MARGUERITE A MAXIMILIEN

Marguerite demande les intentions de l'Empereur au sujet de la convocation du concile de Pise. — {Minute.)

Mon très redoubté seigneur et père. Monseigneur, les cardinaulx de Saincte- Croix, de Narbonne, de Rayonne (Rayeux?) et de Sainct-Séverin, ont envoyié ung leur messagier devers moy, aux fins d'obtenir certaines lettres plus à plein contenues et déclairés en certain billiet qu'il m'a présenté en langue castillanne^ dont je vous envoyé la coppie cy enclouse et le tout à intencion de mectre sus le concile. Lesquelles lettres j'ay différé vouloir faire expédier tant et jusques à ce que j'eusse sur ce entendu vostre bon vouloir et plésir. Quoy voiant, ledit messagier s'en est hastivemetit allé en Angleten^e pour la mesme cause ; et pour ce que à son retour suis seure qu'il me poursuyvra de ladite dépesche, vous supplie , Monseigneur, par la première poste m'en mander et ordonner vostre bon plésir pour icellui tousjours ensuyr et acomplir moyennant Tayde de nostre Seigneur ouquel je prie , mon très redoublé seigneur et père , vous doint bonne vie et longue*

ET DE MARGUERITE SA FILLE. — I5ll. 421