LE LANDGRAVE AU DUC DE BOUILLON

Sur le même sujet. — Nécessité d'une entière union entre les seigneurs de France et les membres de la religion réformée en Allemagne. — {i5J2.5 juin 1610.)

Monsieur mon cousin , en vous remerciant de la courtoisie dont il vous a pieu obliger moy et mon fils aisné Otto, je vous ay voulu, quant et quant, donner à cognoistre le grand regret que j'ay eu pour la mort du feu Roy. Mais voyant tout reslabli par la bonne disposition et conduite des bons et loyaulx serviteurs de la couronne ; lesquels, sans contredire, se sont rangés soubs l'obéissance de leur vray Roy et la Royne sa mère , je trouve beaucoup de soulagement, joinctque, selon toutes apparences, ceulx de la religion demeureront maintenus et défendus selon que dès longtemps leur a esté accordé. C'est à mon avis le fondement de vostre repos, puisque les forces d'un si grand royaulme, unies et jointes (moyennant que le bon Dieu le veuille), sont bastantes à faire teste à tout attacquant. Vous y ferez vostre debvoir pour la manutention de la dite concorde, et assisterez de vos bons advis et services au dit jeune Roy et à Madame sa mère sans mes remonstrances ; c'estpourquoyjenem'estendray davantage, mais prieray Dieu, etc.

Cassai ce 15/^5 dejjuing 1610.

Maurice, L. d. H.