MARGUERITE A MAXIMILIEN

Marguerite recommande à son père un médecin italien pour remplacer, en cas de mort , celui de l'archiduc et de ses sœurs , qui est caduc et très malade. — > (Minute.)

Mon très redoubté seigneur et père , etc.

Monseigneur, mon cousin , le duc de Millan , m'a fait très instamment requérir que, advenant le trespas de maistre Nycolas, médecin de monseigneur mon nepveur et de mesdames mes nyepces , lequel est fort vieulx, caducque et ©pressé de maladie, je voulsissc pourveoir oudit estât , en son lieu , ung sien médecin ytalien qu'il a de très bonne estimation et renoiAmée. Et pour ce , Monseigneur, que vouldroie bien en ce complaire à mondit cousin, moyennant que ce fust vostre bon plésir, je luy ay fait responce que vous en escriproie très voulentiers, en faveur de sondit médecin, à ce que vostre plésir fust en ce l'avoir pour recommandé, ledit cas advenant; dont. Monseigneur, je vous supplie, et que sur ce il vous plaise m'en mander vostre bon plésir pour Tacomplir de mon povoir. Dieu en ayde, ouquel je prie, mon très redoubté seigneur et père , etc.