MARGUERITE A MAXIMILIEN

Elle expose à son père les difficultés qu'éprouve le jeune duc de Milan pour toucher l'argent que l'Empereur lui a alloué. •— {Minute,)

Mon très redoubtë seigneur et père.

Monseigneur , le jeusne duc de Milan m'a fait par l'ung de ses gens remonstrer, comment jaçoit que pour se habiller et acoustrer pour ceste esté , luy convient et fust très nécessaire avoir argent et que sur ce, luy eussiez oixlonné prendre et avoir de voz propres deniers pour les mains des Folkres, la somme de mil florins d'or, oultre et par dessus son qu'il

pert de par deçà, ce nonobstant, lesdits Folkers se sont excusez de la délivrance desdits deniers, tellement que icellui jeusne duc demeure dépourveu dudit argent; ce qu'ilz m'a fait prier et requérir vous voloir escripre affin que vostre plésir soit y avoir regard et le pourveoir de remède convenable , vous suppliant , Monseigneur, ainsi le voloir faire et vous me ferez hem* et plésir, et s'il eust esté possible sçavoir tirer argent es finances de par deçà, je luy eusse volentier, pour l'amour de vous, fait toute Fassistence à moy possible. Maiz, Monseigneur, elles sont en tel estât que je n'y voy que prendre.

Mon très redoubté seigneur et père, etc.