CLAUDE DE BELLEGARDE AU CURÉ DE DOMBRESSON

cause, je vous ordonne que ne falliés de dire messe demain‘ et aultres jour, et servyr à l'esglise ainsi que de ancienneté a esté acoustumé. Et si ne vous sentés dispotz de vostre personne pour se fére, que le faites fére par aultre prestre suffisant, sans il fére faulte, non obstant toutes deffences de Byenne *, ex quelles ne fault hobévr en ceste signiorie *; car il n'ont que fére de commander ny deffendre en ceste signiorie.

Au sorplus , deffence est faite à ung chescung de non empêcher ne destorber la messe et aultres services d'Esglise, de injurier les prestres à cause de la messe, de blasmer ne vytupérer la messe et aultres services d'esglises, mais paisiblement, sans murmurer, ne parler à l'encontre, laisser dire la messe et fére aultres services ainsi que du passéz a esté acoustumé, et se à poénne de déshobéyssance, costes et missions, damps et dompneages qu'en porront advenir, vous advertissant, si ne faites vostre debvoyr, l'ung [l. l'on] s'en tiendra à vous, quelque excuse que sachés dire, vous disant à Dieu, Mons le curé, qui vous ayt en sa garde! De Vaulangin, le sambedi devant les Bordes *, l'an xv°xxxi.

Au sorplus, gardés bien toutes les cléz, les habilliemans et aultres choses d'Esglise, que rien ne se perde, pour les donner et présenter quant en serés demandéz, sans il fallir et sus la dicte poénne, de quoy j'ay donné charge à vostre advoyéz, Claude Jehan Valet, vous advertir.

Le lieutenant à Vaulangin, C. DE BELLEGARDE.

(Suscription :) À Monsieur le curé de Donbresson. * C'est-à-dire, le premier dimanche du Caréme, qui s'appelait alors le dimanche des bordes ou des brandons.

5 Voyez le N° 305a, note 1.

* Celle de Valangin (Voyez le N° 299, note 1). T Voyez la note 4, et, dans le N° 326, la fin de la note 6.