Sottes, niaises
132 AMBASSADE DE [OCTOBRE i540j
et feroyt encore de présent s'il luy estoyt possible; mais qu'il y donneroyt telle provision que à Tadvenvr les desaings de S. M. ne sortiroyent à effecl. Dont il se démonstroyt tant fâché et, comme il dicl, imtomagato * qu'il n'estoyt possible de plus, demandant audict ambassadeur en quelz termes se retrouvoyt la paix de cez Seigneurs avecques le Turcq. A quoy feist responce que depuys qu'il luy atoyt présenté lettres de sa Seigneurie, n'en avoyt rien entendu. Sur quoy icelluy empereur luy dist froidement : « J'ay congneu et « congnoys la Seigneurie avoir trop creu aux parolles et persuasions « françoises, et nommément pour donner cez deux terres; attendu « mesmement que ce sont lieux de telle importance qui se debvroyenl « lenyr et deffendre avecques le propre sang. Car, moyennant icelles, « d'heure en heure le Turcq se pourra faire seigneur de toute la Candye « et plusieurs aultres pays, et venyr jusques en Itallye, sans aultre « contraste, en façon que ta Seigneurie en pourroyt porter grant (( dommaige et peyne, ensemble les autres seigneurs de la chrestienté. »
« Escript aussi icelluy ambassadeur que dedans peu de jours l'empereur mettra tel ordre en Allemaigne qu'elle luy portera obéyssance, non seulement en sa présence, ains en son absence. Et davantaige escript aussi icelluy ambassadeur que icelluy empereur debvoyt mander le seigneur de Granvelle * et la diette de Wormes; et depuys avoyt dict en vouUoir faire faire une aultre en Ratisbonne, où se retrouveroyt pour donner commencement à moult de choses. Et entre aultres choses là verroyt-il si le sçavoir du duc de Clèves seroyt pour l'empescher, disant ledict seigneur empereur que icelluy duc de Clèves le povoyt bien prolonger, mais fuyr non : menassant que la monstre n'en seroyt moingdre que celle de Gand, sçavoir est la pugnicion et ensemble tous ses secquaces. Dict aussi qu'il a laissé le gouvernement de Flandres, comme d'avant, à la royne Marie •; disant aussi en aprez icelluy empereur que si les affaires de la Hongrye ne le détenoyent par grant nécessité, il prendroyt son adresse pour venyr en ceste Itallie pour la feste des Roys, où il demeurera pour donner fin à plusieurs choses qui sont nécessaires. Et sur ce propoz icelluy ambassadeur escript que le roy, ayant entendu ce que dessus, dist : « Si l'em- « pereur ira en Itallye, et moy à Lyon pour Thurin. »
« Monseigneur, j'ay puis naguères receu lettres de M. l'évesque de
