AL DUC DE GUISE

Verdun, 30 août \oo2.

Monseigneur, monsieur de La Brosse, passant par icy, à son retour, me dit que monsieur le Connestable luy avoit respondu en général qu'il me satisferoit à tout ce qu'il fault pour ceste ville. Ledit sieur m'a despuis escrit qu'il me remet du tout à vous, de l'artillerie et munitions d'icelle qui sera bientost icy, comme il me mande. Je luy ay faict une recharge pour avoir argent pour les réparations, n'en ayant plus. Quant aux autres charges nécessaires, comme cordages, huille, soulphre, poix et autres telles munitions, je vous en envoyeray un mémoire sy vous le trouverez bon, comme aussy quand il sera besoin g avoir les gens de guerre que j'ai demandé; s'il vous plaist, je n'auray poinct d'Allemans. Quant aux bledz, je suis toujours après messieurs du clergé pour faire retirer les leurs

céans ; mais ils sont fort longs ; aussy monsieur de Vaudémont ne m'a poinct secouru par la voye du bailly de Clermont, comme il m'avoit promis. Vous luy en escrirez s'il vous plaist, aussi qu'il luy plaise commander aux subjets de monsieur de Lorraine, estans icy prezde venir besoingner aux réparations, en les bien payant : car je ne sçay où trouver gens, à cause que tous les villages sont à ceux du clergé; lesquels, comme vous sçavez, fournissent icy. Ce porteur ira jusques à Nancy, s'il vous plaist escrire ; au demeurant, monseigneur, je vous envoyé les deux compagnies que vous m'avez mandé, pour ce que vous dittes les vouloir envoyer soudain. Je n'ai envoyé quérir que le cappitaine Boisordan, qui estoit près icy : ce gentilbomme présent porteur vous dira le surplus que je vous supplie très humblement croire. Je vous envoyé aussy la compagnie de monsieur de Sault, lequel vous supplie le vouloir renvoyer en ce lieu pour sa garnison, quant vous aurez faict de luy. Je vous en prie aussy très humblement, suppliant le Créateur, Monseigneur, vous donner en santé très longue et bonne vie.

De Verdun, co 30» jour d'uoudt 1552.

Imprima dans loi Mémoires de Françoii de Lorraine, duc de Guise. Coll. Michaud. Irt ,ério. l. VI, p. 81, col. 1-2.

r.umiESPONDANCE