MARGUERITE A MAXIMILIEN

Elle informe l'Empereur des difficultés soulevées par le cardinal d'Amboise , au moment de la conclusion des traités convenus. Louis XII ne veut pas que le roi de Navarre soit compris dans la paix. La princesse voulait, se retirer; mais le légat l'ayant priée de différer jusqu'à la réponse du roi, elle a cédé. — {Min.) — {Lettres de Louis XII, 1 , 133.)

(Cambrai, décembre.)

Mon très redoubté seigneur et père, très humblement à vostre bonne grâce me recommande.

Joux resterait entre les mains des officiers de l'Empereur; mais que, durant ce même temps , le marquis de Rothelin jouirait du château de Noyers en Bourgogne avec ses revenus. ( Voy. Corps diplomatique de Dumont, IV, irc partie, 1 1*2. )

ET DE MARGUERITE SA FILLE. — 1508. 109 Monseigneur, après estre venue en ceste ville, et plusieurs communications eues avec monsieur le légat en France, en présence de monsieur de Gurce, ay aprochées les matières dont il vous a plu me donner charge, au plus près du contenu en vos instructions, et n'atendoye de jour à autre, fors la conclusion sur icelles matières.

Touttesfois hier mondit sieur le légat, après disné, combien que luy et moy desjà eussions conclud que le roy de Navarre seroit compris en la paix comme vostre allyé, me dit et déclaira que le roy son maistre n'entendoit ledit roy de Navarre estre nullement comprins en ladite paix, et luy avoit escriptes lettres de sa main à ces fins, lesquelles il me monstra.

Et pour ce, Monseigneur, que je trouvay lesdittes lettres et parler de mondit sieur le légat bien estranges, et me sembloit chose dissimulée plus que aultrement, actendu mesmement la conclusion par moy prinse avec ledit sieur légat et aultres ordonnez avec luy sur laditte affaire de Navarre, aussy qu'il m'avoit dit avoir tout povoir à son arry vée devers moy, à cette cause , considéré que par vosdites instructions, entendez ycelluy roy de Navarre estre comprins en laditte paix, et que ce ne seroit vostre honneur le délaisser derrière , veu la bonne amour et désir qu'il a de faire service à vous et à vostre maison , ay dit et déclaré audit sieur légat résolutivement délaisser le tout plustost que ledit roy de Navarre ne fût comprins en laditte paix ; au surplus, me desplaisoit les choses estre sy près approchées au dénouement, et demeurer à conclure à si petite occasion, et que délibéroye me partir le plus tost que pourroye, cognoissant la perdicion de temps, et que ce n'estoyent que tous abus.

110 LETTRES DE MAXIMILÏEN

Monseigneur, depuis mondit sieur le légat m'a fait prier et requérir très instamment vouloir surceoir mondit partement, duquel il est incertain, de deux ou trois jours, et jusques il ait responce dudit seigneur roy son maistre, auquel il doit avoir escript bonnes lettres , desquelles il attend avoir brief responce. Laquelle chose considérée, et que ne puis partir si soudain afin aussy que ledit sieur légat ou autres ne puissent dire que à moy c'est tenu à cause de mondit partement, luy ay accordé demeurer jusques à jeudy prochain. Desquelles choses, Monseigneur, vous ay bien en toute humilité voulu averty, à ce que congnoissiez le devoir en quoy je me suis mise, et que bonnement pour vostre honneur et le mien ny pourroye fere autre chose.

Monseigneur, si pendant maditte demeure survient rien, en serez averty à diligence, aydant nostre Seigneur, auquel je prie qui, mon très redoubté seigneur et père, vous doint l'entier accomplissement de vos très nobles désirs.

Escript à Cambray, ce. . . . jour de décembre xvc vm.

Il envoie à sa fille André de Burgo , et la prie de le recommander

au roi d'Angleterre, près de qui ce conseiller doit se rendre

ensuite. — ( Original. )

( Bolzannc , le 28 janvier. )

Très chière et très amée fille, nous envoions présentement devers vous nostre amé et féal conseiller, messire Andrieu de Burgo, pour aulcunes choses qu'il vous dira, et lui avons chargé de passer oultre, et aller devers

ET DE MARGUERITE SA FILLE. — 1508. 111 nostre frère le roy d'Angleterre, à tout nos instructions, que aussy il vous communiquera, dont pour faire son voyaige jusques illec nous l'avons pourveu d'argent , et pour son entretenement et mettre à exécution ce que luy avons commis, nous luy avons ordonné, sur les deniers que nostredit frère doibt prester, la somme de mil escus d'or, et lui en escrivons à celle cause, ainsy que entendrez par ledit messire Andrieu. Et vous requérons que selon ce en escripvez pareillement à nostredit frère, et vous nous ferez chose agréable. A tant, très chière et très amée fille, nostre Seigneur soit garde de vous.

Donné en nostre ville de Bolzanne, le xxvme jour de janvier, l'an xvc vin. Vostre bon père Maximilien. — Plus bas

Il l'invite à envoyer son maître-d'hôtel au duc de Gneldres, pour lui faire des remontrances sur la violation d'un traité récemment conclu. Joutes ajournées. — *( Original.)

(Alost, le 27 février.)

Très chière et très amée fille, nous avons receu vos lettres par le sieur de Montigny et entendu ce qu'il nous a dit touchant le fait de messire Charles de Gheldres, et sommes d'opinion que envoyez devers ledit messire Charles vostre maistre d'ostel Jhéromme Vent, et que par luy lui soit remonstré toutes les plaintes et autres choses que pour le présent fait a remonstrer, mesmement de ce qui contrevient au traité de paix naguaires fait, et que sur le tout il demande avoir ré-

ponce de luy pour nous en advertir; qu'advertissant en oultre ledit messire Charles que en ces choses il vueille tenir surcéance et riens innover qu'affin qu'il ne donne point occasion de recommenchier la guerre.

Touchant les joustes qui se doibvent faire en nostre ville de Gand, nous désirons qu'elles soient contremandées jusques à dimanche prouchain. A tant, très chière et très amée fille, nostre Seigneur soit garde de vous.

Donné en nostre ville d'Alos, le xxvne jour de février, l'an mil vc et vin. Maxim ilien. — Plus bas, Renner.

L'Empereur fait venir l'archiduc Charles à Anvers , et mande à Marguerite d'envoyer ses archers au-devant de lui. — (Orig.)

(Liere, le 16 mars.)

Très chière et très amée fille, nous avons mandé à nostre très chier et féal cousin, le prince de Chimay, de amener demain en nostre ville d'Anvers nostre très chier et très amé filz , l'archiduc Charles , et désirons que envoyez au-devant de nostredit filz, ou mychemin, voz archiers, pour deslà le conduire avec les gens de son trahain jusques en nostredite ville d'Anvers. A tant, très chière et très amée fille, nostre Seigneur soit garde de vous.

Escript en nostre ville de Lyere, le xvie jour de mars, l'an xvc vin. Per Regem. — Plus bas, Renner.

Le pape a peur des Français, et voudrait que Louis XII commençât le premier la guerre contre les Vénitiens. L'ambassadeur de France prétend que l'Empereur a tort de passer en Gueldre, attendu que le roi son maître n'abandonnera point le duc de Gueldre , et qu'au lieu de faire la guerre aux Vénitiens, il pourrait bien traiter avec eux, et marcher contre le pape ou l'Empereur. Maximilien demande sur le tout l'avis de sa fille. ■ — • ( Copie. ) {Lettres de Louis XII , 1 , 161 . )

( Berghes-op-Zoom , le 22 mars.)

Très chière et très amée fille, nous receusmes hier lettres de Rome par lesquelles fumes avertys que le pape a merveilleusement grant peur des François , et qu'il est apparent que l'armée qu'il ' a fait aller en Italye est plustost pour faire la guerre au pape ou à nous qu'aux Vénériens. Parquoy S. S. n'est délibérée de commencer aulcune guerre ausdits Vénériens que icelluy roy de France ne l'ait premier encommencée , que sont choses dont avons une grande soupçon.

D'aultre part fumes averty que l'ambassadeur de France estant de par deçà, après avoir entendu que nous disposions passer en Ghelclres, a dit que nous faisions très mal d'y vouloir aller, et de sy tost rompre la paix de Cambray, a dit en ouître qu'il sçavoit bien que le roy son maistre n'abandonneroit pour riens messire Charles de Gheldres. Et sy avons en oultre assez entendu que tout ce que icelluy messire Charles a fait a rencontre dudit traicté de paix, a esté à l'instigation du roy de France et non auîtreinent, à celle

■ Le roi de France.

fin que, moyennant ses nouvelletez, ne puissions passer nostre armée contre les Vénéciens , et nous y trouver au temps convenu, et à ceste cause qu'il puist plus facilement, joincts avec luy les Vénéciens, courrir sus à nostredit sainct Père le pape ou à nous, ou faire l'appointtement avec lesdits Vénéciens sans nous, et que à la cause dite n'y puissions résister. Desquelles choses nous trouvons fort perplex et désirons bien en avoir vostre advis duquel à diligence nous vueillez avertir.

Donné en nostre ville de Berghes, ce xxn de mars xvc huyt.

L'Empereur confère à Philibert Poinssot, son fourrier, la charge de receveur de Châteru-Chinon. ■ — ■ ( Original. )

( Oudenbosc, le 25 mars. )

DE PAR L'EMPEREUR

Très chière et très amée fille, pour considéracion des bons et agréables services que nostre bien amé Philibert Poinssot, nostre fourier, nous a fait oudit estât de fourier et autrement, en diverses manières, Nous , pour ces causes et autres à ce nous mouvans et pour aucunement le récompenser desdits services , lui avons nagaires donné et accordé Testât et office de receveur de nostre terre et seigneurie de Chastel-Chinon, ses appartenances et appendances, en desmettant celui qui a tenu et exercé ledit estât et tous aultres, ainsi que par noz lettres patentes de commission que luy en avons fait expédier, veoir pourrez plus aplain. Sy vous

ET DE MARGUERITE SA FILLE. — 1508. 115 requérons bien acertes que, nonobstant le transport que vous avons fait de nostredite seigneurie de Chastel- Chinon et autres, vous souffrez et layssier joyr ledit Philibert de ladicte recepte piaillement et paisiblement, et luy faictes en ce, en faveur de nous, telle adresse et assistence que pourrez; si nous ferez plaisir. A tant, très chière et très amée fille, nostre Seigneur soit garde de vous.

Donné en nostre ville de Vielz-Bois, le xxve jour de mars, Fan xvc huyt. Per Regem. — Plus bas, Hannart.

L'Empereur confère a Lîevin Laephout l'office de sergent de la ville de Gand. — > {Original.)

(Oudenbosc, le 25 mars.)

Très chière et très amée fille , nous avons présentement de nouveau donné et confermé à nostre bien amé Lievin Laephout, l'office de sergant de nostre ville de Gand; pour quoy voulons que luy en faictes expédier noz lettres patentes pertinentes ; car tel est nostre plaisir.

Donné au Vielz-Bois, le xxve jour de mars, xvc vin.

P. S. Nous voulons que escripvez à ceulx de nostre ville de Gand, mettre en possession de ladite sergentise ledit Lieven, et l'en faire paisiblement joyr.

Escript jour dessusdit. Per Regem. — Contresigné Renner.

L'Empereur, en adressant à Marguerite deux commissions d'échevins du Franc de Bruges , consent à donner des lettres de nonpréjudice dans le cas où l'on élèverait des réclamations pour les

privilèges du pays. ■ — ( Original.)

(Breda, le 25 mars.)

Très chière et très amée fille, nous vous envoyons avec cestes deux commissions d'eschevinaige du Franc pour les personnes et en la forme que verrez , et désirons que vous vous informiez se ce seroit contre les privilèges de nostredit pays de Flandres , et que en ce cas et que les autres eschevins n'en voulsissent estre contens, leur faictes despechier noz lettres de non préjudice et que aussy faictes sceller de nostre grand sçaul icelles commissions; car nostre plaisir est tel. A tant, très chière et très amée fille, nostre Seigneur soit garde de vous.

Escript à Breda, le xxve jour de mars, l'an xvc et vin. Per Regem. — Plus bas, Renner.

L'Empereur donne charge au seigneur de Berghes de faire une communication à Marguerite au sujet des gages de Jehan-le- Sauvaige, président du conseil privé. - — (Original.)

(Breda, le 25 mars.)

Très chière et très amée fille, nous avons donné charge a nostre très chier et féal chevalier de nostre ordre, conseillier et premier chambellan, messire Jehan, seigneur de Berghes , vous dire et communiquer aucunes choses de par nous, touchant les gaiges de nostre amé, aussi chevalier et président de nostre privé

conseil, messire Jehan leSauvaige, comme cle lui entendrez plus aplani. S y le vueillez croire, et après nous escripvez sur ce vostre advis pour après en ordonner. A tant, très chière et très amée fille, nostre Seigneur soit garde de vous.

Escript à Breda , le xxve jour de mars , l'an xvc et vin. Per Regem. — Plus bas , Renner.

Il lui notifie les lettres de pensions accordées au comte Félix de Werdemberg et à Louis de Vauldrey. ■ — •( Original.)

(Bois-le-Duc, le 27 mars.)

Très chière et très amée fille, nous avons pieçà accordé à nostre amé et féal cousin le conte Félix de Werdemberg, et à Loys de Vauldrey, nostre capitaine, certaines pensions en nostre conté de Bourgogne, dont naguères, nous estant à Gand, vous avons fait advertir par nostre amé et féal secrétaire, maistre Jean Renner; lesquelles noz lettres de pensions nous avons fait despeschier, et les vous envoyons présentement en la forme que verrez. Et attendu que avons mis ledit conté en voz mains, nous désirons que, en ensuivant ce que nous avez fait dire par nostre secrétaire sur ceste matière, que pour leur plus grant sceurté, signez les lettres d'aggréacion, en tant qu'il vous touche, desdites pensions que vous envoyons aussi avec cestes, sans y faire aucune difficulté, et vous nous ferez chose agréable. A tant, très chière et très amée fille, nostre Seigneur soit garde de vous.

Escript en nostre ville de Bois-le-Duc, le xxvne jour de mars, l'an mil vc vin, Per Regem. — Plus bas, Renner*

Jl l'informe que Charles d'Egmond s'était emparé de l'église de Bonnefelde, et la faisait fortifier. Il l'a abandonnée depuis son arrivée au pays, mais il la reprendra après son départ; il lui demande conseil sur ce fait.

(Bois-le-Duc, le 28 mars.)

Très chière et très amée fille, vous avez bien oy dire et sceu que messire Charles d'Egmont avoit prins l'église de Bornefelde et la faissoit fortiiïier. Toutesfois nouvelles nous sont venue par le sieur de Fleters que quant ceulx qui estaient audit Bornefelde de par icelluy messire Charles, ont sceu nostre venue par deçà, ils ont délaissié et habandonné ledit lieu ; et est la commune voix que ce n'est que ung faux semblant que ledit d'Ecgmont faict, craindant que ne l'euissions fait reprendre sur eulx, et que sitost que serons passés es Allemaigne , ils la reprendront et fortifieront, et ne tiendront en nulle façon la paix. Parquoy vous requérons que mectez ceste matière en la délibération de nostre conseil estant lez vous ; assavoir se devons envoyer reprendre ledit Bornefelde, et la faire tenir et garder ou non, aussy quelle chose devons faire sur les entrefaites et manière de faire dudit messire Charles ; et que de leur advis nous advertissez prestement bien au long. Très chière et très amée fille, nostre Seigneur soit garde de vous.

Escript en nostre ville de Bois-le-Duc, le xxvmL jour de mars \vc et huit, avant Pâsques. Maxjmiukn. — Plus bas, de TV m id ripant.