MARGUERITE A MAXIMILIEN

Marguerite prie l'Empereur d'accorder à Jacques de Sucre l'office du gavène de Cambrai qui doit vaquer prochainement par la mort de celui qui en est pourvu. — {Minute.)

(Bruges, mai.)

Mon très redoubté seigneur et père , très humblement à vostre bonne grâce me recommande.

Monseigneur, Jaques de Sucre ', mon serviteur, que bien congnoissez et qui vous a servy en vostre guerre d'Italye, m'a adverty que celluy que tient l'office de gavene % en vostre cité de Cambray, est très fort malade et en dangé de mort, et m'a supplié vous escripre en sa faveur à ce qu'il vous pleust, le cas advenant, le pourveoir dudit office. Par quoy , Monseigneur, désirant son bien et avancement , vous supplie

' Jacques de Sucre ou plutôt de Succre, chevalier, seigneur de Bellain en Ostrevant , portait d'argent à la fasce de gueule , à la bordure engrelée de même. Il épousa Antoinette d'Esclaibes. Un frère de Jacques de Succre, nommé Philibert, fut gouverneur de Milan.

2 Gave, gavène, gabalum, gablum, gaulum, gavelum, droit payé par les églises du Cambrésis au comte de Flandre , à condition d'être protégées par ce prince envers et contre tous. Le droit de gave était fixé à un demi-muid de froment et autant d'avoine par chaque charrue. Le manouvrier, serviteur d'église, qui n'avait pas de terre à cultiver, ne payait qu'un mencaud (56 litr. 5o cent.) de blé et autant d'avoine.

en toute humilité de, à ma requeste, ledit cas advenant, donner et accorder dès maintenant audit Jaques de Sucre , en faveur mesmement des bons services qu'il et son père pevent avoir faiz à vostre maison , ledit office de gaver ie en vostredite cité de Cambray. Ce faisant , Monseigneur, me ferez honneur et plésir, et tiens qu'il vous servira bien etléaulmentouditoflice.

Mon très redoubté seigneur et père , je prie à tant nostre Seigneur vous donner voz désirs.

Escript à Bruges, le de may mvc xï.

Accommodement à espérer entre Jehan Le Sauvaige et le seigneur de La Roche r . — ( Original. )

(Rotembourg, ie 10 juin.)

Très chière et très amée fille , nous avons veu les lettres que nous avez escriptes touchant les deux offices que tient présentement messire Jehan Le Sauvaige, par lesquelles, entre autres choses, nous requérez vous vouloir envoyer le seigneur de La Roiche, affin de faire quelque bon appoinctement entre ledit messire Jehan Le Sauvaige et luy. Et pour ce que fusmes présentement sur nostre partement pour aler es Y taies et mectre une entière fin à la guerre qu'avons à rencontre des Vénériens, ouquel voyaige avons nécessairement affaire dudit sieur de La Roiche , et ne nous pouvons bonnement passer de luy , nous vous requérons de rechief vouloir pour finale résolucion sçavoir audit messire Jehan Sauvaige lequel desdits deux offices il entend retenir; car

■ Yovez ci- dessus une lettre du 2D mai.

de cellui qu'il délaissera , nous voulons pourveoir icel- *lui sieur de La Roiche; et de ce nous vueillez advertir au plus tost que pourrez. A tant, très chière, etc.

Donné en nostre ville de Rootbourg, le xe de juing xvc et xi.

Ainsi souscript : Per Regem. — Benner; et de la main de l'Empereur : Nous vous requérons y f aides en une fin.

L'Empereur mande à sa fille qu'elle a bien fait d'empêcher le clergé de Flandre d'assister à l'assemblée de l'église gallicane que le roi Louis XII avait fait convoquer à Lyon ; mais que s'il est nécessaire , le clergé de Flandre pourra se rendre à cette assemblée par son ordre , et non par celui du roi de France , lui mandant ce qu'elle doit faire au sujet de deux offices vacants. — ( Copie. )

( Rotembourg , le 10 juin. )

Très chière et très amée fille , nous avons receu deux vos lettres contenant les remonstrances , causes et excuses pour lesquelles ceulx de nostre clergé de Flandres ont fait difficulté de non avoir allé et comparu à la journée de l'église gallicane, qui naguères a esté tenue et ordonnée par nostre bon frère et cousin , le roy de France, en sa ville de Lyon.

Sur quoy , puisque ainsy est que lesdits du clergié ont prévilége et de tout temps accoustumé estre francs et exemps de eulx trouver à telles et semblables congrégations de ladite église gallicane; et que ce seroit chose de très dangereuse conséqueuce pour nostredit pays de Flandres, avez très bien fait de les avoir con~

seillié et assisté; et ne verrions aussy vouluntiers que, contre leur anchienne coustume , libertez, exemptions et préviléges en tels cas , ils {eussent molestez et travailliez; ains les vouldrions en iceulx maintenir et soustenir. Toutezfois pour ce que sommes présentement en toute bonne amitié et alliance avec nostredit frère , le roy de France , et que par ensemble dressons ung concile pour le bien de l'universelle église en la chrestienneté et que la chose en cest endroit touche aussy lesdits du clergié de Flandres, nous désirons bien que, s'il est plus nécessaire de l'assemblée de ladite église galicane, que vous leur commandez d'eulx y trouver, pour autant qu'il leur touche, comme à ce enjoinct et commandez de vostre part en nostre nom, et non comme à la semonce et évocation dudit roy de France. Et de ce que dit est escripvons à nostre ambassadeur devers nostredit frère luy faire les excuses dudit clergié de Flandres et luy démonstrer les exemptions et préviléges qu'ils ont au contraire, et aussy que s'il est plus nécessaire, que à nostre ordonnance ils se trouveront à ladite assemblée.

Par autres vos lettres nous signifiiez ce que avez fait touchant la recepte de l'artillerie et que avez à icelle recepte continué messire Daniel le Clerc , veu que messire Thiéry le Begge n'y estoit capable, ne aussi ne sçavoit furnir au remboursement de mil livres que avoit preste ledit messire Daniel sur ledit office , et à icelluy messire Thierry avez fait despeschier lettres de retenue de trésorier de ladite artillerie aux gaiges et pension de trois cents livres par an et le fait dresser des autres parties que luy avons ordonnées estre payées; le tout à son bon contentement. Surquoy sy avant que ainsy

ET DE MARGUERITE SA FILLE. —1511. 409 soit que ledit messire Thierry soit content, nous avons pour agréable ce que en avez fait, comme dit est.

Au surplus , quant à Testât de conseiller vacant en nostre grand conseil, par le trespas de maistre Thomas de la Papoire , vous nous en avez premiers escript et requis pour maistre Claude deChassey, comme ydoine et soumsant et que luy y avez commis par manière de provision ; à quoy vous avons fait response que estions content de vostredite provision. Depuis avons reçeu autres vos lettres par lesquelles nous escripvez que maistre Jehan vander Straten, lequel par longue espace a servy de conseiller oudit conseil, aux gaiges de six sols par jour, actendant et ayant don et promesse du premier lieu ordinaire qui y vaqueroit, et que par ce moyen ne seroit son lieu impétrable qu'estoit supernuméraire, que avez, en ensuivant sondit don, fait despescher audit maistre vander Straten lettres de retenue dudit estât vacant, en nous suppliant l'avoir aussy pour agréable. Sur quoy, vous advisons que sommes content que pourvoyez et laissez icelluy estât de conseillier à celluy des deux dessusnommez , selon vostre bon advis et que y verrez estre le plus ydoine et propice. A tant, très chière et très amée fille, nostre Seigneur soit garde de vous.

Donné en nostre ville de Rotembourg, le xe jour de juing, Tan mil cinq cens et onze. Vostre bon père Maxi.

La troisième prébende qui vaquera dans l'église de Ziriczée est

accordée à Clais Liévins , beau-frère de Jean Micault , receveur

général des finances. — {Original.)

(Halle, le 12 juin.)

Très chière et très amée fille, à la faveur et très humble requeste de nostre receveur général de toutes noz finances , Jehan Micault , avons donné et accordé à Clais Liévins, son beau frère, la troixiesme prébende qui de cy en avant escherra vacant en nostre église de Zéérixée ' , et l'avons ainsi fait inscripre ou rolle de noz bénéfices; dont vous advisons et requérons que, ladite vacacion advenant d'icelle prébende , vous en faictes audit Clais Liévins expédier noz lettres de collacion, sans pour ce attendre aultre ne plus ample commandement ou ordonnance de nous que cestes; car tel est nostre plaisir.

Donné en nostre ville de Halle, le xne jour de juing xvc xi. Per Regem. — Plus bas, Hannart.