S. — MARGUERITE A MAXIMILIEN

Expédition de Gueldre. Réduction prochaine de Yenloo y et par suite de la Haute-Gueldre. Difficulté d'entretenir l'armée sur le pied où elle est , à moins qu'on n'y consacre les yin^ mille écus attendus d'Espagne. •^^ (Minute.)

( Septembre. )

Mon très redoubté seigneur et père , etc.

Monseigneur, je vous tiens bien averty de la belle et grosse armée qu'avons aux champs pour remectre et réduyre en yostre obéissance les pays et subgectz de Gheldres qu'est la chose, comme croy et à bonne cause que plus désirons en ce monde, pour la fellonnie et desloiaulté de messire Charles de Gheldres* Laquelle armée se acroist journellement, et espère qu'elle exploitera tellement que les premières nouvelles que en aurés seront que la ville de Yannello , qu'est des meilleures et plus puissantes dudit pays, sera mise et réduicte en vostre obéissance ; par le moien de laquelle emporterons ligièrement le hault pays et cartier de Gheldres ; que ne sera petit exploit pour cest yver ; car nous mectrons les pays de Brabant en seurté et clourrons le passaige des François et Liégeois; et si ferons bonne et seure ouverture aux marchans pour traffiquer et aller seurement es AUemaignes, et sy espère que encoires plus grans biens s'en ensuyvront.

Or, Monseigneur, par les estaz que vous ay envoyez avez assez peu veoir que telle armée ne se peult entretenir sans grande despence qu'est intoUérable, et n'y scevent fumir nulz revenuz , aydes et assistences que Monseigneur mon nepveur ait de par deçà, à

cause des grandes charges que sont desjà sur iceulx , comme bien sçavés , actendu mesmement la diminucion des aydes dont avés assés esté averty ; par quoy^ Monseigneur^ je ne voy moien qu'il ne faille bientost rompre ladite armée, si ce n'est que vostre plésir ftist vouloir permectre et consentir qu'on se puist, à ceste grande et urgente nécessité, ayder de x** «scuz venant d'Espaigne qui se paieront à ceste sainct Remy prouchaine, ensemble des aultres x™ du terme de la Fentecouste ensuyyant; dont. Monseigneur, pour austant qu'il touche yostre honneur et le mien, si grandement vous supplié et requiers en toute humilité. Et ledit affaire de Gheldres mys oultre. Monseigneur, ceulx des finances et moi tiendrons main que en serés remboursé au double.

Monseigneur, je tiens que auriés merveillieux regrect que ceste emprinse de Gheldres par si peu de choses vint tellement en roupture , actendu que l'avés tant à cueur ; et de ma part , Monseigneur, ne suys délibérée y riens espargnier et vous asseure que je y ay desjà employé plus de x™ frans du mien , et suis preste à y mectre le tout pour le tout, cuydant faire a vous et à Monseigneur mon nepveur bien grant honneur et service.

Monseigneur, je vous supplie avoir sur ce bricfve responce avec les despesches nécessaires.

Mon très redoubté seigneur et père, etc.

432 LETTRES DE MÂXIMILIM

Mort du duc de Julîcrs. Journée impériale à Augsbourg pour régler les différends entre les ducs de Saxe et de Gueldre. Floris d'Isselstein , lieutenant du gouverneur de Hollande. — (Orig.)

( Lients, le 4 octobre. )

Très chière et très amée fille , nous ayons receu voz lettres du xi* de septembre dernier passé, par lesquelles nous signifiiez la mort de nostre cousin, le duc de Juillers ' , dont Dieu ait Fâme y et entendu ce que nous avez sur ce fait dire par nostre secrétaire, maistre Hans Renner , auquel nous avons donné charge de vous faire responce que, en ce et autres choses à nous possibles, nous faisons et ferons le mieulx que povons, pour le bien et proufiit de ih^us et noz très chiers enfians.

Depuis , par autres voz lettres du xyi"^ dudit mois , vous nous escripvez comment estes advertye que , se povons tant faire que nostre cousin, le duc de Zaxssen, voulsist quicter ou du moins mectre en délay la querelle qu'il prétend à la duché de Juillers , le jeusne duc de Clèves et son père se condescendroient facilement à eulx déclairer à la guerre et aydier à» la réduction de nostre pays de Gheldres. Sur quoy vous advertissons que remecterons l'affaire dudit différend sur la journée impériale qui se doit tenir à Ausbourg pour alors trouver quelque moyen de appoinctier lesdites

' Suivant quelques historiens, Guillaume YIII, duc de Berg et de Juliers, mourut à Dusseldorf , le 6 décembre i5i i. Cette lettre prouve que sa mort eut lieu avant le 1 1 septembre de la même année, comme d'autres écrivains Font avancé.

parties amiablement , et désirons que vueillez praticquier avec lesdits ducz de Glèves , que , ce temps pendant ^ ilz se vueillent déclairer seullement de bailler vivres et victuailles à noz gens et de non point souffrir envoyer dez leur pays aucune assistence ne vivres ausdits de Gheldres , et que se ledit appoinctement se fait à ladite journée d'Ausbourg, alors ilz se déclaireront à la guerre , comme dit est.

D'autre part, très chière et très amée fille, nous avons veu les lettres que nous avez escriptes touchant nostre cousin Floris d'Isselstain , à cause de Testât de lieutenant et coadjuteur du gouverneur de nostre pays de Hollande , ainsi que plus à plain est déclairé en une copie de ce confaicte que semblablement nous avez envoyée , et sommes bien contens et voulons que, en ensuivant nostre promesse que lui en avons présentement faicte, vous despeschez par delà à nostredit cousin d'Yselstain ses lettres comment ladite mynute contient , car nous l'avons bien agréable audit estât. A tant , très chière et très amée fille, nostre Seigneur soit garde de vous.

Donné en nostre ville de Lients, le iiii*jour d'octobre, l'an xv^ XI. Vostre bon père Maxi. —Plus bas, Renner.

L'Empereur prie sa fille de pourvoir d'un emploi convenable , auprès du prince Charles , Ferdinand de Mécrane , qui lui est recommandé par la reine de France. — ( Original, )

(Lients, le 6 octobre.)

Très chière et très amée fille, nostre bonne sœur, la royne de France , nous a escript à la recommanda- I. 28

cion de Fernande de Mecrane, porteur de cestes, comme entendrez par ses lestres que vous envoyons avec cestes^ à celle fin que vueillions pourreoir ledit Fernande de quelque estât vers nostre filz , l'archiduc Charles. Et pour ce que sommes bien enclins à ladite rescription et que icellui Fernande nous a servy en nostre guerre contre les Vénissiens, nous l'envoyons devers vous et vous requérons que lui bailliez présentement entretenement pour nous servir en Gheldres; et quant quelque estât escherra vacant devers nostredit filz Charles où il soit ydoine, que l'ayez en ce pour recommandé; et nous ferez chose agréable. A tant, très chière et très amée fille, nostre Seigneur soit garde de vous.

Donné en nostre ville de Lients, le vi* jour d'octobre, l'an xv*^ XI. Per Regem. — Plus bas,. /?^/mer.

Traite avec les Suisses. Dispositions diverses. — {Original.)

(Ciliaen, le 14 octohre.)

Très chière et très amée fille, pour pluiseurs bonnes causes et raisons et mesmement pour la seurté des pays de noz maisons d' Austriche et de Bourgoigne, nous avons fait ung traictié héritable ' avec les Suyches, où tous nosdits pays d' Austriche et de Bourgoingne sont comprins ; et mesmement est déclairé comment nostre conté de ThiroUe, les pays devant les montagnes, comme Zubane , Ferrette et la conté de Bour-

' Ce traité avec les Suisses n'est consigné ni dans le Corjfs diploinatique de Dûment, ni dans le supplément audit recueil ]Kir Rousset.

goingne se doivent conduire et converser l'un avec l'autre, et aussi avoir regard l'un sur l'autre en tous actes et affaires tant de paix et de guerre. Et quant à tous noz autres pays d' Austriche et de Bourgoingne , est aussi déclairé que jamais ilz ne doivent faire guerre ne servir conte lesdits Suyches, ne semblablement lesdits Suyches contre eulx ; et à ceste cause , et qu'ilz ont ainsi prins iceulx pays de nostredite maison de Bourgoingne oudit traictié, nous leur avons accordé de leur baillier des deniers d' iceulx pays de Bourgoingne , asçavoir à chacun quanton nommé oudit traictié II*" florins d'or ; à l'abbé et ville de Saint-Gale et au pays de Axsel chacun cent florins d'or par an , comme du tout vous advertira plus au long nostre conseillier, maistre Jeromme Boidues, que envoyons pour ce devers vous et que entendrez aussi par la copie dudit traicté, lequel vous envoyons par ledit maistre Jeromme. Et vous requérons que sur ce vueillez croire ledit maistre Jéromme et, en tant qui touche la conté de Bourgoingne , que faictes par eulx observer ledit traictié ; et quant au payement , connue dit est , que tenez la main vers ceulx de noz finances de par delà que icellui soit fait et asceuré aux termes et selon qu'il est contenu oudit traictié. A tant, très chière et très amée fille, nostre Seigneur soit garde de vous.

Donné en nostre logis de Giliaen, le xiiii^ jour d'octobre, l'an xv'' XI. Vostre bon père Maxi. — Plus bas, Renner.

Division entre les seigneurs de Ghièvres et de Berghes , au sujet du

renouvellement des lois d'Anvers. Chercher à les arranger entre

eux. — ( Original, )

(Au château de Eravels, le 16 octobre.)

Très chière et très amée fille , vous scavez comment nous vous avons autreffois mandé et fait scavoir nostre voulenté touchant Tordre que voulons estre tenue au renouvellement des loîx de nostre ville d'Anvers, et pour ce qu'il y a tous les ans débat entre les sieurs de Chièvres et de Berghes pour scavoir lequel doit estre nommé le premier audit renouvellement, au moyen de quoy se pourroit sourdre une parcialité et division en nostredite ville à nostre grant désavantaige , regrect et desplaisir. A ceste cause nous désirons et vous requérons que vueillez sei'chier par tous bons moyens de appoinctier et appaiser lesdits seigneurs de ladite nominacion ; et si vous ne le povez appoinctier, que nous en advertissez et de cellui à qui il tiendra, affin que nous y povons pourveoir. A tant, etc.

Donné en nostre chasteau de Emvels , le xvi® jour d'octobre xv*' xi. Per Regem. — Plus bas, Renner.

Maximîlîen invite de nouveau sa fille à faire inscrire le fils de maître Lojs Marlien , médecin de l'archiduc Charles, parmi les gentilshommes de ce prince. — ( Original. )

(iDnekingen, le 21 octobre. )

Très chière et très amée fille , combien que vous ayons parcidevant escript de mettre le filz de mais-

tre Loys Marlyen% médecin de nostre filz, l'archiduc Charles^ es escrœs de nostredit filz en Testât de Fun de ses gentilz hommes , ce nonobstant nous entendons que n'en avez encoires riens fait. A ceste cause , et que sommes présentement adverty une place desditz gentilz hommes d'icellui nostre filz estre vacant par le trespas d'ung nommé Wilenhorsl, nous vous requérons que d'icelle place vacant comme dessus vous en pourveez le filz dudit maistre Loys; car ainsi nous plaist-il.

Donné à Innekinghen y le xxi* jour d'octobre , l'an XV* XI. Per Regem. — Plus bas, Renner.