MARGUERITE A MAXIMILIEN

Les seigneurs de Nassau , de Chièvres , de Berghes et le trésorier général , vont se rendre auprès de l'Empereur, suivant son désir ; mais l'état des finances ne permet pas de lui porter beaucoup d'argent. Marguerite pense que le moment n'est pas venu de demander pour son père une pension viagère de cinquante mille florins d'or. Affaire de Gueldre. Maladie de l'impératrice. Publication du traité avec la France. Traitement du président de Bourgogne. Postes de France , etc. — {Minute.)

( Vers le mois de janvier. )

Mon très redoubté seigneur et père, tant et si très humblement que faire puis , à vostre bonne grâce me recommande.

Monseigneur, j'ay, par la dernière poste qu'avez dépesché de par delà, receu plusieurs voz lettres ensemble, contenans plusieurs diverses matières, esquelles n'ay bonnement peu respondre jusques à présent , à cause que les personnaiges ausquelz me ordonnez parler n'estoient devers moy; lesquelz m'a convenu, en obtempérant au contenu de vosdites lettres , mander et leur communicquer vosdites lettres.

Et pour respondre particulièrement à icelles , Monseigneur, j'ay parlé avec les seigueurs de Nassau et de Chierves, mes cousins, de Berghes et de Thamise, trésorier général, qui trestous, pour l'onneur de vous et

pour le bien et avancement des affaires de monseigneur mon nepveur, ont esté contens, jaçoit qu'ilz eussent ung chescun en droit soy plusieurs excuses légiptimes, entreprendre et accepter le voiage qu'il vous plaist leur ordonner par devers vous \ Et pour icelluy faire et acomplir, se prépareront affin de partir endeans x ou xn jours ou plus tard. Par quoy, Monseigneur, ferez bien leur signiffier le chemin qu'ilz devront tenir à ce qu'ilz soient tant plus tost devers vous, et pour ce aient bonne et briefve dépesche ; car, Monseigneur, ilz sont personnaiges dont Ton a continuellement affaire de par deçà , comme sçavez , et qui sont bien séantz et nécessaires à l'en tour de monseigneur mon nepveur.

Et quant à la somme d'argent que désirez ilz vous portent, Monseigneur, je ne cuyde point que les affaires de par deçà, dont journellement vous ay averty, vous soient sy incogneuz que ne saichiez bien que c'est chose impossible vous furnir comptant ladite somme du revenu de par deçà. Toutes voyes , Monseigneur, je vous promectz qu'ilz font leur extrême devoir de vous porter ce que sera possible ; et de ma part m'y emploie de tout mon povoir.

Au regard , Monseigneur, des l mil florins d'or que désirez avoir tous les ans des pays de par deçà, vostre vie durant, selon que m'avez plusieurs fois escript, Monseigneur, je n'ay encoires trouvé, par conseil de nul de voz serviteurs, qu'il ait esté temps de parler de ladite matière , tant pour non destourner l'accord des aydes que pour non avoir fait encoires conclusion en la matière de Gheldres; au moyen de quoy et saichant

• Voyez ci-dessus une lettre du 5o août i5io.

assez qu'il en viendroit petit fruict, je l'ay jusques à icy différé, et encoires ne voy nul moyen d'y besongnier pour les causes que entendrez desdits seigneurs dessus nommez , lesquelz vous informeront bien à plein de Testât et disposicion de tous les affaires de par deçà.

Quant au fait de Gheldres, Monseigneur, je me treuve fort estonnée et perplexe de surceoir ladite matière, en cas qu'ilz se condescendent a choses raisonables et par vous mises en avant. Dont , Monseigneur, et de Testât dudit affaire je vous avertirey par la poste suivant bien à plein.

Monseigneur, j'ay aussi par vosdites lettres entendu bien à plain la graefve maladie de la royne ma bellemère1, dont je suis fort desplaisante pour Tamour de vous et d'elle. Et ensuyvant le contenu de vosdites lettres ay fait consulter son affaire que ressemble aux médecins fort estrange et dangereux ; et disent que , sans avoir plus ample informacion dudit affaire, ilz n'y seroient seurement délibérer. Par quoy seroit de besoing que par ung médecin entendant ledit affaire fust reddigé par escript Testât de sa maladie, dont je prie Dieu par sa grâce que , si c'est pour le mieulx de son âme , elle puisse eschapper et néantmeng , Monseigneur, s'il plaisoit à Dieu en disposer d'aultre sorte, il s'en conviendroit conformer à sa voulenté.

Touchant le nouvel traictié de France , que désirez estre publié, Monseigneur, il a esté publié et ne reste que

1 La lettre par laquelle Maximilien informe sa fille de la maladie de l'impératrice, est du 3i décembre i5io. (Voyez ci-dessus, p. 367.) D'après cela il est permis de donner à celle-ci la date de janvier, même année.

d'en faire faire la coppie que demandez; ce que j'ay ordonné estre fait à l'audiencier qui Fa mys ou trésor des chartres et se envoyeraàmaistre Jacque deBanissys, vostre secrétaire, ainsi que l'avez mandé.

De l'entretenement du président de Bourgoingne, dont aussi m'avez escript , Monseigneur, il est en vous de luy faire tel traictement qu'il vous plaira ; car je ne voys par deçà qu'on luy sceust furnir ung denier ; et s'il n'est aydié de vous il luy en prendra, comme à Claude de Cilly, dont il est très grant honte et maulvais exemple à toutes gens de bien désirans servir, comme vous ay par plusieurs fois escript.

D'entretenir encoires les postes de France, Monseigneur, c'est très grant despence et quasi inutile; toutefFois vostre bon plésir sera ensuyvy, si avant qu'il sera possible.

Monseigneur, je vous remercie très humblement ce qu'il vous a pieu m'escripre touchant mon fait de Bourgoigne, dont je vous supplie en temps et lieu avoir bonne souvenance , et moy y garder mon honneur qu'est le vostre.