ET AUX GENS DE SES FINANCES

Il leur demande dix mille florins d'or pour porter secours au comté de Bourgogne, que l'on a été obligé de dégarnir de troupes pour marcher contre les Vénitiens. — {Original. )

(Coblentz, le 10 juin.)

Très chière et très amée fille, et très chers et féaulx, nous voudrions bien que feissez mectre ou tenir prest en nostre cité de Metz, la somme de dix mil florins d'or, afïin que à tout icelle somme, se le roy de France entreprent aucune chose sur ceulx de nostre conté de Bourgoingne, l'on puisse prestement recouvrer gens d'armes pour secourir et assister noz subgectz d'icellui conté. Car nous avons envoyé les mil chevaulx et trois mil piétons qui estoient pour la garde d'icellui conté contre les traytresVénissiens, à cause des traysons qu'ilz nous dressent journellement, et mesmement y envoyons le conte de Furtember et mareschal de nostre hostel et grant bailli de Ferrette, et messire Jaques de Landauw, comme capitaine de noz gens d'armes de Zwene.

Sur ce, nous avons remis sus vic chevaujx et deux mil piétons ferrettois et vynnois, soubz la charge du conte de Lauphen, capitaine-général de haulte et basse Palatine d'Elsate, pour soustenir, à voz despens de par delà, la garde d'icellui conté de Bourgoingne, et incontinent après avoir receu son payement, entrer en pays, quant le sieur de Vergy, nostre marischal de Bourgoingne, le mandera, ou pour nostre retour par delà,

attendu que pour le jourd'huy nous avons employé tous noz deniers à lever autant de mil hommes que povons pour nous accompaignier de nouveau es Y taies, ou cas que les trêves ne se prendent entre nous et lesdits Vénissiens et le roy de France, comme leur alié et adhérant à l'encontie de nous. Mais sans faulte nulle, Gheldres ne sera point comprins , et espendrons encoires plutôt de nostre propre sang contre lesdits François et Vénissiens avant que de habandonner la conqueste dudit Gheldres qui à nous et à feu nostre filz Philippe a tant cousté de pennes et de despenses. Et pour ce faictes tousjours, sur la guerre que y avons à présent, la plus grande diligence et le meilleur devoir qu'il vous sera possible ; car certes ilz sont tous sur leurs genoulx et extrémité. — A tant, très chière et très amée fille, et très chers et féaulx, nostre Seigneur soit garde de vous.

Escript à Couvelance, le xe jour de juing, l'an

XVe VIII.

Lesdits vic chevaulx et nm piétons ne cousteront riens jusques à ce que ledit sieur de Vergy les mandera. Per Regem. — Contresigné Renner.

Il la prie de faire obtenir au seigneur de Spoutin la mairie de Namur, en récompense des bons services qu'il a rendus dans la guerre contre les Français. — {Original.)

(Castellaun, le 12 juin. )

Très chière et très amée fille, le seigneur de Spontin nous a présentement requis que en faveur de ses services nous luy vueillions donné et accordé l'office et

estât de îiostre mayère de Namur. Et pour ce que sommes fort enclins audit seigneur de Spontin, en faveur mesmement du bon et vertueux service de guerre qu'il nous feit dernièrement à rencontre des François, nous désirons et vous requérons que vueillez practiquer et tant faire vers cellui qui tient à présent ledit estât et office de mayère, qu'il vueille estre content de résigner icellui estât, et s'en déporter au prouffit dudit seigneur de Spontin, moyennant quelque récompence de deniers que nous luy ferons baillier. Car il est raison , et voulons bien aucunement recongnoistre les services de nosdits bons serviteurs à l'exemple d'autres. Très chière et très amée fille, nostre Seigneur soit garde de vous.

Donné à Castellan, le xne jour dejuing, l'an xvc vin. Per Regem. — Plus bas, Benner.

Il mande les trêves entre lui , les Vénitiens et les Français. Charles de Gueldres en est exclu. L'Empereur recommande de poursuivre avec activité le fait de la guerre de Gueldres. — [Original.)

• (Creutznach , le 13 juin.)

Très chière et très amée fille, nous avons cejourd'huy eu nouvelles comment les trêves sont faictes entre nous, et les Vénissiens et François pour trois ans, là où messire Charles de Gheldres est exclus.

Par quoy, puisque la chose est ainsi advenue, nous espérons de vous veoir bien brief, et aussi de vous advertir des articles et promesses qui ont esté faiz et concludz sur lesdites trêves. Sy vous requérons que

64 LETTRES DE MAXIMILIÊN

cependant vous tenez la main de tout vostre povoir que le fait de la guerre de Gheldres soit bien et vigoureusement exécuté ; car à ceste fois nous avons ferme fiance d'en avoir une fin finale, à l'aide de nostre Seigneur, qu'il, très chière et très amée fille, soit garde de vous. Escript à Creutznach, le xme jour de juin 1508» Vostre bon père Maximilien. — Plus bas, Botechou,

Il lui recommande le cardinal de Sainte-Croix , qui se rend auprès d'elle pour voir le prince Charles. — (Original.)

( Wesel, le 18 juin.)

Très chière et très amée fille , nous avons despieça désiré que monseigneur le légat, cardinal de Sainte- Croix, voulsist aller veoir nostre très chier et très amé nepveur, le prince d'Espaigne, archiduc d'Autriche, etc., et aussi communiquer avec vous d'aucunes choses concernant le bien, honneur et prouffit d'icellui nostre nepveu. A quoy nous l'avons trouvé totalement enclin, tellement qu'il fait grandement à louer. Et pour ce, le vous recommandons bien expressément, vous requérant très acertes que dfe ce qu'il vous dira de par nous, le vueillez pour ceste fois croire comme nousmesmes, et luy faire si bonne et briefve despèche, qu'il se puisse de rechief trouver pardevers nous à la prouchaine journée du saint-empire, ainsi que de luy pourrez entendre plus aplain. A tant, très chière et très

Donné à Vesel, le xvme jour de juing, l'an mil v* et vin. Vostre bon père Maxi. — Contresigné Renner.

11 la prie d'accorder la cure de Vyr, dans le comté de Namur, a Jean Rieger, neveu du secrétaire Renuer. — ( Original.)

( Wesel, le 19 juin.)

Très chière et très amée fille , nostre amé et féal secrétaire messire Jehan de Collauer, docteur, nous a présentement remercié le don que en nostre faveur lui aviez fait de la cure de Vyr, en nostre conté de Namur, nagaires vacant à nostre collacion, et dont vous sçavons bon gré, et nous a requis, actendu qu'il est desjà bien pourvueu de cures, et qu'il n'en peut plus tenir sans dispence, que vueillons estre contens que maistre Jehan Rieger, prebtre et maistre aux ars, nepveur de nostre amé et féal aussi secrétaire, maistre Jehan Renner en soit pourvueu en son lieu; car il lui renuncoit libéralement son droit. Par quoy et que avons icellui maistre Jehan Rieger en singulière recommandacion, en faveur mesmement dudit Renner, nous avons consentu et consentons qu'il soit pourvueu d'icelle cure de Vyr, et lui en avons fait despechier noz lettres de don en forme deue, dont vous advertissons et vous requérons que à prendre la possession d'icelle cure et faire autres devoirs ad ce requis, vous faictes despeschier par delà à icellui qui en aura charge de par ledit maistre Jehan Renner, ou nom de sondit nepveur, qui est absent et aux estudes, comme entendons, toutes telles provision que mestier sera et par lui requise serez, et vous nous ferez chose agréable. A tant, très chière et très amée fille, nostre Seigneur soit garde de vous, r. 5

Donné à Wyssel, le xixe jour de juing, l'an mil vc et vin. Vostre bon père Maxi, avec paraphe. — Plus bas, contresigné Botechou.

Victoire remportée sur les Vénitiens avant la notification de la trêve; mais en revanche les Vénitiens se sont emparés de la petite ville de Saint-Voyt. — ( Original. )

(Wesel, le 19 juin.)

Très chière et très amée fille, nous avons cejourduy eu nouvelles que noz gens de guerre qui estoient au quartier de Carinte et au nombre de cent et cinquante chevaulx, ont rué jus bien cinq cents chevaulx vénissiens, avant que les trêves dont vous avons naguères escript aient esté faictes ou du moings à eulx signiffiées , et desquelz cinq cents chevaulx ilz ont vaincuz et mis à mort environ deux cents hommes et cinquante qu'ilz ont prisonniers , avec bien aussi trois cents chevaulx gaingniez, qu'est la fin de la guerre d'iceulx Vénissiens. Mais au contraire lesdis Vénissiens ont encoires gaingné sur nous par trahyson une vilette en icellui pays et du quartier de la mer, appellée Saint- Voyt, dont vous advertissons. A tant, très chière et très amée fille, nostre Seigneur soit garde de vous.

Escript en nostre ville de Wyssel, le xixe jour de juin , Tan xvc vin. Per Regem.

Il lui recommande le docteur Collauer, son secrétaire, à qui il a promis le premier bénéfice qui se trouvera vacant. — (Origin.)

(Wesel, le 20 juin.)

Très chière et très amée fille, pour les bons, loyaulx et continuelz services que nostre amé et féal secrétaire messire Jehan Collauer, docteur, nous a parcidevant faiz et fait encoires journellement à l'entour de nostre personne à grant soing, travail et diligence, nous luy avons, en récompence d'iceulx services, promis et accordé le pourveoir de la première dignité ou bon bénéfice qui escherra vacant en noz pays de par delà ; dont vous adver tissons et vous requérons que , ledit cas advenant, vous l'ayez aussi pour recommandé; car nous voulons qu'il soit ad ce préféré avant tous autres. A tant, très chière et très amée fille, nostre Seigneur soit garde de vous.

Donné à Wyssel, le xxe jour de juing, l'an mil vc et vin. Fer Regem. — Plus bas, Renner,

Si.— MAXIMILIEN A MARGUERITE.

Témoignage d'une pleine confiance. Nouvelle explication an sujet de la demande des dix mille florins d'or. — (autographe. )

(Le 4 juillet.)

Ma fille , vous nous avez largement escript touchant le raport qui vous a fait en nostre nom Guilhain Pingon, jadis nostre garderobe, sur laquel vous nous

demandez encor plusieurs amples déclarations. Certes sur sela, il semble que, par la crédence que le susdit Guilhain a eu de vous et après de nous, la responce dessus que il a plus de materes mis avant, selon que nous poons considérer par vous les très que par avanture propos a esté, dont nous mestons en sela et tout autres choses tout à vostre bon opinion et dischrétion, nous summes toujours content que vous faites en toutes choses toujours sela, qui est vostre et leur plus grand honneur et profit et de nos communs enfans; nous ne pouruns savoer les affaires et nécessité de par deçà, comme vous pourrés savoer par delà. Nous veneruns bientost devers vous en personne , là pourré vous avé nous communiker de toutes ses choses plus assurément et de toutes choses qui vous semble que poés en sela attendre nostre venue devers vous.

Ma bonne fille , vous vous émerv illiés de se que je vous a faet si humblement requerre la possibilité de dix mille florins, touchant la guerre de Gueldre et ma venue illec. Vous devez sur sela entendre que il y a nécessité je fasse honnour et réputation à mon gouverneur, affin mesmement depuis que ledit mon gouvernor comme vous estes a tousjours tant de paine pour trover argent, affin que il ne ly fâche desplaisir pour gaster et troubler ses finances de gendermeries.

Escript de la main de vostre bon père, ce 1111e jour de joulet 1 508. Maximilien.