Un intervalle blanc dans le ms

276 CORRESPONDANCE [ÎÔ44

rasse le dit tableau M'. l'Ambassadeur se porta à S' Pietro Montorio. et après auoir veu la ditte coppie. se luy sembloit abandonnée, il dit aus Moines quil faloit la finir puis quelle auoit esté commensée pour le Roy.

Peu de jours après je fis porter la ditte coppie chés moy. Lundi dernier le dit Seigneur Ambassadeur enuoya quérir le Sieur Chaperon qui est de retour de Malte le jour* le jour au parauant que le dit tableau fust retiré luy demandas qui il estoit brusquement et pourquoy il auoit abandonné et laissé imparfet une ouurage commensé pour le Roy et comme embassadeur il en vouloit auoir cognoissanse. Chaperon fit ses escuses à son auantage disant que l'argens lui estoit manqué et que moy qui auoit la commission de le faire finir ne l'auois pas vouleu payer.

Après cela je fus apellé chés Monsieur l'Ambassadeur qui du commensement me reprint de se que je ne l'auois pas esté saluer et que j'auois besoin de la protection du Roy quil faloit que je retournasse en Franse et que en cela il me vouloit fauoriser quil auoit assés ouy parler de moy. Je le remersiais bien humblement. Alors il me demanda que vouloit dire que le tableau de S'. Pietro Montorio n'auoit pas esté fini. Je luy racontas brèuement toutte l'Histoire. Or ça si^ dit-il puis que vous l'aués chés vous je vous defîens de l'enuoyer mais escriués en à Monseigneur de Noyers et monstres moy la response quil vous donnera car je la veus voire. Voilà brèuement se qui se passe touchant Monsieur l'Ambassadeur.

I. Les mots le jour sont redoublés, parce qu'à cet endroit Poussin a tourné la feuille et commencé une nouvelle page de la lettre.