occ» i

Au Roi.

Sire, je supplie très humblement Vostre Magesté ne penser et croire qu'il y ayt aucune diflicullé en moy pour la reconciliation du roi de Navarre, car je ne pense pas luy avoir donné occasion d'estre juarry, sy n'est que j'ay exécuté ce qui avoit esté arresté par la Royne, vostre mère, et ledict sieur roy de Navarre, à la dernière conferance qu'ilz eurent ensemble à La Plangue, d'abbatlre les murailles de la ville de Langon; laquelle despuis me l'a escript et commandé par deux lettres de sa main, comme aussy Vostre Magesté ; et que je me sois plainct audict sieur roy de Navarre de plusieurs meurtres, abbatement de chasteaulx et maisons, bruslemens et port d'armes avec toute insolence sur les catholiques; que je n'ay esté d'advis que l'on levast des forces my-partye d'une et d'aultre religion pour l'exécution de l'edict; car il fust venu inconveniant; aussy que j'avois commandemant de la Royne, vostre mère, s'il en falloit, d'en prendre de celles de Brouage, desquelles l'on eust pu tirer service sans quasy aucune foule au peuple ; aussy que l'artillerie a demeuré près de trois mois à estre rendue en celte ville.

Sire, comme je vous ay faict entendre par le passé, je n'eusse sceu faire plus d'offres et présentations que j'ay faict ny d'effect avec raison sy je n'eusse esté passionné de leur party, joint qu'en ceste ville il se parloit encores de la confrairie et d'ung bruict de ligues, où il falloit marcher avec pied de plomb pour prévenir que telles choses ne prinssent pied en voz subjectz ; d'où, Dieu mercy, il n'en est que bien peu de bruict. Et y ay uzé de telle fasson que j'espère que de cesle part il ne s'en parlera, sy l'oppression ne les y contrainct. Et à dire la vérité ilz en supportent bien fort; car il semble que les huguenotz ayent prins toute licence, dont j'en ay de jour à autre de trèz grandes plaintes desdictz catholiques. Mais je leur donne toujours bonne espérance et assurance que Vostre iMajesté n'a rien plus à cœur que leur conservation et repoz, et qu'elle les aura toujours en protection ; et ne serez jamais contant que ne la voyez hors des calamitez et oppressions qu'ilz souffrent. Et ay tousjours faict qu'ung chascung s'est contenu, fors ceulx de Figeac qui sont ung peu loing de moy ; mais il sera malaisé qu'aucungs qui sont auprès du roi de Navarre

N° LXXVII 31 Octobre 1519.

N' LXXVII trouvenl de bien faict, sinon de ceulx qui sont vouez à leurs desseings, et qu"il soil ainsi que tous ceulx qui se disent voz fidelles serviteurs n'y sont pas bien. Il s'est présenté à 3IM. de Ranibouillel el autres, qui sont là de la part de Vostre Magesté, ung depputé des Eglises du Guienne, nommé le cappilaine Melon, qui est ung des plus grandz assassinateurs de ce party-là, qui a prins le nom de maistre des requestes du roy de Navarre, qui a voulu entrer en contestation contre tous voz serviteurs, et particulièrement a chargé sur ce parlement, ceste ville et de moy, bien que toutesfois cestedicte ville soit paisible, qu'ung chascung y entre et sorte ; et pour le respect des plaincles des catholiques, l'on ne les a voulu entandre, ou pour le moings l'on a uzé d'excuses el négatives, ainsin que l'on ma faict entandre, car je n'y ay poinct eu autre advis. Yoz subjeclz catholiques et oppressez attendent ce que réussira de la negotiation dudict sieur de Rambouillet, el seroil nécessaire, Sire, que cela n'allast pas tant à la longue, s'il esloil possible. Car à la vérité, il y a de l'oppression, de l'injustice et cruaulté, qui a duré bien longuement, el qui pis est en continuant augmente. Et quant à ce que ledicl sieur de Rambouillet ma mandé pour le faicl de la querelle des sieurs de Turenne et de Duras, je vous supplie très humblement, Sire, croire que je ne m'y suis monstre aucunement partial, et les remerciemens que m'en ont faict plusieurs de ceste religion le tesmoignent. Je suis après à y mectre la main à bon essient, selon quelques propos quy m'en ont esté envoyez du costé de Nérac. Le plus expédiant seroil que M. de Monlmorancy se trouvasl à Thoulouze, et ung conmiandement à luy et à moy de nous y assambler pour y pourvoir. Car je ne pense pas que Vostre Jlageslé les puisse avoir tous deux près d'elle pour les accorder. Car il y a des personnes qui ne veullent aucunement que cet accord se face. Et pour vous dire ce (pii en est, il fauldioit que vous feussiez adverty de loul ce qui se passe, ce qui ne se peut faire par lettre. Et est intervenu que depuis quatre jours en ça quatre cens hommes de pied el cinquante chevaulx se sont efforcez de prendre le chasleau de Duras, eslans descendus partie dans le fossé où il se trouva un cerf en ruth el furieux, qui, sans dire gare, donna à travers eux et en a blessé Irois, d'où il sortit si grand rumeur que ceux du chasleau se mirent sur la muraille, tellement que ceux du dehors ont esté conlraintz de s'en aller, el y laisser des armes et ung cliappeau de couleur. Les chevaulx se sonl

rettirez vers Tonneins où estoit le roy de Navarre, et les gens de pied N° LXXVII vers Sainte-Foy et Bragerac; cela a mis en grande alarme la noblesse, joint la nouvelle qui est venue que quelques arquebuziers sont venus recognoistre mon chasteau de Biron. Ce que ceux des environs ont sceu six jours plustost cjue moy, et encores je desirerois qu'il ne l'eust pas esté, et vous diray, Sire, que nonobstant les negotialions que vous faictes faire avec eulx, ilz ne laissent de faire des entreprinses sur les principales villes de ceste province, comme j'en ay tous les jours advis de ceux que j'ay escript à Vostre Majesté ; et raesmes encores dernièrement par ce courrier, par MM. de Rambouillet et Gadagne.

Sire, je vous supplie très humblement prendre en bonne part, sy je vous dis qu'il fault haster d'avoir une resolution du roy de Navarre, sur les demandes que faict M. de Rambouillet, car il s'est faict despuis ung mois en ça des choses sy extraordinaires contre voslre justice et authorité, et sy barbares et cruelles que plusieurs en sont bien esmeuz, voyant que de ce qui s'est passé, partye a esté faict dans Leytoure; et des autres faictz la pluspart des autheurs sont ordinairement près dudict roy de Navarre, ou chefz en ses villes et chasteaulx. Je suis tousjours bandé à faire contenir ung chascun selon voz commandemens, ausquelz j'obeiray très humblement et fidellement de ma vye. Mais je désire infiniment et vous supplie très humblement d'y envoyer ung autre pour voir s'il se pourra mieux accommoder.

Je viens tout présentement d'estre adverty qu'il y a une enti'eprinse sur ceste ville, et que pour l'exécuter se sont assemblez à Gastetz, maison de Favas, où le cappitaine Mesnil, qui est en garnison à La Reolle, est allé avec vingt de ses arquebuziers.

Sire, je supplye le Créateur vous donner en très parfaicte santé, très heureuse et très longue vye.

Vostre très humble et 1res obéissant subjet et serviteur,

BIRON

A Bourdeaulx, ce dernier d'octobre 1579.

N° LXXVIII Au Roi.

5 Janvier 1580. '

Sire, ayant par plusieurs fois visité les courtines de cesle ville, jay trouvé les murs sy ruynez que sil n'y estoit pourveu, bientost il y auroit danger d'y voir très grandes hreclies en divers endroiclz. qu'a esté cause ([ue jay souvant commandé aux juralz y pourvoir. Lesquelz mont faict toucher au doigt cpi'il leui' estoit impossible pour avoir sy peu de deniers communs, qu'ilz ne peuvent suffire à supporter les charges ordinaires que leur croyssent sur les bras de jour à autre: ilz m'ont remonstré que lorsqu'ilz avoient le revenu de la grande et petite coustume, qu'est à présent levée par les officiers et fermiers ([ue Vostre ÎVIagesté y a ordonné,- ilz bastissoyent et reparoyent leurs murs qui sont de grande estendue, et quelques bolevars qui sont encore sur pied ; mais que leur defîailhant les moyens, ilz pensoyent estre excusables. Sur quoy ilz m'ont faict ouverture vous faire très humble requestc de leur remettre en main pour fayre les réparations nécessaires à leurs murs, ou le revenu de l'une des coustumos qu'ilz levoyent auparavant l'an xi.viu, ou faire cfTectuor le don qu'il pleut au feu i"oy Charles, vostre frère, leur fayre et accorder, qu'est tout le revenu de vostre contablerye en ceste ville pour la somme de soixante mille livres chazcun an, qu'ilz forniront en vostre espargnie, et ncantmoins emploieront le surplus, s'il y en a. à la réparation nécessaire des murs. M'ont semblablement remonstré que de tout temps et ancienneté, les mayre et juratz de ceste ville, quand il falhoit fayre (pielquc assemblée en l'ostel commun d'icelle, il nesloit de coustume que aucuns conseilhers de vostre court y assistassent pour y présider. Toutesfois, l'an lxvm, quelques ungs de ladicte court se voulant introduyre ou les siens en la maison de ladicte ville par authorité, trouvarent moien de faire ordonner (]ue es assemblées generalles et élections de juratz il y auroit deux conseilhers d'icelle pour y assister, ce que le corps de ville a pensé ne porter aucun profit à vostre service ny au repos public de ladicte ville, ny encore moins empescher les brigues qui se pourroyent faire; mais au contraire, s'est veu par ce moyen s'en estre faict, dont les affiiyres se sont mal portés les années dernières, et en ayant veu la cognoissance ilz m'ont requis vous supi)lier, comme je fais

très humblement, qu'il vous plaise, Sire, les continuer en leurs anciens N" LXXVIII privilleges et coustumes ; les descharger désormais de demander à ladicte court commissayres quand il fauldra faire lesdictes assemblées ou qu'ilz procéderont à l'eslection de nouveaulx juratz, sinon comme conseilhers, ainsin que à la maison de ville de Paris.

Vous asseurant, Sire, que ceulx qui sont du vray corps et conseil de vostre mayson de ville vous sont très humbles et très fideiles subjectz, comme il s'est veu despuis mon arrivée. Aussy, Sire, m'ont-ilz requis vous supplier que désormais les deniers communs de ladicte ville destinez pour l'enlretenement de l'ordre et police et gages des officiers d'icelle, ne puyssent cy-après estre saysis pour les deniers qu'il plaira à Vostre Magesté imposer sur les habitans d'icelle pour quelque cause que ce soit ; attandu que telle saysie ne peut revenir qu'au retardement de vostre service et de la police, et au dommage publicq de ladicte ville ; veu aussy qu'il y a plusieurs officiers des finances de Vostre Magesté qui ont très grandz gaiges et sont obligez à faire les diligences.

Sire, sur l'embouchement de ces rivières, les rois voz prédécesseurs ont fait bastir au milieu de la mer une tour qu'on nomme de Cordouan, où elles ont voullu qu'il y eust ung hermite qui fut tenu tenir ung fanal au sommet d'icelle toute la nuit pour l'adresse de la route des nefz qui viennent surgir en cest havre, ou qui s'en retournent d'icelluy. Et est advenu que par le peu de soing que l'on a eu de la reparer, bien qu'à cause de ce il se levé plusieurs grands droilz en vostre contablie sur les navires qui chargent vin en cest havre, est tellement ruynée que aulcun hermite n'y oze ny peut habiter, et portant n'y a poinct de fanal, d'où s'en sont ensuyvis infinis naufrages, au grand dommage du commerce, retardement et diminution de voz deniers. Ce qu'ilz ont pensé estre de leur debvoir en fayre très humble remonstrance à Vostre Magesté, aflîn que par icelle il y soit pourveu suyvant son bon playsir.

C'est en partye ce que les juratz et habitans de ladicte ville m'ont remonstré, et parce que j'ay pensé leurs susdictes requestes estre raisonnables, ensemble autres qu'ilz feront à Vostre Majesté pour le bien de vostre service et repos publicq de cesle ville et pais, par leur procureur et sindic qu'à ces fins ilz envoient vers Vostre Magesté, je l'ay bien voulue suplier, comme je fais très humblement, leur faire tant de bien et

de faveur que de leur accorder leurs susdicles requesles. Ce qu'accroistra d'aullant plus l'obligation et dévotion qu'ilz ont au service de Vostre Magesté.

Sire, je suplie très humblement le Créateur vous donner en très parfaicte joie et santé très heureuse, très contente et très longue vye.

Vostre très humble et très obéissant subjet et serviteur,

BIRON

De Bordeaulx, ce ve de janvier 1580.

0 >i <BflP <" e

N° LXXIX A la Reine-mère.

•T Janvier (1580).

Madame, vous aurez entandu par le sieur abbé de Gadagne en quel estât il a laissé les affaires. Le mal croist de jour à aultre en meurtres, bruslcmens, ravages, advis frequans des anlreprinses sur des villes et des principalles, et sur de voz serviteurs, les ungs pour les fère mourir et les aultres à les perdre. Les grandes plaintes que j'en ay ordinerement des subjets du Roy avec instance pour en avoir justice et les jeter hors de l'oppression en quoy ilz sont me fest envoier le sieur de La Motte-Gondy vers Vos Mageslés pour les en advertir, et que je ay contenu et faict patienter vos subjets sellon vos commandemants. Mes le mal croissant, je creins qu'il y en aura qui se dispansseront estant forcés de l'oppression en (juoy ilz se plaignent eslre.

Il plcrra à Vos Magestés de y pourvoir et me fère antandre vos commandemants et voilantes. A quoy je seray tousjours très humble et très fidelle serviteur cl subjet do ma vie, remettant sur ledit La Motte à vous fère entandre les particullarités et vous fère souvenir de moy suivant ce qu'il vous a pieu me asseurer, mes que Vostre Majesté fust aujjrès du Uoy, de quoy je vous supplie très humblement.

Madame, je supplie le Créateur quy vous doinl très bonne santé et très longue vie.

Vostre très humble et très obéissant subjet et serviteur,

BIRON

De Bordeus, ce v janvier.

Au Roi.

Sire, Yoiaat les desordres crestre de jour à aultre en murtres, bruslements, ravages en ceste province, mesmes depuis le parlement de Tabé de Guadagne, les advis frequans que l'on dresse des entreprinses pour se saisir de plusieurs villes et des principalles, et pour faire tuer voz serviteurs et perdre les aultres, les plainctes que je ay ordinerement de voz subjetz et instante requeste pour en avoir réson, et les hoster de l'oppression en quoy ilz sont, me fet envoler le sieur de La Motte-Gondy vers Vostre Magesté pour vous en advertir ; et que je ay contenu vos subjetz sellon vostre commandemant jusques astheure et faire patienter avec esperansse de mieulx. Mes le mal croissant et durant guieres plus, je creins qu'il y en ait qui se dispansseront de ne porter telle obéissance à Vostre Magesté qu'ilz doibvent et respect à voz ministres, estant forssés par l'oppression que l'on leur fet.

Sur quoy. Sire, il vous plaira y pourvoir, et me fère antandre voz vollontez et commandemants, à quoy je seray très obéissant et très tidelle et très humble subjet et serviteur, de ma vie, remettant audict de La Motte à vous fère antandre les particularitez suivant les mémoires que luy -ay baillé.

Sire, je supplie le Créateur quy vous doint très bonne santé et très longue vie.

Vostre très humble et très obéissant subjet et serviteur,