AULTRE LETTRE A LA ROYNE

{du dieijour, écrite en chiffres ).

Madame , parce qu'on publie , icy, à mon grand regrect, qu'il n'y a bon accord entre le Roy et Monsieur, son frère , voz enfantz , et que douze des principalles citez de France s'opposent à ce que Voz Majestez ne puissent aulcunement accommoder, par voye de paciffication , les guerres de vostre royauhne ; qui sont deux choses dont Vostre Majesté auroit , de la première , le plus extrême desplaisir, et nous, le plus notable dommaige qui nous pourroit onques advenir ; et la segonde seroit pour torner à une fort pernicieuse conséquence contre l'auctorité du Roy, et droictement contre la vostre; mesmes qu'on m'a dict qu'en quelques endroictz du monde l'on faict desjà des desseings là dessus, et que ceste Royne m'en pourra possible toucher quelque mot, je vous suplie très humblement. Madame, me commander ce que j'auray à luy en respondre, ensemble à plusieurs seigneurs de ce royaulme , et mesmement aulx Catholiques, qui envoyent souvant m'en interroger, lesquelz, demeurent toutz esbahys et desconfortez de ce que, sept sepmaines a, je n'ay nulles nouvelles de Voz Majestez; ausquelz toutesfoys j'aybien desjà desnyé l'une et Taultre de ces nouvelles, comme les tenant toutes deux fort faulces, et sur ce, etc.

MÉMOIRE ET INSTRUCTION de ce quc le S' de La Croix a à dire à Leur^MaJestez , oultre le contenu de la dépeache.

De ces troubles du Nôrth, qu'encor qu*ilz ayent esté ]>ientost apaysez, néantmoins, parce que, en mesme temps, s'est descouvert qu'en Norfolc Ton avoit entreprins de se saysir des armes, qui estoientez maysons du duc de Norfolc, et de contraindre le sire Henry Hemart, son frère, d'estre chef d'une troupe de douze mil hommes qui se tenoient prestz pour marcher droict à la Tour de I^ndres, affin de tirer icelluy duc de pryson ; et que, en Galles, les choses ne se monstroient guières plus paysibles , ceste Royne est demeurée en plusieurs doubtes et deffiances de ses subjectz.

Ce qui luy est augmenté par Vopinion , qu'elle a, que l'intelligence du duc d'Alve y soit bien avant meslée, sellon que, par l'examen d'aulcuns du North, qui ont esté exécutez, et de la depposition du comte de Northomberland, laquelle celluy de Mora a envoyée, il semble que cella luy ayt esté confirmé.

En laquelle depposition , oultre que le dict de Northomberland charge les plus grandz de ce royaulme. Ton dict qu'il affirme, (|u'aihsy que luy et le comte de Vuesmerland furent en campaigne, l'ambassadeur d'Ëspaigne et l'évesque de Roz envoyèrent devers eulx ung homme exprès, avec lettres, pour les conforter à leur entreprinse,et leur promettre un prochain secours du duc d'Alve, et pareillement de France , s'ilz se saysyssoient de quelque port.

Duquel acte de l'évesque de Roz la dicte Dame a prins argument que la Royne d'Escoce , sa Mestresse , a bien peu estre mellée en cella, et par conséquent moy à cause d'elle; car, aultrement, elle n'a axilcune conjecture que je m'en soys entremiz, ny que deçà ny dellà la mer il y ayt esté mené aulcune pratique au nom du Roy; et le dict acte n'est suffizant pour luy en fère prendre guières grande opinion, parce qu'il ne se trouve que j'aye rien escript, ny mesmes que j'aye dict une paroUe, ny heu aulcune conférance, avec personne qu'elle ayt occasion de souspeçonner.

Elle reçoit asséa souvant lettres d'aulcuns siens secrectz serviteurs, qui sont en Flandres , qui l'advertissent que le duc d' A4ve prépare des entreprinses contre ce royaulme ; et que la plus part de la no- ))lesse d'Angleterre sont de son party ; et que plusieurs d'icelle ont desjà receu force escuz au soleil de luy ; dont j'entends que milorrt

de Coban, depuys naguières, a envoyé quatre des dictes lettres tout à la foys en ceste court, les deux signées de noms supposez et les aultrès non signées lesquelles estant leues ; au conseil auquel s'est trouvé le comte de Pembrot, toutz les Protestantz ont incontinent jette les yeux sur luy, et il a fort hard'yment répondu que ceulx qui escripvoient telles lettres estoient toutz meschantz d'accuser ainsy en général la noblesse d'un royaulme , et , sUlz avoîent cueur ny valleur, ilz debvoient nommer ceulx qui ont prinz ces escuz et se nommer eulx mesmes pour le leur maintenir^ mais que ce n'estoient que menteries, et que, quant la Royne, sa Mestresse, aura ses subjectz bien uniz, les effortz du duc d'Alve luy seront bien aysés à repousser.

Pour Toccasion de ces advertissements , Von dict que la dicte Dame et ceulx de son conseil ont advisé de dresser une grand milice, d'envyron quatre vingtz dix mil hommes de pied et trente mil chevaulx en trois endrpictz de ce royaulme; scavoir : trente mil hommes de pied et dix mil chevaulx du costé de France vers le Ouest ; aultant en Suffoc, Norfolc et Germue , qui regarde le pays de Flandres ; et le tiers restant vers le costé du North contre VEscoce ; de quoy Ton asseure que les rolles et descriptions sont desjà bien avancez , et que surtout Ton s'esforce de dresser grand nombre de pistolliers, et mettre à cheval beaulcoup plus d'hommes qu'on n'a oncques faict de nul aultre règne.

Tout cest ordre est conduict par ceulx de la nouvelle religion, lesquelz, pour l'occasion des victoires du Roy et des batailles que Monsieur, son frère , a gaignées , et des préparatifs du duc d'Alve, et de ce qu'il leur semble qu'il se va trop establissant en Flandres, aussi pour la réduction du nouveau roy et du royaulme de Suède à la religion catholique , et pour le mouvement des Catholiques de ce pays , ilz soiit entrez en grandes délibérations, et ont tenu plusieurs conseils comme ilz pourront conserver et maintenir leur nouvelle religion.

Et , bien que ceste Roy ne n'est d'elle mesme mal affectionnée à la partie des Catholiques , ains seroit pour requérir fort vollontiers la réunyon de l'esglize et ne s'opposer guières à ce qu'elle se fît par ung bon concilie ; néantmoins les Protestans la retiennent par une véhémente persuasion qu'ilz lui ont donné de la perte de son estât, si elle n'est toujours opposante à l'authorité de l'esglize romaine.

Ce que je conjecture par le propos qui s'ensuyt , lequel elle m'a naguières tenu , c'est qu'elle dict avoir deux grandes occasions de regarder de bien prez au faict de la Royne d'Escoce; l'une, parce que la dicte Dame ne s'est pas attribuée le tiltre de ce royaulme sans.

une bien profonde dellibération, et sans une fort grande opinion de son droict ; l'autre , qu'elle voyt bien que la dicte Dame se veult prévaloir de la division de la religion, et cerche de sHnsinuer par là ez cueurs de la noblesse d'Angleterre , et que desjà plusieurs briefz du Pape ont été interceuz, par lesquelz il déclare absoulz ceulx qui cy devant ont obéi à elle, bien que illégitime et scismatique, pourveu qu'ilz veuillent dorsenavant recevoir la Royne d'Escoce pour leur Dame et Princesse . £t a adjo^xté qu'on se trompoit bien en cella ; car, encor que le feu Roy, son père, eust espousé la Royne, sa mère, à la religion protestante, il a toutesfoys obtenu le rescript du Pape là dessus ; par laquelle persuasion des dictz briefz, que je croy estre chose supposée, les Protestants retiennent bien fort le cueur de ceste princesse contre les Catholiques et contre la Royne d'Ëscosse, bien que j'ay miz peyne de luy en diminuer l'opinion tant que i'ay peu.

Cl)tffrt. [ Le premier jour de ceste année 1570 , et le x* ensuyvant, monsieur l'ambassadeur d'Ëspaigne et moy avons esté en conférance en mon logis sur Testât des choses de ce royaulme , et avons considéré que, puysque les Catholiques n'ont heu le cueur de s'ozer prévaloir de la première prinse d'armes qu'ilz avoient faicte avec une assemblée de quinze rail hommes, où y en avoit bon nombre de pied et de cheval bien armez et en bon équipage, et avec ung assés heureux commancement, sans que les Protestans fussent préparez ny pourveus pour leur résister, qu'il sera bien mal aysé, qu'à ceste heure qu'ilz les ont comme advertys, ilz puissent rien plus entreprendre ; et qu'estant, au reste , le duc de Norfolc prisonnier, le comte d'Arondel fort réfroydy, ceUuy de Pembrot retourné à la court pour servir à ses amys, et conserver ses estatz et les estatz de ses enfans, milor de Lomelé encores en arrest et toutz les Catholiques en général fort inthimidez, qu'il est dangier que les Protestans, qui' sont seulz en authorité, viegnent à tumultuer plus que jamais, et mener leurs pratiques, icy et en AUemaigne, et pareillement leurs entreprinses par mer et par terre, plus ouvertement qu'ilz n'ont encores fayct. Dont le dict ambassadeur, après que nous avons heu accordé l'ung à l'aultre ce que chacun de nous avons peu sentir que les dictz Protestans menoient contre l'intérest de nos Mestres, il m'a dit que le sien et parieillement le duc d' Alve avoient une très grande affection que ce royaulme fust réduict à la religion catholique , parce qu'on ne peult espérer que oltraiges et indignitez d'icelluy , tant qu'il demeurera entaché de ceste nouvelle religion ; et, de tant qu'il

s'asseuroit que le Boy, Mon Seigneur, avoit le semblable désir, il me prioyt fort affectueusement de lui persuader qu'il voulût escripre promptement une lettre au Roy Catholique, son beau frère , par laquelle il luy mtt en avant la commune entreprinse d'entre eulx deulx contre l'Angleterre pour la restitution de la Royne d'Escosse, sealement, comme pour cause juste et apartenant proprement à Sa Majesté Très Chrestienne, et en laquelle il le pryât d'y vouloir employer ses forces ; ce que le dict ambassadeur asseuroit que le dict Roy, son Mestre, accorderoit «le fère plus vollontiers qu'il n'en seroit requis , et qu'après cella , les deux ensemble tinsent leur armement prest pour l'heure que nous, qui sommes sur les lieux, leur manderons; car, si les choses d'Angleterre n'étoient prinses sur le poinct qu'elles se présentent, elles estoient si soubdaines qu'on les perdoit incontinent ;

Et que j^advertisse aussi Leurs Majestez Très Chrestiennes d^envoyer promptement devers le comte de Mora , pour le garder de ne randre les comtes de Northomberland et Yuesmerland à la Royne d'Angleterre; et que , pour la confédération que la France a non tant avec la Royne d'Escosse que avec sa couronne et avec toutz les Escossoys, ilz le voloient bien admonester de son debvoir en ce qui se offre , affin qu'il ne face ce tort à Thonneur de ce royaulme, où les dictz comtes ont heu leurreffuge, que de les randre au mandement des Anglois ; et que mesmes , pour estre les biens et estais de toutz deux en la terre débattable , ou en celle de la conqueste faicte sur TEscosse, qu'il se présente occasion, par leur moyen, de la recouvrer.

Ces mesmes choses m'a il feict despuys remonstrer par l^vesque de Roz, lequel toutesfoys ne les a prinses, pour luy mesmes, en suffisant payement de ce que , au nom de sa Mestresse , il a pryé le dict S' ambassadeur de fère meintenant descendre en Escosse le secours de quatre mil hommes, et cent mil escuz , que le duc d'Alve a mandé avoir toutz prestz pour envoyer aulx deux comtes , s'ilz eussent peu meintenir encores quinze jours les armes; et qu'à cest effect, eUe fera passer quelques seigneurs d'Escosse devers le dict duc pour adviser avecques luy de leur descente et réception dans le pays, et, si besoing est, elle envoyera un gentilhomme jusques au Roy d'Espaigne pour avoir son commandement ; en quoy le dict ambassadeur a seulement promiz d'en escripre, mais qu'il failloit que, de mon costé, je fisse en dilligence ce qu'il m'avoit dict, et que surtout Ton fût bien advisé de ne toucher entre Leurs Très

Chrestienne et Catholique Majestez ung seul mot du faict de la nouvelle religion de peur de mouvoir les Allemaus.]

Je n^ay monstre aux dictz sieurs ambassadeur et de Roz que toute bonne affection en ce quUlz m'ont proposé , sinon que je leur ay allégué aulcunes diffieultez pour les présentes guerres de France, et que, pour le dangier des pacquetz, j'estimois qu'il seroit meilleur que le duc d'Alve envoyât sur le lieu tretter par quelq'un des siens ou bien par Dom Francès [le faict de Tentreprinse contre l'Angleterre] que non que le Roy en escripvtt au Roy, son Maistre ; et que , d^empescher la reddition des dea\ comtes , de tant que celluy de jMora s'est monstre trop adversaire de la Royne d'Ëscosse , mal voUontiers le Roy le vouldra requérir, ny de cella ny d'aultre chose, sans toutesfoys que je leur aye refifuzé, ny accordé aussi d'en rien escripre à Leurs Majestez ; vray est qu'auparavant il avoit esté desjà donné tout l'ordre qu'on avoit peu [pour envoyer empescher en Ëscosse que les deux comtes ne soyent rendus ] .

L'ambassadeur d'Ëspaigne a très bonne affection à la religion catholique, et procède fort droictement en tout ce qui est pour l'advancementd'icelle; il fault considérer aussi qu'il peult bien en ces choses estre aultant esmen du désir qu'il sçayt que le Roy, son Maistre, a de recouvrer l'argent et merchandises de ses subjectz , prinses et arrestées par deçà, et de se vanger des offances receues en cella , et pareillement de celles que le duc d' Alve se sent en particullier fortpîcqué , pour les indignitez usées à luy mesmes et à ceulx qui sont venuz de sa part, que non de Tintérest de la couronne d'Ëscosse , ny pour vouloir diminuer la grandeur de celle d'Angleterre, qui est alliée de la maison de Bourgogne ; ou bien qu il cognoist que, si ceste Royne sent que le Roy conviegne avec le Roy d'Ëspaigne contre elle , qu'elle sera plus facille de se réconcillier avec le duc d' Alve, dont Leurs Majestez Très Chrestiennes adviseront ce qui sera le plus expédiant pour leur service .

n est bien certain que , despuys le commancement des différans des Pays Bas ,'et lors mesmement que le S' d'Assolé ville et puys le S'Ghapin Yitelly sont passez de deçà , que ceste princesse m'a. toutjour faict sonder de quelle intention le Roy et la Royne seroient en son endroict, affin de s'accommoder avec celle des parties qu'elle cognoistra luy estre de meilleure disposition ; de quoy ayant heu cognoissance , et encores quelque adviz , je me suys conduict de telle façon envers elle , que luy doimant bonne espérance du coslé de France, sans luy parler toutesfoys qu'en très bonne et advantaigeuse

façon des choses d'Ëspaigne ^ je l'ay retenue en quelque dévotion envers Leurs Très Ghrestiennes Majestez , et je croy qu'elle s'est de tant monstrée plus diflBcille et contraire au duc d'Alve.

Davantaige conférans le dict sieur ambassadeur et moy noz adviz sur la négociation que faict le secrétaire du comte Pallatin en ceste court , il nous a esté raporté à toutz deux qu'il poursuyt argent afiOn de lever gens en Allemaigne , tant pour envoyer au secours de ceulx de la nouvelle religion en France , que pour fère une descente contre le duc d'Alve aulx Pays Bas; et de tant que le S" deLombres , flamant , qui a esté envoyé icy par ceulx de la Rochelle , sollicite vifvement ce fait au nom du prince d'Orange , le dict ambassadeur l'a pour plus suspect, et me presse pour cela fort vifvement que nous veuillons [induyre conjoinctement noz deux Maistres d'entreprendre promptement quelque chose contre ce royaulme], bien que , à propos du dict prince d'Orange , il m'a dict qu'il sçavoit que ce qu'il préparoit en Allemaigne estoit pour retourner en France. Sur quoy luy ayant respondu qu'il n'avoit receu aucune offance du Roy pour le debvoir fère, il m'a seulement demandé si le Roy ne lui avoit pas confisqué son estât qu'il a en France ; à quoy je lui ay respondu que ce n'estoit chose qu'il dût tenir en tant , pour en commancer une guerre, quant bien le Roy le luy auroit confisqué : et, là dessus, il m'a faict ung discours comme si l'Allemaigne n estoit pour plus luy consentyr de retourner à main armée aulx Pays Bas , mais bien de procurer son retour en ses biens par le pardon et bonne grâce du Roy son Seigneur.

LXXXV* DÉPESGHE

— du xxvin« jour de janvier 1570. — ( Envoyée jusques à Callais exprès par Pierre Bordillon,)

Arrivée de M' de Montlouet à Londres. — Mission dont il est chargé pour PÉcosse ; état des affaires dans ce pays. — Projets du comte de Westmorland , qui prépare une nouvelle prise d'armes. — Avantage remporté en Irlande par mylord Sidney. — Espoir d'Elisabeth que les différends avec les Pays-Bas pourront s'arranger à l'avantage de l'Angleterre. — Préparatifs du due Casimir qui se dispose à entrer en campagne» — Efforts de Tarn' bassadeur pour empêcher que des secours d'argent soient donnés aux protestans de la Rochelle. — Réclamation de la république de Venise afin d'obtenir la restitution des prises faites par le capitaine Sores.

Au Roy.

Sire, je n'avois rien entendu de la venue de M' de Montlouet, quant, le xx^ de ce moys, il m'a esté mandé de ceste court qu'il a voit desjà passé la mer, et qu'il estoit à Douvres; au qilel lieu l'on l'a arresté deux jours et demy, sans luy permettre de passer plus avant; et croy que c'est le filz de M*" Norrys qui, ayant passé avecques luy, et laissé madame de Norrys sa mère à Boulloigne, a advisé les officiers de fère ceste difficulté , afin qu'il eust loysir d'en advertir la Royne sa Mestresse, laquelle a mandé tout aussitost qu'on le laissât venir, monstrant d'estre marrye qu'on l'èust aulcunement retardé. Par ainsy. Sire, il est arrivé en ceste ville le xxiii* , et , le lendemain xxiv* , nous avons envoyé à Hamptoncourt, où la dicte Dame est à présent, pour demander son audience; laquelle elle nous a incontinent accourdée au xxvi* ; mais ceulx de son conseil, qui avoient à se trouver toute ceste sepmaine en

ceste ville pour l'ouverture du terme de la justice, la luy ont faicte prolonger jusques à dimanche prochain, qui sera le xxix*' ; et semble , Sire , que monsieur Norrys ayt donné adviz à la dicte Dame que le vopge du dict S*^ de Montlouet est pour les affères de laRoyned'Escoce, dont elle s'est desjà préparée, ainsy que j'entendz, de la responce qu'elle luy doibt fère ; et je doubte assés qu'elle luy veuille accorder de passeport pour aller en Escoce ; car , oultre que Tordmaire souspeçon et jalouzie qu'elle a de l'auctorité de Yostre Majesté en ce pays là luy administre assez inventions pour y trouver toujour quelque excuse, il luy semblera, à ceste heure, qu'elle en ayt une fort aparante pour les troubles naguières suscitez en son pays du North, et pour la retrette qu'ont faict les chefz et autheurs d'iceulx avec leur cavallerye vers ces quartiers de terres débattables d'entre les deux royaubnes; où, à la vérfté, l'on dict que le comte de Yuesmerland se va refaysant , et assemblant une trouppe , qui ne sera moindre de quatre mille chevaulx anglois ou escouçoys, lesquels il pourra joindre toutes les foys qu'il vouldra , en moins de qaalre jours ; et le comte de Northomberland n'est mal tretté du lord de Lochlevyn, qui, encor qu'il soit beau frère du comte de Mora , ne monstre le vouloir randre à la Royné d'Angleterre. Néantmoins, ayant le dict S' de MoirtloQet et moy desjà heu communication avec monsieur l'évesque de Roz, nous n'obmettrons rien de tout ce qui se pourra dire et fore , au nom de Vostre Majesté , envers cesie Royiie, pour la liberté , restitution et advancement de la Royned' Escoce, et pour avoir permission de l'aller veoir, et puys de parfère son voyage.

Il est certain que la retrette des comtes de Northom-

berland et de Vuesmerland n'a tant apaysé les troubles du North , que la dicte Royne d'Angleterre et les siens né craignent bien fort qu'il se fasse encores une reprinse d'armes, non seulement au mesmes pays du North, où l'exécution de tant de pouvres hommes, qu'on y faict mourir, ne faict qu'endurcyr et aigrir davantage les aultres, mais aussi en plusieurs endroictz de ce royaulme ; et que , si ceulx qui se sont retirez en Escoce retournent , la seconde entreprinse sera trop phis dangereuse que la première. Il est vray que ce pendant la dicte Dame se trouve dellivrée de deux aultres grands soucys, l'ung du costé de l'Irlande, et l'aultre des Pays Bas; car milord Sideney luy a mandé qu'en une course, qu'il a faicte sur les saulvaiges au plus fort de l'hyver, lorsqu'il s'en doubtoientle moins, il a reprins vingt huict lieux fortz sur eulx , et a ramené de prisonniers cent soixante des plus principaulx des leurs, de sorte qu'il se promect une briefve et fort heureuse yssue de toutz les aflfères de dellà. Et de Flandres la dicte Dame estime avoir ung bien asseuré adviz que les aprestz du duc d'Alve contre ce royaulme se vcmt réfroydissant , et vont estre remiz en ung aultre temps ; ce qui lui semble estre davantaige confirmé par la dilligence que les S^* Espinola et Fiesque font icy d'accommoder le faict des deniers et merchandises d'Espaigue, bien fort à l'advantaige de la dicte Dame.

Les adviz des aprestz et mouvemens d' Allemaigne continuent en ce que , sans aulcun doubte , le duc de Gazimir sera en campaigne avec cinq mil chevaulx et huict mil hommes de pied , à la fin de febvrier ou au commencement de mars ; et que desjà le payement de ses gens pour deux moys est consigné , et que le troisiesme moys se payera le

jour qu'il commencera de marcher. L'ambassadeur d'Espaigne, qui est icy, a ung non guières dissemblable adviz, disant ouvertement que c'est pour entrer en France. Néantmoins, son parler monstre qu'il crainct assés que ce soit pour descendre en Flandres, de tant que le prince d'Orange s'entremect beaulcoup de l'entreprinse, et qu'il ^ esté devers le comte Pallatin à Heldelberc , et puys en poste jusques en Saxe devers le duc Auguste ; dont le duc <i'Alve a mandé haster la levée que luy faict le duc. de Bronsouyc , afiBn de gamyr tout à temps le Luxembourg de bonnes forces. Tant y a qu'ayant monsieur de Lizy naguières escript que , nonobstant les grandes dii&cultez qu'il avoit trouvées aux princes protestans, ilz l'avoient en&i asseuré du secours qu'il leur avoit requis , il est à croyre que leur premier effort se fera en France pour ceulx de la Rochelle. Le secrétaire du comte Pallatin , et ceulx qui sont icy pour le prince d'Orange et pour les dicts de la Rochelle, n'ont encore heu résolue responce de ce conseil sur le prest des deniers qu'ilz demandent, et ceste Royne s'en excuse bien fort; mais ceulx qui ont auctorité près d'elle trouvent moyen que son crédit et celluy de son royaulme y peuvent estre de telle façon employez, sans qu'il luycoste rien, que desjà les aultres s'asseurent de tirer de cest endroict cinquante mil escuz ; mais ilz incistent à plus grand somme jusques à cent cinquante mille , non sans espérance de l'obtenir, pourveu qu'il n'y aille rien de la bource de la dicte Dame ; et ceulx qui mesurent les finances , dont l'on peult avoir quelque notice qu'ilz pourront fère estât ceste année, disent que c'est de cinq à six centz mil escuz . Je mettray peyne de les empescher de ce costé le plus qu'il me sera possible.

Les Seigneurs MagnifBques de la Seigneurie de Yenize, qui sont icy, ont obtenu lettres de ceste Royne fort expresses à la Rope de Navarre pour le recouvrement de leurs vaysseaulx et merchandises , et m'ont prié de bailler mou passeport à Tung d'entre eulx , qui les est allé présenter, affin que si, pour le temps, il estoit contrainct de re-< lascher en France , ou qu'il fût rencontré par aulcuns navyres de guerres de Yostre Majesté en Ja mer, il puisse tesmoiguer de la juste occasion de son voyage au dict lieu de la Rochelle. Sur ce , etc.

Ce XXVIII* jour de janvier 1570.

LXXXVr PÉPESCHE

— du ii« jour de febvrier 1 570. — ( Envoyée par Guillaume de La Porte exprès jusques à Calais.)

audience accordée par la reine d'Angleterre k M' de Montlouet et à rambaMtdeur. — Reproche fait par Elisabeth à la reine d*Éco8»e d'avoir favorisé la révolte du Nord. — Crainte qu'il ne soit permis à M' de Montlouet ni* d'accomplir sa mission vers Marie Stuart, ni de se rendre en Ecosse. — Nouvelle de la mort du comte de Murray; mesures prise» par Elisabeth pour conserver son influence en Ecosse , malgré cet événement. — Vives instances faites par les protest9ns de France pour obtenir en Angleterre des secours d'hommes et d'argent.

Atj RoY.

Sire, deux jours après ma précédante dépesche, laquelle est du XXVII* du passé , nous avons esté à Hamptoucourt devers la Royne d'Angleterre, à laquelle M' de Montlouet a présenté voz lettres et reccomendations , et luy a d'une fort bonne et agréable façon récitté le contenu de

sa charge , sans rien obmettre de ce qui a esté requis pour dignement luy porter la paroUe , et la créance de Voz Majestez, et pour luy faire bien expressément entendre vostre intention sur le faict de la Royne d'Escoce : en quoy la dicte Dame a monstre que la matière luy estoit de bien grande conséquence, mais qu' elle n estoit encores enguières de disposition d'y entendre pour des occasions, qu'elle a faict semblant d'avoir descouvertes de nouveau contre la Royne d'Escoce et contre l'évesque de Roz, d'aulcunes leurs menées avec le comte de Northomberland sur les derniers troubles du North ; et n'a toutesfoys layssé de donner des responses pleynes à la vérité d'indignation envers la dicte Royne d' Escoce , mais de quelque respect envers Voz Majestez Très Chrestiennes, et s'est réservée xi' en bailler, dans trois ou quatre jours, de plus amples après qu'elle aura heu le loysir d'y penser.

Le dict sieur de Montlouet luy a faict des remûnstrances et réplicques, fort convenables à ce propos, avec instance de luy permettre de visiter la dicte Dame de vostre part , et dépasser, puys après, jusques à ses subjectz, pour aulcunes bonnes occasions que Voz Majestez le dépeschent devers elle et devers eulx. A quoy j'ay adjouté ce que j'ay estimé convenir à ceste négociation, sellon celle que j'ay assés continuée jusques icy de ce faict, et sellon les advertissemens du dict S** évesque de Roz ; mais la dicte Dame a remis de respondre au tout, après qu'elle y aura pensé.

Cependant elle a couppé assés court le dict propos , comme si elle s'en trouvoit pressée, pour demander curieusement des nouvelles de Voz Majestez et de celles de la paix. A quoy le dict S"^ de Montlouet luy a amplement satisfaict; dont, des propos qu'elle luy a tenuz et de ses

responses , et pareillement de ce qu'elle luy a dict sur le faict de la fille de Mad* de Mouy et sur ce que M" de La Meilleraye vous avoît escript des désordres qui coutinuent encores en la mer, je laisse au dict S^ de Montlottet de le vous fèrB bientost entendre par luy mesmés, s'il ne va plus avant ; ainsy qu'il semble qu'à grand difficulté le luy voul^ dra l'on permettre, ou bien de le vous escri{H*e, si, d'advanture , il accomplit son. voyage.

Et seulement adjouxteray icy, Sire, ce que la dicte Dame nous a dict de la mort du comte de Mora, comme en .passant par une rue, en la ville de Lithquo, il a esté tué d'ung coup de pistoUé , avec quatre balles au travers du corps, par le fils du chérif du dict lieu , lequel est des Amelthons , qui s'est despliys saiilvé K Duquel coup la dicte Dame n'a peu dissimuler le regrect qu'elle y avoit , ce qui la nous a ( seU Ion mon adviz) randue moins bien disposée en ceste première audience , sentant possible debvoir advenir beaulcoup de mutation de ceste mort ez choses d'Escoce , et, possible, beaucoup en celles de toute l'isle ; dont a dépesohé en dilligence le S' Randol par dellà pour deux occasions prin*dpallement; l'une, affin de solliciter l'eslection d'ung aultre régent , qui soit de mesmes disposition envers elle qu'estoit le dict de Mora ; et l' aultre , pour empes(5her que le comte de Morthomberland ne soit mis on liberté sur ce changement, et fère beaulcoup d'offres et promesses là dessus.

Ung certain capitaine alleman, nommé Oulfan d'Ar-

* Cet avènement arriva en plein jour, le 23 janvier 1570, au moment ou le régent traversait la petite ville de Linlithgow, à dix-sept milles d'Edimbourg . Jacques Hamilton de Botbwell-Haugh , qui se vengea par ce meurtre des relations que Murray avait entretenues avec sa femme, trouva moyen de s*échapper et de se réfugier en France.

nac , est despuys naguières arrivé de la Rochelle ; par la venue duquel le jeune comte de Mensfelt haste son par-> tement; et tout^ deux sont pretz de s'embarquer pour passer en AUemaigne , affin de se trouver bientost avec le Gazimir ; lequel ilz cuydent se debvoir, dans peu de jours, mettre en campaigne ; et cependant la subvention des es^ glizes protestantes de ce royaulme commence à se lever ainsy que je Tavois desjà préveu, et possible que par mes premières , je vous pourray mander combien elle se montera. Sur ce, etc.

Ce II** jour de febvrier 1570,

At LA ROYNE,

Madame, ayant la Royue d'Angleterre remiz à fère, d'icy à quatre jours , responce à M** de Montlouet et à moy sur les choses qu'il luy a proposées de la part de Yoz Maj estez , il n'y auroit guières lieu de vous dépescher ce pac-^ quet jusques alors , n'estoit la nouvelle qui cependant est survenue de la mort du comte de Mora ; laquelle je ne vous veulx aulcunement retarder, pour l'aparance qu'il y a que d'icelle ayt à naistre bientost beaulcoup de nouvelletez .en Escoce, et possible assés de mutation ez choses de ce royaubne, où ce coup se faict desjà tant seotyr, cpi'il semble qu'en la court, et par tout le pays, ung chacun en soit bien fort esmeu ; et n'a la dicte Rope d'Angleterre, après l'avoir sceu, différé que bien peu d'heures de dépescher Randolf en Escoce, pour fèro en toutes sortes qu'on y substitue ung aultre régent , qui soit pour persévérer aulx mesmes trettez qu'elle avoit avecques le deffunct, avec offires d'argent et de forces pour nieintenir l'authorité de celluy qui le sera , et pour empescher que aulcmis estran-

giers puissent estre appeliez contre luy dans le pays ; dont aulcuns estiment que le frère du dict de Mora tiendra meintenant ce lieu. En quoy Yostre Majesté considérera, au cas que M"* de Montlouet n'ayt permission de passer jus-^ ques en Ëscosse par terre , s'il sera expédiant d'y dépescher ung atdtre par mer , qui y puisse arriver avant que les choses y soient establyes à la dévotion des adversaires de la dicte Royne d'Escoce. L'on a adviz icy que Domber^ trand a esté avitaillé par deux navyres françoys, dont ne fault doubter que le party de la dicte Dame ne s'en trouve grandement confirmé dans le pays , et je sçay qu'il en faict grand mal au cueur à plusieurs en ceste court. Sur ce , etc.

Ce II* jour de febvrier i570,

LXXXVir DÉPESCHE

— du x" jour de febvrier 1570, — ( Envoyée par M' de Montlouet s'en retomant devers le Roy.)

Nouvelle audience accordée à HT de Montlouet —Befus fait par Elisabeth de lui donner passage. •— Motifs qui ont dû l'engager à prendre ce parti. — Arrestation de Tévêque de Ross. — Protestation de la reine d'Angleterre qu'elle veut se maintenir en paix avec le roi , et qu'elle ne donnera aucun secours à ceux de la Rochelle. --^ Préparatifs faits en. Angleterre contre l'Ecosse. — Nécessité d'envoyer sans retard , par mer, un député en Ecosse , et de ne rien négliger pour arrêter l'exécution des projets des Ai^is. — Note remise à M' de Montlouet sur l'état général des affaires d'Angleterre et d'Ecosse.

Au RoY.

Sire , ayant la Royne d'Angleterre , au boult de huict jours , faict entendre à M' de Montlouet et à moy , avec

quelque aparat , en présence de unze seigneurs de son conseil, touchant les affères de la Royne d'Escoce, que de laysser passer le dict S' de Montlouet jusques au l^eu où est la dicte Dame, et puys de là en Escoce, elle ne le pouvoit meintennant en façon du monde consentyr , pour des occasions, lesquelles, si eussent esté bien sceues, lorsqu'il fut dépesché , elle s'assure que Vostre Majesté no luy eust donné charge d'y aller; et que de la seurté de la dicte Dame Vostre Majesté pouvoit croyre que, quand la dicte Royne d'Escoce auroit bien machiné de la fère tu^ à elle d'ung coup de haquebutte , elle pourtant ne cansentyrott jamais qu'on touchât ny à sa vie , ny à sa personne; et que de son bon trettement elle le luy fesoit fère tel et à telz frays qu'elle sçayt que l'Escoce ne seroit pour y fornyr de mesmes. Au regard de sa plus grande liberté et restitution à sa couronne, qu'encor qu'elle n'eust à rendre compte qu'à Dieu seul de ses actions en cella , elle néantmoins les vous feroit entendre par son ambassadeur , ou par ung gentilhomme exprès , avec espérance que vous les trouverez si équitables, que dorsenavant vous ne seriez tant pour la dicte Royne d'Escoce , que vous ne fussiez aussi pour eUe ; et de tout ce que , ' avec ung bien long et préparé discours et avec plusieurs démonstrations , elle a desduict là dessus , le dict S^ de Montlouet le saura trop mieulx représanter à Voz Majestez que je ne le vous sçaurois escripre, vous pouvant asseurer, Sire, qu'il a si vifvement répliqué et tant fermement incisté à la dicte Dame sur toutz les poinctz de l'instruction, que Vostre Majesté luy avbit baillée, qu'il ne s'y peult rien désirer davantaige. Et j'ay adjouxté ce que j'ay peu de plus exprès pour la presser de luy fère meilleure responce ; mais le mariage du duc de Norfolc et

l'ellévation du North lui sont deux ofianees si rescentes, lesquelles elle impute à la dicte Dame, et la mort du comte de Mora les luy a tant rafreschies, que nulle sorte d'apareil y peult enceres estre bonne ; mesmes , sur ce dernier courroux de la mort du comte de Mora , die a faict resserrer l'évesque de Roz ez mains de Févesque de Londres, qui sont deux fort différants personnages , en meurs et en religion , l'ung de l'autre ; dont semble quil fault qu'avec le temps vienne le remède de ce mal.

Je laisse au dict S' de Montlonet de vous dire le contantement que la dicte Royne d'Angleterre a monstre avoir de ce que Yoz Majestez Très Ghrestieunes se sont vollues conjouyr avecques elle sur la paciffication des troubles de son royaukne, et les bonnes paroUes qu'elle a dictes en eella, qui toutjour en use de fort bonnes ez choses qui luy sont fM'oposées de Yoz Majestez , sinon en ce qu'on luy touche de la Rope d'Escoce; et vous dira pareillement les promesses, €|u'eHe nous a faictes, de n'assister en aulcune sorte à ceulx de la Rochelle contre Yostre Majesté et sur ce, etc.

Ce X* jour de febvrier 157.0.

Madame, il n'a tenuny à soing, ny à dilKgence, ny à fère bien dignement et expressément entendre, par M' de Montlouet , à la Royne d'Angleterre les choses de sa charge, ny encores à les avoir bien préparées et sollicitées par M*^ de Roz et par moy, aultant qu'il nous a esté possible, que le dict S*^ de Montlouet ne raporte une meilleure responce qu'il ne faict sur les affères de la Royne d'Escoce;

mais le mariage du duc de Norfolc et rellévation du North y font ung très grand obstacle et , possible , y en faict davantaige la mort, naguières survenue, du comte de Mora; laquelle la dicte dame et ceulx de son conseil, qui sont protestant! , monstroient. de la prendre plus à cueur que nul aultre accident qui leur eust peu advenir , et sont après à fère plusieurs grandz et nouveaulx desseings là dessus ; dont desjà ont mandé renforcer bien fort la garnyson de Barvich , et crains assés qu'ilz veuillent dresser , du premier jour, armée pour l'envoyer par dellà, conune j'en ay quelque sentyment; laquelle survenant en la division , où est à croyre que ce royaulme se trouve meintennant , elle sera pour y fère des effectz , qui seront , par avanture, dommaigables à l' advenir ; dont je perciste en ce que , par mes précédantes , j'ay escript que , ne voulant ceste Royne permettre que le Roy. et Vous y puissiez en-r voyer quelqu'un des vostres par terre , qu'il sera bon que y dépeschiez promptement ung personnaige de bonne qua-^ lité par mer, qui soit pour moyenner et establyr, avec vostre auctorité , mie bonne concorde entre les seigneurs du pays ; et les bien disposer de résister aux estrangiers , et y relever le nom de leur Royne ; en quoy semble aussi ^ si Voz Majestez n'y peuvent pour ceste heure envoyer forces , qu'il sera fort à propos que envoyez au moins quelques capitaines, et gens d'entendement et de valleur, qui les saichent bienconduyre. Sur ce, etc.

Ce x* jour de febvrier 1570^

Ce qui s'ENSutT a esté baillé à M' de Montlouet pour luy 8ervyr de mémoyfe.

De la coinmunicquation que M*" de Montloaet et moy avons heu ensemble , touchant ses deux instructions , il se pourra servyr de Tordre d'icelles comme d'ung mémoire , pour tout ce que je luy ay dlct sur ung chacun article, affin d^en satisfère Leurs Majestez.

Et Textraict de la lettre , que j'escriptz au Roy , s'il luy playt de remporter, sera pour nous conformer Tung à Taultre ez choses que la Royne d'Angleterre nous a respondues sur le faict de la Royne d'Escoce.

De la continuation de la paix ; -^ Il pourra dire que la Royne d'Ân^ gleterre monstre d'y vouloir persévérer, et semble que ceulx de la Rochelle ne tireront d'elle aulcun manifeste secours ; mais ne fault doubter que, par moyens secrects et soiibz aultres prétextes, les siens ne les accomodent^ par mer et en Allemaigne, aultant que, sans mettre leur Mestresse à la guerre , ilz le pourront fère.

Le jeune comte de Mensfelt est desjà embarqué , lequel anticipe de deux moys son partement , parce que, par ungnavyre venu du North, l'on a sceu que ceste année la mer n'a point gelé; et va descendre en Hendein , dont s'estime qu'à son arrivée en Allemaigne , avec les responces et lettres de crédict d'icy , le Cazimir el le prince d'Orange se mettront incontinent en campaigne. Les dictes lettres , à ce qu'on dlct, sont pour trente mil livres esterlin en tout, c'est cent mil escuz , ce que je n'ay encores bien vériffié.

De Testât des affères de la Royne d'Escoce et du duc de Norfolc ; — J'ay monstre à M' de Montlouet aulcunes petites lettres, qui tesmoignent ce qui en est , et ce qu'ung chacun d'eulx espère particullièrement pour soy , et ce que l'ung espère pour l'aultre.

Et pareillement ce qu'elle, pour son regard, espère du secours de Flandres , et l'instance qu'elle en faict , et ce que luy espère de celluy de France , et comme il presse de le haster.

L'estat des choses d'Escoce. — Ledinthon et miior Herys, hors de pryson , ont relevé avec les principaulx de la noblesse le nom et tiltre de leur Royne. — Le duc de Chastellerault encores prisonnier. — Le comte de Morthon et Lendzey ont juré la vengeance de la mort du comte de Mora.— S'entend que le comte deNorthomberlandesten liberté. Celluy de Yuesmerland a couru jusques sur quelque garnyson d'Angleterre et l'a surprinse.

La Royne d'Angleterre semble vouloir préparer une armée. Je n'ay poinct argument que ce soit contre la France , sinon par aulcuns adviz de Tannée passée que une descente d'Anglois en Picardie doibt concourir, quant le Cazimir conduyra son armée vers ce quartier là, ayant promiz de s'employer à la reconqoeste de Gattayspour la dicte Dame ; à quoy , à toutes advantnres , Leurs Majestez feront prendre garde.

La plus grand opinion est que ce sera pour aller en Ëscoce , affîn d'y establyr le comte de Morthon régent , ou bien fère intervenir le comte de Lenoz au gouvernement de Testât , et de la personne du prince son petit filz ; et le maintenir comme son subject en ce sieû droict , par toutz les moyens qu'elle pourra , ou bien pour se saysir, si elle peult, du dict petit prince et le transporter en Angleterre ; et , possible, pour y fère quelque conqueste ; et , en monstrant de vouloir appeller à la succession de son royaulme le dict petit prince , se saysir cependant des deux , le tout par prétexte d'aller contre ses rebelles du North, qui se sont retirez au dict pays.

La détention de Tévesque de Roz et des aultres seigneors cstholiques porte grand empeschement à ma négociation de la liberté et eslargissement ; desqnelz ne se parle ung seul mot.

Des différandz des Pays Bas , et ce que Espinola et Fiesqne en trettent d'ung costé, et ce que Tambassadeur et Anthoneda en trettent de Taultre , pareillement ce que Gecille cerche d'en fère mettre en avant par le S' Ridotfy , et la remonstrance que j'ay faict au dict ambassadeur pour empescher l'accord des deniers.

Du S' Chapin Vitel.

De ce que Leguens a mandé.

De fère administrer justice en Bretaigne aulx Angloys.

Au cas que la Royne d'Ëscoce se veuille retirer en France , me mander si Leurs Majestez Tauront agréable , et qu'est ce que j'aaray à fère , si elle entreprend de passer en Flandres.

Parler à Monsieur le duc de la pleincte que ceulx ci font qu'on retarde* par trop à Paris les passeportz à leur ambassadeur.

LXXXVlir DÉPESCHE

— du xHi« jour de febvrià' 1570. — (Envoya exprès jusques à Calais, par Oly^ier Càmbemon.) ;

Efforts faits en Angleterre pour obtenir le consentement de TEspagne , afin de disposer des deniers saisis et déposés à la Tour. — Intérêt du roi à l'em* pêcber pour que cet argent ne serve pas à faire des levées d'hommes contre la France. — Affaires d'Ecosse.

Au Roy.

Sire , les choses que M' de Montlotiet a vues , et entendues icy 5 et celles dont nous avons heu communication ensemble , il les sçaura si bien représenter à Voz Majestez , que je n*entreprendray de vous en toucher icy ung seul mot ; seulement je vous diray, Sire , touchant celles qui sont venues à ma cognoissance , déspuys qu'il est party, que le voyage qu'il sçayt que M' le cardinal de Ghatillon a faict à Hamptoncourt , le jour de caresme prenant , a esté pour deux occasions ; Tune , pour prier la Royne d'Angleterre de permettre à Rouvrey, lequel par fortune de temps est arrivé mallade et blessé à Grèneié , qu'il y puisse demeurer quelque moys pour se guéryr, nonobstant F estroicte défiance qu'il y a de n'y souffrir aulcun estrangier, ce qu'il a facillement obtenu; et l'aultre occasion est pour très instemment prier la (ficte Dame , avec les ambassadeurs des princes proteStans , et avec ceulx , qui naguières sont venuz de la Rochelle, qu'elle veuille acquiter, à ce prochain mars , certaine portion d'ung sien debte qu'elle a promiz de payer en Allemaigne, affin qu'ilz s'en puyssent ayder à fère leurs levées, prenant sur eulx la dicte portion du prin-

cipal avec les intérestz pro rata. Mais à cecy la dicte Dame a respondju qu'elle avoit meinteDant tant d'affères en son royaume, qu'elle estoit pour entrer plus tost en nouveaulx empruntz que de payer les yieulx debtes, et qu'il n' estoit possible qu'elle entendît à faire aulcun payement, si elle ne s'aydoit des deniers d'Espaigne, ausquelz elle n' avoit encores touché , attandant qu'il s'y fit quelque bon accord. Sur quoy, se trouvant que Espinola et Fiesque avoient miz en avant une composition au nom des merchans , de laysser les dicts deniers à la dicte Dame , jusques à l'entier accord des différans des Pays Bas, à intérest de dix pour cent pour l' advenir, sans payer rien du passé, et baillant seulement la chambre de Londres et mestre Grassein pour respondans, tant du principal que des dictz intérestz, il se faict une extrême sollicitation que cella s'effectue ; et je inciste , de tout ce qu'il m'est possible envers l'ambassadeur d'Espaigne, qu'il le veuille empescher, luy remonstrant que ce sera accommoder d'aultant ceulx qui vous mènent la guerre en vostre royaulme, lesquelz se prévauldront de ces deniers ; et il sçayt combien il y court un grand préjudice pour son Mestre : à quoy il m'a promis défère tout ce qu'il pourra pour l'interrompre, mais il creinct que Albornoz, secrétaire du duc d' Alve, tienne la main à cella pour l'amytié qu'il a avec les dicts Espinola et Fiesque , ou pour avoir receu d'eulx un présent de douze ou quinze mil escuz, ainsy qu'on dict qu'ilz en offrent icy ung aultre de cinquante mil escuz au comte de Lestre et de vingt mil à Gecille. Mais je ne puys croyre que les dicts Espinola, Fiesque et Albornoz mènent ung tel faict, qui touche grau*dément l'intérest du Roy d'Espaigne, duquel ilz sont subjectz, et bien fort sa réputation et celle du duc d'Alve,

pareillement l'offance de son ambassadeur, iey résidant, et des aultres deux ambassadeurs qui , à diverses foys, y ont esté envoyez , ensemble cdle qui a esté faicte à leurs navyres, à leurs subjectz et merchandises , sans que le dict Roy Catholique et le duc d'Alve y soient consentâns. Et j'ay freschement heu adviz, assés conforme à ce que j'ay dict au dict S"" deMontlouet, que l'on est après de tirer le Roy d'Espaigne hors de l'obligation des merchans, et du risque des dicts deniers ; et qu'avec cella , il dissimulera pour ceste foys tout le reste , dont semble estre fort requis , Sire , que Vostre Majesté face instamment requérir le dict duc d'Alve de ne souffrir que les dicts deniers soyent ainsy délayssez à la dicte Dame par la composition des merchans ; car, s'il s'y oppose, la dicte Dame n'y ozera toucher, et, aultrement, il est tout certain qu'il en sera envoyé une partie en Allemaigne pour fère les levées ; vous suppliant très humblement , Sire , me pardonner, si je vous oze dire que , au poinct où vous et vos affères se retrouvent meinte-" nant, une telle diose n'est aulcunement toDérable au dict duc d'Alve.

Au surplus , il semble que ceste Royne et les siens se veuillent bientost résouldre à Tentreprinse des choses d'Escoce ; car ils sont toutz les jours à consulter là dessus , dont je mettray peyne de descouvrir, aultant qu'il me sera possible, leurs dellibérations , et de fère que les partisans de la Royne d'Escoce par dellà en soyent advertys ; et suys toutjours d'adviz, Sire, que debvez envoyer promptement ung ou deux personnaiges de bonne qualité par dellà pour confirmer le pays à vostre dévotion , ainsy que ceulx cy y dépeschent de leur part aulcuns de leur conseil, pour le disposer, s'ilz peuvent, à la leur ; et cependant j'ay advyz

(pi'ilz ont mandé armer prcmiptement daix grandz navyres à Brîsto , et mettre cent cinquante bons homimes dessns , pour surprendre les deux navyres françoys qui sont ^Uez avHaiUer Dombertran, ainsy qu'ilz s'en retourneront. A quoy Yostre Majesté advisera du remède qui s'y pourra donner. Sur ce, etc.

Ce xiii* jour de febvrier 1570.

LXXXIX' DEPËSGHË

— du xvii« jour de febvrier 1570. — ( Envoyée par Joz , mon secrétaire , exprès jmques a la court. )

Nécessité de se prémunir en France contre l'expédition qui se prépare en Allemagne. — Secburs d'argent et de munitions que Ton se dispose à envoyer d'Angleterre à la Rochelle. —État des affaires en Ecosse après le meurtre du comte de Murray. — Armement fait à Londres que Ton pourrait craindre de voir diriger contre Calais. — Divisions qui se continuent entre les seigneurs d'Angleterre. — Offre faite au roi de )a part d'un seigneur anglais. — Mémoire sur les affaires générales d'Angleterre et d'Ecosse. — Regret éprouvé par Elisabeth de la mort de Murray. — Dispositions prises en Angleterre pour mettre le royaume en eut de défense, et fourair de l'argent aux protestants de France.

Au RoY.

Sire, ayant miz peyne de vériffierradviz que, par mes précédantes, duxiii* du présent, je vous ay mandé touchant certains deniers, qu'on presse laRope d'Angleterre de fomyr en Allemaigne sur l'acquit de ses debtes , afin que les princes protestans s'en puyssent accommoder au payement de leurs levées, je tiens pour asseuré, (nonobstant que la dicte Dame et les siens facent démonstration

tonte au contraire , et cpie M'' l'ambassadeur d'Espaigne, cpii.n'a moins suspect en cest endroict ce qui s'en pourchasse au nom du prince d'Orange, quemoy la sollicitation de ceulx de la Rochelle, n en ayt encores rien descouvert , ) que néantmoins la chose est desjà toute conclue , ainsy que j'ay baillé, par instruction, à ce mien secrétaire , de le fère particuUièrement entendre à Yoz Majestez ; et semble , Sire , que ne debvez plus demeurer sur le doubte si les Allemans descendront ou non , mais vous préparer comme pour leur résister et pour leur empescher l'entrée de vostre royauhne; à laquelle dellibération , de fomyr deniers, j'entans que la dicte Dame a beaulcoup résisté , comme celle qui ne s'en vouloit auculnement despourvoir ; mais elle n'a sceu comment enfin s'excuser de n'acquicter son debte et fère tout ensemble piaysir à ses amys , sans qu'il luy coste que la seule advance de l'argent qu'elle doibt, dont elle demeure quicte; et néantmoins luy sera dans quelques moys remboureé. J'ay d'ailleurs envoyé soigneusement enquérir, par les portz de ce roy anime, s'il y auroit aulcun congé , ou peitnission, d'enlever pouldres et monitions pour la Rochelle; et m'a l'on raporté qu'à la vérité il n'y a nulle expresse permission de cella, mais qu'aulcuns merchans ont bien achapté secrectement des bledz et des chairs en ce pays , et ont faict venir de Nuremberg , de Hembourg et d'Anvers , des pouldres , des armes , des beuffles et choses semblables pour les envoyer à la Rochelle, afin de faire leur profict; à quoy j'essaye bien de les empêcher , mais ils nyent que ce soit pour la Rochelle ; néantmoins j'ay adverty ceulx de ce conseil que Vostre Majesté déclairera de bonne prinse tous les vaysseaulx qu'on trouvera retoumans du dict lieu.

Les choses d'Escoce se racontent en diverses façons , mais l'on tient pour la pins vraye que le comte de Morthon s'est Yollu ingérer au gouvenvement du pays en qualité de régent ; et que plusieurs des grandz s'y sont opposés , et ont si bien relevé le nom de leur Rope que son auctorité y est pour ceste heure la plus recogneue ; et que le duc de €hatellerault est encores prisonnier et resserré davantaige pour la souspeçon du murtre du comte de Mora; que Ledinthon est hors de pryson ; que les principaulx des deux factions ont convenu de laysser courir, pour ceste heure , le seul exercisse de la religion nouvelle dans le pays , et que pour l'establissement des affières l'on assemblera les Estatz, où s'espère que le retour et restablissementdeleur Boyne sera requiz.

J'entans que ceulx cy arment phis de vaysseaulx que les deux que j'ay mandé par mes précédantes, tout au long de la coste d'ouest, pour garder que nulz navyres estrangiers puissent aller ny venir en Escoce-, espéciallement à Dombertran. Sur ce , etc.

Ce xvii« jour de febvrier i570.

Je viens, tout à ceste heure, d^estreadverty que ceulx cy sont après à ordonner ung grand armement des navyres de guerre de ceste Royne et aultres de ce royaume, pour une grande entreprinse^ <iu*ilz veulent exécuter avec intelligence du prince d'Orange , qui 4es doibt ayder de «es vaysseaulx qu'il a en mer^ sous la charge du S' de Olain et du bastard de Briderode ; et espèrent aussi se prévaloir de ceulx de la Rochelle. Aulcuns soupeçonnent que ce soit sur Callais, dont j'ay réouvert le pacquet pour y adjouxter cest article, -encor que je ne Taye plus avant vériffié. J'ay aussi présentement receu les deux dépesches de Yostre Majesté , du xxvii* du passé et du sixiesme d'estuy cy, par un mesme courrier, sur lesquelles je verray bientost ceste Royne, et ne changeray rien pour la venue dMcelles en ceste dépesche.

€i)tffrr* — [Madame , la division continue toutjour en ce royaume , et le matcontantement croyt de plus en plus ez cueurs des principaulx et des Catholiques, parce que les; gouverneurs, qui sont des moindres et toutz protestant, procèdent insolentement contre eulx; dont ne peult estre que bientost l'altération ne s'en monstre bien grande, et que la cause de la religion, celle de la Royne d'Escoce, celle des seigneurs prisonniers, et encores celle de Tin^ certaine succession de ce royaulme , qui ont chacune leurs partisans, ne produyse de divers effectz ; en quoy je mettray peyne de tenir le nom du Roy le plus relevé que je pourray, et qu'il n'y en ayt point de plus respecté que le sien.

X.... m'est venu trouver > sur les dix heures de nuict., pour me dire que, s'il playt au Roy de le recepvoir, ii passera très voUontiers à son service , avec une si bonne entreprinse en main que , quant Sa Majesté la vouldra exécuter, il la trouvera très utille pour sa grandeur, adjouxtant plusieurs occasions de son malcontantement et de celluy des principaulx seigneurs de ce royaulme. Sur quoy, ne saichant s'il venoit pour m' essayer, j'ay respondu que je ne sçavois €pie le Roy eust aultre intention que fort bonne à l'entretennement de la paix avec la Royne d'Angleterre et avec son royaulme; mais, parce que toutes ses prétencions et désirs ne me pouvoient estre cognuz , je ne fauldrois de l'advertir de ce qu'il me disoit, et qu'il pouvoit bien considérer que Sa Majesté avoit à se douloir , aussi bien que luy , de ceulx qui gouvernoient en ce

royaume; et qu'à ceste occasion il le pourroit bien accepter et l'employer à s'en revencher ensemble ; dont il m'a dict qu'il viendra, dans quelque temps, sçavoir la responce que Vostre Majesté m'aura faicte]. Sur ce, etc.

Ce XVII* jour de febvrier 4570.

iNsraocTiON AU S' DE Jos de ce qu'il aura à dire à Leurs Majestez , oiUtre le contenu de la dépCKhe.

Ainsy que la Royne «rAngleterre estoit après à esteindre les troubles du North , et à pourvoir qu'ilz ne se peussent plus rallumer ; et qu'elle faisoit estât , que d'Ëscoce , d'où elle heut heu le plus à se doubter, ne luy viendroit que toute faveur et asnstanee, tant que le comte de Mora y commanderoit, mesmes qu'il tenoit le comte de Northumberlandenses mains; et ne cerchoit sinon comme elle et luy pourroient concourre en ung mesme intérest contre la restitution de la Royne d*£scoce; il n'est pas à croire combien la dicte Dame a vifvement senty la mort du dict de Mora :

Pour laquelle^ s'estant enfermée dans sa chambre, elleaescryé, avecques larmes, qu'elle avoit perdu le meilleur et le plus u Lille amy, qu'elle eut au monde, pour Fayder à se meintenir et conserver en repos , et en a prins ung si grand ennuy que le comte de Lestre a esté contrainct de luy dire , qu'elle faisoit tort à sa grandeur de monstrer que sa seurlé et celle de son estât eussent à dépendre d'ung homme seul.

£t parce que ravitaillement de Dombertran , la venue de M' de Montlouet, quelque course du comte de Yuesmerland sur la frontière , et la retrette d'aulcuns Anglois en Escoce, sont advenues en mesme temps, la dicte Dame et ceulx de son conseil sont entrez en grand opinion que les Catholiques de ce pays, avec Piutelligenoc des estrangiers, ayent mené ceste practique, et qu'il y ayt bien d'aultres entreprinses en campaigne.

£t mesme l'on s'esforce de randre suspect à la dicte Dame le propos de la paix de France , comme si, la faisant, l'on debvoit incontinent luy déclairer la guerre ; ce que toutesfoys elle ne se veult ayséement persuader, et pourtant ne peult laysser de la désirer, pourveu (]u'il ne s^y conclue rien contre elle , ny trop au désadvantaige de sa religion; affin qu'elle demeure deschargée de tant de de-

iDandes et importunilés qu'on luy Caict pour rentretennemenl de ceste guerre.

Mats parce qu'aulcuns iuy remonstrent que des exploiets de eeste aimée a de résulter TestabliBsement oa la ruine de sa dicte reli-^ gion , et pareillement le repos ou FaitéFation de son estât , car ilz conjoignent Tung avecques Taultre , j*enteiidz que la dicte Dame et ceulx de son conseil ont desjà résolu la plus part des choses quilz estioient estre besoing d'y pourvoir, desquelles j'ay sceu en premier lieu :

Qu'ils ordonnent de continuer la description des forces, que j'ay cy devant mandées, de quatre vingtz dix mil hommes de pied et trente mil chevaux, en trois endroictz de ce royaulme ; et que la charge en seraprinctpallement commise aulx Protestans, et qu'ioii regardera de si près aux Catholiques, qu'on ne leur permettra de ae trauver plws de six ensemble , sur peyne de pryson : que les seigneurs, «pii sont dettenuz , seront resserrez davantaige , et sera continué d'enquérir contre tvàx^ mesme a esté parlé de convoquer tmg parlement pour trois occasions seulement; Tune, pour avoir deniers ^ et l'aultre, pour déclairer criminels de lèze majesté ceulx qui se «ont ellevez , et leurs adhérans , affin de procéder à leur confiscation ; et la troisième , pour confirmer les décrectz de leur religion. Mais de peur que le dict parlement ne veuille toucher à d'aultres choses, il n'est encores résolu de le convoquer ; et est, en toutes sortes, si rigoureusement procédé contre les dicts Catholiques , qu'ilz vivent en grand frayeur, dont les Protestans , qui ont toute l'auctorité , pensent que par ee moyen ilz les pourront contenir.

Pour le regard des choses d'Escoce, ayantz faict passer le mareschai de Barvich, etnng capitaine de la mesme garnyson, au dict pays , incontinent qu'on a entendu l'inconvéniant du dict de Mora , affin de relever le party qu'il tenoit , ilz y ont despuys envoyé Randof, et sont après à y dépescher encores BafSadeller qui est du conseil, avec lettres à huict principaulx du pays et créance de leur offrir 'hommes et argent au nom de ceste Royne ; et ont donné charge au comte de Sussex de doubler la garnyson de Barvich , dont il emporte commission d'y mettre promptement cinq centz hommes^ et trois centz chevaulx de renfort; et, à cest effect, luy a esté baillé douze capitaines de la suyte de ceste court, estimans que la dicte garnyson de Barvich, ainsy renforcée, laquelle sera de mil harquebouziers et six centz chevaulx , avec l'ayde du gardien de la frontière , suffira contre les courses de Vuesmerlantl , jusques à ce que cest esté , ou plus tost .

Us auront dressé armée pour aller courre L^Ëscoee , affin d*y establyr les choses à leur dévotion , estant Topinion d'aulcuns quilz se saysiront, s'ilz peuvent, du petit prince du pays; et qu'ayantz la mère et le filz en leurs mains, il leur sera aysé de annuUerle tiltre que la mayson d*£scoce prétend à la succession de ce royaulme.

Et ne deffault qui perauade à oeste princesse qu^affin qu'elle ne soit , ny par le costé de France , ny de Flandres , empesebée en ses affëres de deçà, qu'elle doibt accommoder les princes protestans en leurs entreprinses de dellà, et leur donner moyen qullz se puissent prévaloir d'aulcuns deniers de ce royaulme , ppurveu qu'elle n'en desbource rien ; dont j'entens qu'après s'en être quelque temps fort excusée , enfin elle a condescendu de dire à ceulx de son conseil qu'ilz advisent comment cella se pourra fère; dont desjà ont résolu que la dicte Dame payera, dans le moys dVipvril, une partie de ses debtes em. Allemaigne , laquelle iceulx princes [M*endront des mains de ses créditeurs; et encor que les deniers reviegnent toutz à son acquit , ilz luy seront néantmoins remboursez , la moictié des prinses, et l'aultre moictié par les esglizes protestantes de ce royaulme ; lesquelles, à ce qu'on dict, ont accordé de bailler quatre vingtz mil escuz dans buiet moys , ainsy que de mesmes les aultres esglizes protestantes de France, de Flandres, d' Allemaigne, des Suisses, d'ItalUe, et mesmes disent d'Espaîgne, contribuent à ceste guerre : dont l'on faict compte que la contribution de toutes ensemble, comprins les dix mil escuz de ceste cy, monte envyron trente mil escuz toutz les moys.

Mais la difficulté est en ce que , sans mettre la main aux deniers d'Ëspaigne, la dicte Dame ne peut, ny veult payer aulcune portion de ses debtes, ceste année , en Allemaigne, affin de ne se desfomyr d'argent ; et ce qui a esté cause de quoy Ëspinola et Fiesque ont esté mieux ouys sur les offres qu'ilz ontfaictes, au nom des mercbans Ëspaignolz et Gènevoys, de laysser les dicts deniers à la dicte Dame, ainsy que je l'ay mandé par mes précédantes. £t j'ay advis qu'on tient cella pour si accommodé, que desjà est ordonné à M* Grassein d'en distribuer quarante cinq mil livres d'esterlin aulx mercbans de ceste ville, c'est cent cinquante mil escuz, pour les fomyr, à ce prochain apvril, en Allemaigne , aux dits créditeurs de ceste Royneet vingt mil tt aussi d'esterlin, c'est soixante douze mil escuz, ordonnez pour les affères d'Ëscoce.

Reste seulement que la dicte Dame demande aus dicts Ëspinola et Fiesque ung mot de lettre du Roy d'Ëspaigne, par lequel il advouhe

qae les dicte deniers sont des merchans , et non siens ; ce que Tarnbassadeur d'Espaigne, qui est ici, me promect que son Mestre ne le fera jamais. Aultres estiment que, pour sortyr hors de l'obligation et du risque des dicts deniers envers les merchantz , qu'il ne refusera de lefère; aultres disent que, ores qu'il ne le face, qu'on ne lairra pourtant d'accorder des dicts deniers avecques les merchans, et s'en ayder en Allemaigne ; néantmoins , il sera toutjour bon d'incister au duc d'Alve qu'il empesche le dict accord :

Car il est desjà nouvelles que Quillegrey sera dépesché pour aller porter les lettres de police du dict payement, et pour aller faire sem^ blables offices, ceste année, qu'il fit la précédente envers les princes protestans ; dont s*estime, qu'à son arrivée par dellà, plus qu'à celle du jeune comte deMensfelt, les dicts princes s'esmouveront et commenceront de marcher; et que le dict de Mensfelt n'a emporté que quelques lettres d'acquit, pour vingt mil livres d'esterlin, qui avoient esté desjà prinses sur les bagues de la Royne de Navarre. Par ainsy, il fault fère estât que Tarraée de Cazimir yra au secours de ceulx de la Rochelle.

Il semble qu'on ayt vollu imprimer quelque peur à ceste princesse du duc de Olstein , luy donnant entendre qu'il a esté devers le duc d'Alve à Bruxelles pour tretter quelque entre prinse contre elle, et quHl faict une levée de gens de pied et de cheval vers Hembourg et Osterelan , de quoy elle a certain adviz, et que le duc Ëry de Bronzouyc a aussi la sienne toute preste; dont, encor que le dict duc d'Alve monstre que son principal prétexte soit pour résister aulx entreprinses du prince d'Orange , néantmoins la jalousie qu*elle s'est donnée de cella , et possible le désir de favoriser les affères du dict prince d'Orange , et les choses advenues par la mort du comte de IVfora sont cause dont elle se laysse ainsy aller à la forniture de deniers en Allemaigne ; aulcuns estiment tout le contraire du duc d'Oldtein, qu'il est pour le dict prince d'Orange, bien m'a l'on dict qu'il y a desjà trois ans que ceste Royne a osté de son estât le dict de Olstein lequel souloit être son pencionnaire.