Bologne

2. Le Pérou venait d'être exploré et conquis par Almagro et Pizarre, de 1526 à 1533, et sa richesse était aussitôt devenue proverbiale.

[novembre i540j GUILLAUME PELLICIER 437

voyaige. Toutes lesquelles choses donnent grandement k penser à cez Seigneurs et les rendent grandement es tonnez et retenuz... »

Pellicier conclut avec les nouvelles de Hongrie et du Milanais dont il a été question dans sa lettre au connétable, en date du 26.

Vol. 2, r» 71 V**, copie du xvi" siècle; 1 p. 1/4 in-r>.

PELLICIER AU ROI.

76. — [Venise], 7 novembre i 540. — <» Sire, depuys les derniôresque ay escriptes à Y. M. du xxvi* du passé, ay receu celles qu'il vous a pieu m'escripre du xv* dudicl, et par icelles entendre la grâce que Dieu par sa pitié nousa faicte de la convallescence et presque assurance de guérison de monseigneur le daulphin, chose que n'ay failly inconlinant faire entendre k cez Seigneurs et aultres voz bons serviteurs et affectionnez de deçà, qui en ont eu merveilleusement grant plaisyr et consolacion, estimant bien quel béneffice est, non seullement pour le royaulme de France, mais pour toute la chrestienté, sa longue vye et prospérité; remercyant très humblement V. M. de ce qu'il luy a pieu m'en advertyr de bonne heure, car peu de jours aprez en sont tenues très maulvaises nouvelles icy, qui eussent peu mettre beaulcoup de gens en grant trouble et fàcherye, pour ne sçavoir la vérité, et mesmement moy davantaige, pour ne sçavoir que respondre, si par vostre bonté n'eusse eu pour leur satisfaire et les rendre consolez.

« Sire, quant aux occurrances et nouvelles de deçà, je vous diray comme cez Seigneurs ont receu lettres de leur ambassadeur prez de V. M., les advertissant d'aulcuns propoz que icelle luy avoyt tenuz, et de la requeste et supplicacion qu'il vous avoyt faicte à ce qu'il pleust à V. M. voulloir bien escripre au seigneur Rincon en faveur de cez Seigneurs, affin qu'il sollicitast plus vivement que jamais en vostre nom leur paix et accord envers le Grant Seigneur. A quoy V. M. avoyt faict si très bonne et amyable responce, que cez Seigneurs en ont esté merveilleusement aises et contens; mais encores plus pour avoir entendu comme passent voz affaires avecques l'empereur, et aussi pour avoir faict entendre audicl ambassadeur, comme il escript, vostre meilleur advys et jugement touchant les affaires de l'empereur avecques les Altemans qu'il prétend et faict courir le bruyct qu'il est pour toutatlement faire selon son desaing à ceste prochaine dyette; et semblablement pour avoir entendu de Y. M. l'exploict et issue qui est pour avoir le roy des Romains en son entreprise de Hongrye. Desquelles choses cez Seigneurs ont esté plus confirmez et asseurez bien tost aprez avoir receu lettres de leur ambassadeur prez de l'empereur, du xvn® du passé, disant touchant les affaires dudict Seigneur avecques les Allemans qu'il se promettoyt assez et vouiloyt bien faire

à croire qu'il accorderoyt et feroyt tout ce qu'il vouldroyt es Allemaignes; mais que, à ce qu'il povoyt cognoistre, il s'en fauldroyl beaulcoup : chose qui a esté escripte encores d'aultre part à cez Seigneurs. El pareillement, quand est de l'entreprinse du roy des Rommains, ont entendu par le magnifficque Marin Justinian, — qui puis naguères estant de retour de son ambassade devers ledict roy, faisant le rapport de sa charge * — , que en somme il n'estimoyt ne veoyt le moyen qu'il fust pour rien advancer audict affaire, pour ce qu'il n'a point d'obédiance, argent ne cappitaines, ou aultres facultez pour venyr à chef de ladicte enlreprinse. Parquoy ne veoyt qu'il fust en cecy, sinon pour esmouvoir les honneurs du corps de Hongrye, sans rien vuyder ne proffiter d'icelluy à soy ne audict royaulme, sauf de inciter le Turcq aprez que luy et ledict royaulme se seroyent assez cassez et ruinez à venyr subjuguer entièrement ledict pays et y mettre bassatz pour le gouverner : chose qui tourneroyt à grant perte et meschef de toute la chrestienté, et mesmement à ceste Seigneurye, pour la grant vicinité d'icelluy pays avecques les leurs. Et ad ce que povoyt cognoistre icelluy ambassadeur, ladicte Seigneurie ne se pourroyt pas beaulcoup collauder ne valloyr dudict roy, advenant que lecfict royaulme lui demeurasl, pour l'afiFection qu'il veoyt avoir à icelle, et mesmement s'il venoyt k ses desaings d'avoir le duché de Milan, ce qu'il souhaitoyt et pourchassoyt tant qu'il n'est possible de plus.

« Sire, sur le propoz de ladicte entreprinse, les Impériaulx, congnoissans que on entendoyt bien icy que ledict roy n'estoyt pour faire grant chose, ont semé ung bruict que nonobstant que les Hongres désirassent et voulsissent plus tost avoir pour seigneur icelluy roy que nul aultre qui y prétende droict, ce néantmoings qu'ilz n'estoyeni pour l'accepter, pour aultant qu'il n'estoyt assez puissant pour résister aux forces du Grant Seigneur; mais qu'ils cherchoyent de se donner à l'empereur, pour par luy estre maintenuz et gardez comme celluy qui est assez puissant pour ce faire. Toutesfoys l'on met icy telle nouvelles au nombre des aultres à l'acoustumée par eux controuvées.

« Sire, j'ay esté adverty par ung bien bon et loyal serviteur de V. M. comme ces prochains jours passez, aprez que cez Seigneurs eurent tenu leur grant conseil, au sortir de là, quelque nombre d'entre eulx se réduyrent ensemble en ung lieu fort secret, d'où ilz feirent retirer tous les secrétaires et aultres qui n'esloyent de leur conseil estroict, où furent jusques k troys heures de nuict. Je n'ay peu sçavoir au vray quelz affaires ilz traictèrent là; mais si est-il que au départyr ilz faisoyent démonstracion d'estre fort joyeulx et allègres. Seullement ay-je

1. Cette relation manque. On ne possède de cet ambassadeur que celle qu'il présenta en 4535, à son retour de France (V. Tommaseo, t. I, p. 41, et Aiberi, série 1, t. 1, p. iiS). Marino Giustiniani eut pour successeur Francesco Sanuto.

[novembre 1540] GUILLAUME PELLICIER i 39

entendu par ung homme digne de foy qu'il avoyt oy quant ung des plus grans d'entre eulx disl à ung des procureurs' de Saint-Marcq le plus secrettement qu'il peult, « que les araires de ceste républicque ne povoyent mieulx aller qu'ils faisoyenl, car ils estoyent advertiz que le Grant Seigneur leur remettoyt les troys cens mil escuz qu'ils ont accordé lui bailler, et se contenteroyt des deux places de Romanye et Malvaisye, pourvu qu'ils se desliassent de la ligue qu'ilz ont avecques l'empereur et ne lui baillassent aulcune ayde ne secours, ou bien que ledict Grant Seigneur se contenteroyt des trois cens mil escuz sans lesdictes deux places, s'ilz voulloyent faire ligue avecques V. M. et vous donner ayde et secours contre tous, chose que ledict gentilhomme monstroyt croire que ladicte Seigneurie accepteroyt voullentiers. Je ne sçay, Sire, dont pourroyent estre venus telz advertissemens; car il y a longtemps qu'il n'est venu icy nouvelles quelconques de Constantinople, de Raguse ne aultre lieu du cousté du Levant. Et ne puys pencer que ce soyt d'aultre part que par la voye de Rome, pour aultant que, comme vous ay escript, l'on entendoyt à Rome que le pape avoyt esté adverty de Constantinople que les affaires d'entre cez Seigneurs et le Grant Seigneur s'alloyent prolonguant et engarbouillant*. Et depuys peu, auparavant ledict conseil, est venue icy aultre nouvelle de Rome par laquelle j'ay esté adverty particulièrement de M. de Loddes, qui m'escript de là, qu'il avoyt entendu d'ung ambassadeur qui y est comme les choses de ceste Seigneurie estoyent conclues, de sorte qu'ilz ne bailleroyeut point au Grant Seigneur Napoli de Romanye et Malvaisye. Je m'efforceray d'entendre mieulx, s'il est possible, de ce qui en est, pour puys après le faire sçavoir à V. M., combien que je m'atlendz bien qu'il ne peult plus guères tarder que l'on n'en ayt les plus bonnes nouvelles de Constantinople, car pour le long sesjour desjà chascun demeure icy estonné qu'ilz ayent tantarresté... »

Vol. 2, f> 72, copie du xvi« siècle: 2 pp. 1/2 in ^.

PELLICIER AU CONNETABLE.

76. — [Fenwe], 7 novembre 4540, — « Monseigneur, encores que lorsque receuz les vostres du xvi« du passé, qui fut le dernier d'icelluy, û y eust icy aulcun bruyct de la maladye de monseigneur le daulphin,

1. Les procurateurs de Saint-Marc, dignité considérable, la première dans l'Étal après celle de doge. Les procuratori di soprà avaient l'administration de l'église de Saiot-Marc et de la place de ce nom ; les procuratori di ultra e citrà géraient les tutelles ordonnées par les testateurs en deçà et au delà du Grand Canal (Baschet, Archit)e9 de Venise^ p. 670). La vénalité des charges modifia souvent le nombre des titulaires de celle-ci, qui régulièrement était de neuf (V. Amelot de la Houssaye, Hittoire du gouvernement de Venise).