MARGUERITE A MAXIMILIEN

Heureuses dispositions du jeune prince Charles. Nécessité de demander la continuation des aides, qui ne s'obtiendront qu'après l'arrangement de l'affaire de Gueldre. — {Minute.)

Mon très redoubté seigneur et père , je me recommande très humblement à vostre bonne grâce.

Monseigneur, j'ay receu les lettres qu'il vous a pieu m'escripre du xnne de ce mois et par icelles entendu de voz nouvelles dont je vous remercie et prie en estre continuellement averty.

Monseigneur, il n'y a nulles nouvelles par deçà. Monsieur mon nepveur et mesdames mes nyepces sont en bonne disposicion et sancté, la Dieu grâce, et croit mondit sieur journellement et s'adresse bien fort à toutes choses honnestes, et espère y prendre telle garde que y aurey honneur.

Monseigneur, voyant que les aydes fauldront à ce Noël prouchain, j'ay advisé , par l'advis de vostre privé conseil, de faire assembler les Estatz en général pour leur demander <;ontinuacion desdites aydes sans lesquelles nous ne sçaurions vivre.

Toutes fois, Monseigneur, j'entens par le rapport d'aucuns que avoie de pieça commis pour induyre les villes principalles que, sans pacifïier le différent de Gheldres, l'on n'aura nul accord desdits Estatz. Par quoy, Monseigneur, vous supplie y bien penser et me mander et commander voz bons plésirs pour les acomplir de tout mon povoir, aydant nostre Seigneur, auquel je prie , mon très redoubté seigneur et père , vous donner bonne vie et longue.

Escript, etc.