu'il sevueille encoires contenter pour ceste fois; car du premier bon bénéfice qu'il vaquera à nostre disposicion par delà , en nous en advertissant , nous l'aurons en icellui avant tous autres pour recommandé. Ce scet , nostre Seigneur, qu'il, très chière et très amée fille, soit garde de vous.

Escript en nostre camp lez Longuera , le ix^ jour d'octobre, l'an xv** et ix. Vostre bon père Maxi.

P. S. jéjres Ijr pour cause que nous vous ai'ons dyl de bouche pour recommandé '•

Per Regem. — Plus bas, Renner.

L'office d^àvocat £scal au baîllîage d'Aval , en Bourgo^ie , est conféré à Claude Jaillon. — (Original,)

( Au camp de Custoza, le 12 octobre.)

Très chière et très amée fille , nous avons entendu que aucuns font poursuyte d'obtenir de vous le don de Testât d'advocat fiscal au bailliaige d'Aval, en nostre conté de Bourgoingne, que pieça avons donné à nostre

' Cette phrase est de la main de l'Empereur.

196 LETTRES DE MAXIMÏLÏEN

bien amé conseillier, Claude Jaillon % gradué es droit, fils de nostre amé et féal conseiller, maistre Pierre Jaillon , lequel avons dispenoé et licencier de tenir et excercer ledit estât d'advocat avec celluy de conseillier en nostre court de parlement de Dole , ou le faire excercer par homme à ce ydoine, le terme d'un an prouchain , que ledit maistre Claude Jaillon pourra avoir parfait son estude. A celle cause escripvons devers vous, et vous requérons que faictes joyr lesdits maistre Pierre et Claude Jaillon, desdits estats, ainsi que dit est, et qu'ilz ont fait cidevant sans en pourveoir autres. Quoy faisant, vous nous ferez plésir. A tant, très chière et très amée fille, nostre Seiguem^ soit garde de vous.

Donné en nostre camp de Custoza, le xii* jom» d'octobre xv*' IX. Per Regem. — Plus bas, Harmart.

L" Empereur veut que Claude Boudran soit remis en possession de la trésorerie de Dole , nonobstant les empêchements de Jacques Luc et de Philippe de Ghassey. — ( Original, )

(Au camp de Castoza, le 12 octobre. )

Très chière et très amée fille , nous avons escript à Jaques Luc , commis à Fexcercice de la trésorerie de nostre ville de Dole , de remectre en possession nostre bien amé Claude Boudran, de la receptedePoligny, pour en joyr sans difficulté, tout ainsi qu'il a fait cy-devant en vertu de noz lettres patentes, avant Tempeschement à lui

■ Ce même Claude Jaillon, beau-frère du secrétaire Mamix, fut depuis pourvu de la charge de conseiller an parlement de Dole. ( Voyez Lettres de Louis XII, IV, 289. )

y mis à tort et contre iiostre Touloir^ à la poui suy te de Philippe de Chassey, lors ti'ësorier dudit Dole. Néantmoings^ comme entendu avons ledit Jaques Luc de ce faire a esté refiustant et a commis en ladite recepte de Poligny^ Jehan Marlier, qui onques ne nous feist service ny aux nostres dont ne fumes content. A celle cause y ayant souvenance des bons services que de piéça nous a fait ledit Claude Boudran y et que journellement nous font aucuns des siens^ aussi que voulons nosdites lettres patentes sortir effect , ainsi que raison veult , vous requérons très affectueusement que vous faictes joyr, comme dit est, ledit Claude Boudran de ladite recepte de Poligny. Quoy faisant avec ce que serez bien et loyalement servie de luy, vous nous ferez plésir et nostre volenté. A tant j très chière et très amée fille , nostre Seigneur soit garde de vous.

Donné en nostre camp de Custoza, le xii* jour d'octobre xv*' IX. Vostre bon père Maxi. — Plus bas, Hannart.