AU BAILLI DE MAÇON

[lo63?]

Monsieur le bailly, l'on advertyt Monseigneur le duc d'Aumalle à son département que ceulx qui sont commis pour faire la garde de nuict en la ville de Mascon, suyvant l'ordonnance qu'il vous en avoit faicte, au contemnement de ladicte ordonnance font journellement plusieurs désordres, estans à ladicte garde, tant à buquer aux portes des gens d'esglise, les injuriant, et qui pis est chantent plusieurs chansons scandaleuses et sédicieuses, et au lieu de garder qui ne se face assemblées illicites, eulx mesmes les font, dont il s'en pourroyt cy-après ensuyr sédicion. A raison de quoy je vous ay bien voullu advertir que vous ayés à vous transporter inco^itinent au-

dict Mascon, pour informer dadict friict et entendre comme ceulx de la ville procedde à ladicte garde. Et si vous trouvés par les informacions que vous en ferez quelcun des habitans chargez desdicts cas ou aultres concernans la sédicion, incontinent vous saisisses de leurs personnes et mectés en seure garde en m'en advertissant, afin que je les face pugnir, suyvant l'intencion du Pioy, et contraignes ceulx de la ville de vous y donner toute faveur et assistance. Et où ilz en seroyent refusans, ne failles de le me mander, afin que je me transporte sur le lieu pour y pourveoir. Me recommandant de bien bon cucur à vostre bonne grâce.

Bibl. Nat. — Fonds français. — Ma. 463 i, f. 12o. — Minute.