MARGUERITE A MAXIMILIEN

Elle réclame l'état additionnel de la maison de l'archiduc , et recommande Hector de Bruyelle pour succéder au seigneur du Fresnoy en qualité de chevalier d'honneur et chambellan des princesses. — {Minute.)

Mon très redoubté seigneur et père , je me recommande très humblement à vostre bonne grâce.

Monseigneur, je vous ay déjà escript comme il estoit fort nécessaire que renvoyssiez l'addition de Testât de monsieur mon nepveur que a ceste nagaires faicte par l'advis de vostre privé conseil et de ceulx de voz finances de par deçà, affin de le faire publier pour le contentement des gentilz hommes y dénommez, lesquelz ont bien servy le feu roy monseigneur et frère , cuy Dieu absoille. Sy vous supplie , Monseigneur, ainsi le vouloir faire.

Monseigneur, je vous ay aussi escript comment il avoit pieu à Dieu, prendre à soy le seigneur du Fresnoy qu'estoit chevalier d'onneur de mesdames mes niepces, et chambellain toujours compté à xxxvi s. par jour ; lequel estât de chambellan messire Hector de Bruyelle obtiendroit volentier et ma requis très instamment vous en escripre , ce que je faiz voulentier en faveur des services qu'il vous a faiz dès longtemps que il dit, et encoires dès près vostre partement a icy continuel-

1 émeut résidence : par quoy, Monseigneur, vous supplie l'avoir en ce pour recommandé et vous en faiz haste et plésir.

Mon très redoubté seigneur et père, je prie , etc.