MARGUERITE A MAXIMIUEN

Elle prie l'Empereur de consentir à ce que Francis Cabel soit reçu conseiller ordinaire de la chambre du conseil en Hollande advenant le trépas du titulaire Willem van Berendrecht. — ( Minute. )

( Malities , décembre. )

Mon très redoublé seigneur et père, très humblement à vostre bonne grâce me recommande.

Monseigneur, j'ay esté présentement avertye que ung conseillier ordinaire de la chambre du conseil en Hollande, nommé maistre Willem Van Berendrecht, fort vieulx et cassé, est détenu d'une griefve maladie d'où l'on n'a espoir qu'il se puisse relever. A ceste cause et pour non leissier le nombre dudit conseil despourveu de gens de bien et ydoines, ay esté requise par aucuns bons personnaiges et mesmes par le sieur d'Icestain ' pourveoir maistre François Cabel, homnoie bien souffisant et expérimenté, selon le rapport que mi'en a esté fait et qui a esté passé six ans advocat dudit pays de Hollande dudit estât et office, cas advenant toutesfois dudit maistre Willem. Toutesfois, Monseigneur, pour ce que c'est à vous y pourveoir, ne l'ay osé accor^ der sans votre sceu et commandement, jasoit que la chose fuisse bien raisonnable. Ains vous ay proumis vous en escripre; ce que je fais. Monseigneur, vous suppliant me consentir et acorder que je fisse pourveoir icellui maistre François dudit estât et office de conseillier ordinaire ou lieu dudit maistre Willem,

• Floi'is d'Egniond, seigneur d'Jselstein.

s il vient à vacquer par trespas, rësignacion ou autrement, et TOUS me ferez honneur et plésir, me certiffiant sur ce vostre bon vouloir.

Mon très redoublé seigneur et père , je prie à tant nostre Seigneur que vous ait en sa sainte garde.

Escript à Malines, ce... jour de dëcembi^ xv^ et vu.