MARGUERITE A MAXIMILIEN

Manœuvres qui se pratiquent en Italie pour contrarier les entreprises de l'Empereur et du roi de France contre les Vénitiens. La princesse voudrait être plus sage pour donner de bons conseils en cette occurrence. Le roi d'Aragon persiste à déclarer qu'il n'a aucune intention sur le royaume de Naples. Marguerite est d'avis qu'il faut faire une secrète alliance avec les rois d'Aragon et d'Angleterre. — (JKfmu/e.)

(Anvers, le 22 jaîilet. )

Mon très redoubté seigneur et père, très humblement à vostre bonne grâce me recommande.

' Ziriczée, viUe de Zélandc, dans Itlc de Schowen, à l'embouchure de l'Escaut.

Monseigneur, je suis adyertie des grandes praiicques que présentement se demeinent es Ytalles , pour re-^ bouter les bonnes emprinses que vous et le roy de France avez contre les Yënëciens, dont, Monseigneur, je tiens estes assez adverty et mesmes que povez bien considérer à quelz fins le tout se fait pour en temps et lieu y remédier, comme le cas le requiert ; car vostre bien et honneur et des yostres en deppend.

Monseigneur, je vouldroie estre bien saige pour vous donner bon conseil ; toutefibis lesdits affaires sont si grans et si pesants cpi'ilz trapassent mon entendement ; si vous supplie , Monseigneur, y avoir bon regard à ce que n'y soyez surprins.

Monseigneur, vous avez peu entendre ce que, de par les rois d'Arragon et d'Angleterre, vous a esté dit et offert , et pareillement ce que le roy de France a fait et peult faire pour vous et comment voz affaires sont disposez, et sur le tout choisir le meilleur et le plus seur party pour vostre bien et honneur; etjaçoit qu'il ne m'apartiendroit me mesler si avant de vosdites affaires, pour estre femme non expérimentée en telz affaires, néantmoins le grant devoir que j'ay à vous m'a enhardy k faire ce que cy devant en ay fait et faiz présentement, vous suppliant. Monseigneur, le prendre de bonne part et besongnier, pendant qu'il en est temps.

Monseigneur, ledit seigneur, roy d'Arragon, m'a envoie ung sien privé serviteur et varlet de chambre par lequel il m'a assez fait déclairer que la souspeçon que aviez touchant le royaulme de Naples estoit vaine et sans cause ; et de ce est bien content vous asseurer, comme peult estre il vous aura fait dire par Haro qui

est devers vous. Parquoy, Monseigneur^ persiste tousjours en mon petit advis qu'est si poyiez avoir une bonne et secrète aliance et intelligence avec lesdits seigneurs , roys d' Arragon et d'Angleterre , qui sont vos aliez et parens , que pour la seurté de yostre estât et de monseigneur vostre filz , la debvriés prendre , et faire par leur advis un bon appoinctement avec les Yéniciens , moiennant qu'ilz vous rendissent yoz pièces et se mettissent à la raison , comme l'on dit qu'ilz se offrent faire ; et ce^ ou cas que ne les puissez promptement vaincre par force et conquester le vostre, sans toutes voyes faire par ie aulcun tort au roy de France , l'amitié duquel devez aussi entretenir par bon moien.

Monseigneur, vous estes bon et saige, et entendez les affaires pour y pourveoir ainsi qu'il vous plairra , vous suppliant prendre mon petit advertissement de bonne part et me mander et commander tousjours voz bons plésirs, pour iceulx accomplir, aidant nostre Seigneur, auquel je prye , mon très redoubté seigneur et père , vous donner bonne vie et longue.

Escript à Anvers , le xxii® de juillet xv*^ xi.

L'Empereur veut que Josse Quévin, son conseiller, jouisse des biens et revenus qu'il a en Zélande , malgré l'empécbement qu'j met le seigneur de Berghes, ^-< ( OriginaL )

(Peerasen, le 10 août.)

Très chière et très amée fille, pour ce que, par nostre ordonnance, nostre amé et féal conseillier, maistre Josse Quevin, est icy en nostre service, et par

ce désirons qu'il joysse de ses biens ^ rentes et revenus scituez en noz pays de par delà , et que entendons le sieur de Berghes tient en arrest certaine rente que ledit maistré Josse a et luy appartient sur la ville de la Tule en Zéellande^ nous tous requjérons que, incontinent cestes veuesy TOUS ordonnez audit sieur de Berghes de baillier audit maistre Josse la main-levée et joyssance de ladite rente, ensemble les arréraiges escheuz, car tel est nostre plaisir. A tant, très chière et très amée fille , nostre Seigneur soit garde de vous.

Escript en nostre chasteau de Peerssen^ le x* jour d'aoust, l'an xv*" xi. Per Regem. — Plus bas, Botechou.