MARGUERITE A MAXIMILIEN

Marguerite fait des yœva. pour la prospérité des affaires de l'Empereur : îl lui importe peu par qui elles se font , pourvu qu'elles se Êissent bien. Elle pense qu'il faut donner encore un assaut à ta ville de Yenloo avant d'en lever le siège. Le duc de Gueldre fait des préparatifs menaçants. Les États de Hollande ont accordé une nouvelle aide pour trois ans. Motifs de la lenteur du siège de Yenloo. Marguerite a reçu les instructions pour négocier avec le roi d'Angleterre. Nomination du sieur de Bossu à l'office de prévôt-le-comte. Difficulté d'envoyer des députés au concile de Pise. Désunion entre les sieurs de Chièvres et de Berghes. Portrait du prince de Castille. {Lettres de Louis XII, III, 86-91.) — {Minute.)

( Octobre. )

Mon très redoubté seigneur et père, etc.

Monseigneur, j'ay receu voz lettres par maistre Loys Maraton, vostre secrétaire, et veu bien et au long la despesche qu'il yous a pieu luy faire sur sa charge , laquelle , Monseigneur, je treuve toute bonne , moyennant qu'elle se exécute comme il apartient; ce que l'espère sçavoir bien faire à vostre honneur et prouffit;

et pour ce , Monseigneur, que à diverses fois vous en ay bien et au long fait dire mon petit advis , tellement que Favés bien peu comprendre et entendre, et les causes que à ce m'ont meu , ne suis plus délibérée vous ennuyer ou trayeillier, remettant le tout au bon plésir de Dieu ; lequel par sa bonté vous doint gi^âce de conduyr et guyder toutes choses à vostre honneur et prouffit , comme je le désire ; car après vous suis celle qui du bien aurey plus de consolacion et plésir, et du mal, s'il advenoit, que Dieu ne vueille, plus d'ennuy et regret que personne qui vive.

Et néantmoing, pour ce que les choses vont journellement en plus grande commocion, ne me seroie abstenir vous encoires supplier y prendre garde et avancer vosdites affaires pour les causes que entendes mieulx que moy; vous asseurant. Monseigneur, que, où que les choses se traictent, pourveu que ce soit à vostre honneur et prouffit, n'en seroie avoir que tout plésir et esjouyssement et n'ay tant de désir de m'en mesler que j'ai désir que tout voise bien et que, en voz vieulx jours et durant la minorité de ce josne prince , vous puisses trouver en paix et repoz , pour le mectre à l'avant et entendre soigneusement au gouvernement de sa personne et de ses biens , qu'est la chose que plus vous touche , après le salut de vostre âme.

En oultre, Monseignetu^ j'ay despuis receu aultres voz lettres par lesquelles estes d'advis qu'on lève le siège de Yannello pour les causes contenues en vozdites lettres. Sur ce , Monseigneur, désire bien vous advertir que, vueillant ensuyvre vostredit advis, les seigneurs d'Usestin et le cappitaine des Angloix , Edoart Poingnyon, n'ont esté de cest advis; ayns ont conclut de

faire la batterie trois jours durant , et après ^ venir à l'assault soubz espoir que ceulx de ladite ville , comme aucuns prisonniers leur ont dit, n'attendront ledit assault. Et quant oires ilz l'attendront, si ont espoir nosdits gens l'emporter et offrent lesdits Angloix faire leur devoir les premiers , monstrant que par honneur l'on ne pourroit lever ledit siège sans donner ung assault. Au moyen de quoy et que leur ay accordé à leur allée croire leur advis sans contraincte leur en laisser faire , et ne fust la diversité du temps , qui est bien estrange, en fust desjà fait ou failly; mais deans huit jours espère que en aurey le plésir ou le desplésir, et après fauldra adviser de faire le gast autour Nymèghe, ainsi que avez ordonné, et après, mettre les garnisons qui pourra; car je suis avertye que messire Charles de Gheldres ne dort pas et est bien délibéré cest yver nous réveillier qui luy laissera faire. Pour laquelle cause ay mandé les Estatz de Brabant et de Hollande au vi® de novembre à Breda , lesquelz je me parforcerey induyre à continuer leur ayde pour la guerre, veu que c'est pour leur bien et seurté, et que sans cella , n'y sçay aucun moyen qui ne faille du tout rompre l'armée à nostre grant déshonneur, dommaige et confusion.

Ceulx de Hollande ont continué leur ayde ordinaire pour trois ans avec certaines conditions et quictances qu'il leur a convenu faire en la manière accoustumée j et en ce se sont très bien acquittez le seigneur de Berghes et le chancellier de Brabant et le trésorier général; lequel trésorier est icy revenu devers moy, et ledit de Berghes est demeuré malade à La Haye. Le petit exploit que nostre armée devant Vannello a jus-

ques icy fait, procède pour deux raisons : l'une , que à l'encommencement du siége^ ilz n'assiégèrent du tout ladite ville ; en quoy ilz s'excusent sur le petit nombre des gens qu'ilz avoient; toutes fois je suis seure que s'ilz eussent mys le siëge comme ilz dévoient et povoient bien faire avec les gens qu'ilz avoient , ilz l'eussent emporté.

L'aultre ^ à cause que mon cousin , le conte de Nassau^ qui estoit capitaine général , n'y est peu aller pour sa maladie , et l'admirai y estant en son lieu est demeuré malade^ qui s'en est icy venu , et a le seigneur d'Ilsestin sur ce eu la charge de ladite armée. Par ainsi y pour la diversité des capitaines ou^ affin que à la vérité je dye mieulx , pour l'insouffisance d'iceulx, les choses ont esté conduictes de ceste sorte jusques à pré^ sent^ à mon très grant regret et desplésir, combien que ne suys encoires hors d'espoir de ladite ville , si le temps ne nous veult pas trop estre contraire.

Monseigneur^ vous saurés, comme je croy bien, qu'il y a deans ladite ville etassésprès d'icelle une grosse et haulte tour, de laquelle l'on regardoit au camp des Angloix , et leiu» faisoit l'on des lourdes venues; ilz ont fait abbatre la moytié de ladite tour, tellement que à ceste heure l'on n'y peult plus monter j et si ont eslevé ung hault monceau de terre avec du fient et fagoz pour dessus asseoir leur artillerie , de laquelle ilz pourront battre à voulenté au long de la ville, jusques au marché; que portera grant dommaige à ceulx de dedans et plus que feroient six mortiers. Et au demeurant, Monseigneur, s'acquictent merveilleusement bien et trop mieulx que nulz aultres qui soient à ladite armée , dont ilz sont à louer.

Monseigneur^ j'ay aussi receu yoz lettres a\ec les instructions d'Engleterre , lesquelles j'ay bien au long ▼eues et entendues , et icelles disputé et débatues avec le seigneur de La Roche; et enfin. Monseigneur, je n'y treuve riens k adjouster ou diminuer, et que tout le contenu ne soit bien nécessaire et requis pour yostre justifficacion ; et si treuve que l'allée dudit seigneur de La Roche pourra servir grandement à l'entretenement de l'amytié dudit seigneur roy, et que le plus tost le despescher seroit le meilleur. J'adviserey aussi, s'il m'est possible , envoyer avecq luy Tung de mes secrétaires, comme le m'escripvés.

En oultre. Monseigneur, j'ay veu par aultres voz lettres comme il vous a pieu accorder au filz du feu seigneur de Boussu l'office de prevost le conte ' ; en quoy , Monseigneur, m'avez fait honneur et plésir, et en avez fait de sorte que en aurez grande louange de par deçà ; et ny à celluy de ceulx qui le poursuyvoient qui ne disent que en ayez très bien fait ; et pour ce qu'il est encoires bas d'aige, commectray le seigneur de Barbançon, son oncle, à l'exercice d'icelluy et en son lieu jusques il soit en aige compétent, par lequel suis seure que ledit office sera bien exercé.

Touchant d'envoyer au concilie de Pise, comme m'escripvés, il me semble. Monseigneur, que, veu que estes tuteur comme vous estes de monseigneur mon nepveu, et mon seigneur et p^e, qu'il souffist que

' Le prevôt-le-comte j à Yalenciennes, est uq officier du prince chargé , dit d'Oultreman , de calenger les crimes. Il avait sa demeure et tenait ses prisons dans le palais appelé la salle-le-çomie. Durant lu dernière moitié du xv* siècle , les illustres familles de Maingoval et de Hennin-Bossu se sont constamment disputé cet office de prév6t-lccomte. A la fin les seignours de Bossu l'emportèi'ent.

y envoyas de par tous nous ; aussi , Monseigneur, à dire vérité, les finances de par deçà sont si courtes que on ne soroit trouver ung denier pour faire la despesche.

Au regard d'appoincter les seigneurs de Ghièvres et Berghes pour le renouvellement de la loy d'Anvers , comme aussi le m'escripvés. Monseigneur, il est bien mal faisable à moy , à cause de la picque qu'est entre eulx. Si vous vouldroie bien prier que dès maintenant il vous pleuist m'en escripre vostre bon plésir pour ma descharge; aultrement il en pourra venir du mal et inconvénient.

Au surplus, Monseigneur, je feray faire la peinture de monseigneur mon nepveu pour la vous envoyer le plus tost que je pourray ; priant à tant nostre Seigneur, mon très redoubté seigneur et père , qu'il vous doint bonne vie et longue.

L'Empereur renvoie avec son approbation le rôle des bénéfices dont sa fille lui avait soumis le projet. •— ( Original. )

(Insprack, le 6 novembre. )

Très chière et très amée fille , nous avons depieça receu , par maistre Gilles Ryngot, le pourgect du roUe des bénéfices de noz pays d'embas, ainsi que l'avez advisé et conclu par delà pour le mieulx,* auquel nous avons adjousté quelque petite chose , comme verrez , et au demeurant ensuyvant vostredit advis; et vous renvoyons icellui roUe signé de nostre main, cloz et scellé par ledit Ryngot^ pour icellui doiresenavant en-

ET DE MARGUERITE SA FILLE. — 1511. 445 tretenir et observer comme il appertient en tel cas. A tant^ tpès chière et très amée fille ^ nostre Seigneur soit garde de vous.

Donné en nostre ville dlnsproug, le vi* jour de novembre^ Fan xv*^ xi. Per Regenu — Plus bas, Renner.

Sire Jacques Pojtel , chapelain de la dame de Gicon , recommandé pour la cure de Vaure, près Vesoul. -^(OriginaL)

(Brisach, le 12 novembre.)

Très chière et très amée fille , damoiselle Katherine de Lobevec , vefve de feu le sieur de Cicon , nous a remonstré comme sondit feu mary et elle ont eu par longue espace de temps ung chappellain, natif de Bourgoingne , nommé sire Jacques Poy tel , qui les a bien servy et meismement ou temps qu'ilz ont esté en nostre service et du siège que les Vénéciens ont tenu devant nostre chasteau de La Pierre au Galéan , où estoit lors ledit chappellain; en nous suppliant vouloir, en l'honneur de Dieu, pourveoir audit chappellain de la cure de Vaure prez Vesou, en nostre conté de Bourgoingne. Et pour ce que telles requestes de dames sont favorables et meismement d'icelle damoiselle, que par nous a esté mariée et tousjours eslevée avec nostre compaigne la royne , veullans obtempérer à sa supplication, vous requérons affectueusement que, à nostre contemplacion , veuillez donner et conférer audit sire Jacques ladite cure quand elle escherra vacant, ou aultre bénéfice de vostre collacion , en nostredit conté de Bourgoingne. Et vous nous ferez chose agréable.

Donné en nostre ville de Brisach y le xii^ jour de novembre , l'an XV® XI. Per R^gem. — Plus bas, JSTa/i-

nart.

Maximilîen voudrait , comme sa fille , conclure une bonne paix > pour mettre une fin à ses afiaîres d'Italie. Assaut à livrer à Yenloo et autres opérations pour empêcher le duc de Guddre et les siens de passer d'un côté à l'autre des rivières. Différend des seigneurs de Ghiévres et de Berghes , pour le renouvellement des lois d'Anvers. Prise du seigneur de Rœux. — {Original,)

(iDspruck, le 18 novembre. )

Très chière et très amée fille , nous avons receu voz lettres du xxviii d'octobre dernier passé , et entendu bien et au long le contenu d'icelle et le désir que avez à ce que ayons quelque bonne paix et fin en noz affaires d'Ytalie^ en ensuyvant lesquelles ^ nous nous délibérons de tout y entendre; et vous advertissons entièrement f par autres noz lettres que vous avons naguères envoyées par ung de noz paiges, en quel estât iceulx nosdits affaires sont pour le présent , et en attendons vostre responce.

Et pour ce que deans v ou vi jours après la date d'icelle^ noz gens de guerre de par delà dévoient baillier l'assault à ceulx de Yennelo et qu'il y a desjà plus de dix jours que ne nous avez escript y nous demeurons encoires d'oppinion que, se nosdits gens congnoissent qu'ilz ne sçauroient ou pourroient donner ledit assault et le gangnyer^ ou qu'ilz le perdroient , que les faictes retirer et faire le belouwarck devant Waghemighen , comment autreffois vous avons escript , tant pour efia«

mer ceulx de Nyméghen, que rasser tout le pays a l'entour ; car^ par ce moyen , messire Charles de Gheldres et les siens ne pourront passer les rivières et donner secours à l'un et à l'autre cousté; et si, en ce faisant , pourra l'on suràttendre l'esté advenir que nous délibérons aller par delà en personne pour à nostre povoir et. Dieu en ayde, parachever ladite guerre de Gheldres.

Touchant ce que ne sçavez moyen d'appoinctier les sieur de Chièvres et de Bergues sur le fait des commissions du renouvellement des loiz de nostre ville d'Anvers et que voulons y estre pourveu , que , par leurs discentions, aucun inconvénient n'en adviengne à nous et à nostredite ville , nous entendons, et voulons que au prouchain renouvellement desdites loiz, vous commectez pour ceste fois , es lieux desdits sieurs de Chièvres et de Berghes, autres deux bons personnaiges de par delà telz que adviserez , ausquelz donnez charge expresse de vaquer et entendre audit renouvellement.

Nous avons eu nouvelles comment , par cas d'infortune , le sieur de Reux ' a esté prins par les gens d'armes vénissiens ou fait d'armes et qu'il n'y a tuez ou prins avec luy que seullement cinq ou six hommes de la compaignye des François. A tant, très chière et très amée fille, nostre Seigneur soit garde de vous.

Escript en nostre ville d'Ynsprugg, le xviii® de novembre xv^ XI. Per Regem. — Plus bas, Renner.

' Ferri de Croy, chevalier de la Toison d'or, seigneur du Rœux , l'un des généraux de l'Empereur en Italie. La terre du Rœux, située dans le Hainaut, fut érigée en comté, l'an i55o, en faveur d'Adrien de Croy.

448 LETTRES DE MÂXIMILIEN

Prébendes de Saint-Aubin de Nainur réglées entre Philippot Lombart , le Breton , et Germain Parisot. — ( Original. ]

( Stersinghen , le 20 noTembre. )

Très chière et très amée fille , nous vous avons par plusieurs fois escript et fait dire comment nostre intencion estoit que nostre fourrier, Philippot Lombart, eust la chanoinie de Saint-Aubain de Namur, que ung nommé le Breton , clerc de vostre oratoire , tient et occupe. Â quoy nous avez adez fait bonne responce, mais à cause que ledit Breton est vostre serviteur, comme dit est , nous avons bien voulsu tenir ceste matière en délay, espérant d'y trouver quelque bon appoinctement ; et soubz icellui espoir, avons mis ou rolle des bénéfices de nostre collation de par delà ledit Philippot. Or est que sommes présentement advertis que une chanonye dudit Saint-Aubain est vacant à nostre disposition par le trespas de feu maistre Guillaume de Jodyon, à laquelle toutes voyes nostre secrétaire, maistre Germain Parisot, prétend droit, en vertu de noz lestres patentes qu'il dit en avoir obtenues à rencontre dudit feu maistre Guillaume.

Par quoy, vueillant mectre une fin oudit présent affaire à nostre désir; et que ledit maistre Germain prouffîte de sondit droit, vous signiiSons que nostre plaisir et intencion est que ladite première chanonye demeure audit Philippot , la seconde vacant par le trespas dudit Jodyon audit Breton, et la première qui va^ quera audit maistre Germain, dont vous advertissons

ET DE MARGUERITE SA FILLE. *— 1511. 449 et requérons de aux dessusdits faire de ce despeschier noz lettres à ce requises et telles que besoing leur seront en avoir; car nostre plaisir est tel. Très chière et très amëe fille , nostre Seigneur soit garde de vous. Escript en nostre ville de Sterzinghen, le xx* jour de novembre, Tan xv^xi. Per Regem. — Plus bas, Botechou.