Kairouan

[décembre 1540] GUILLAUME PELLICIER 189

joindre avecques les ennemys qui vindrent rechaircher ledict roy et le myrent en fuyte, ayant esté blessé en deux endroictz; et les Espaignolz se resserrèrent ensemble en ung bataillon, et, recullant petit à petit, se saulvèrent avec peu de perte des leurs. Toutesfoiz, Ton a icy d'aultre cousté que ledict Doria n'en avoit laissé en ce pays là au plus que deux mille, pour la garde des places y conquises nouvellement, et mil cinq cens qu'il a admenez à la volte de Gennes pouj? la Lombardye, ainsi que Ton estime, et le reste de ladicte armée estoyent Itallyens ou Sicilliens. i

« Monseigneur, je suys attendant à grant dévotion nouvelles de ce qu'il vous a pieu de m'escripre que, à la première occasion qui se trouveroit au conseil, Vostre Excellence feroit pourveoir aux serviteurs du roy qui sont icy, desquelz vous ay escript si souvent que j'ay belle paour d'estre estimé fàcheulx et importun. Ce néantmoings ne sçaichant plus de quoy les entretenyr, pour leur avoyr fourny tant que ay eu ung seul denier, et ne se voullans contenter de paroUe comme ilz ont faict en partye jusques icy, avecques ce peu que leur ay baillé, qui est beaulcoup pour moy, suys contrainct vous requéryr de rechef y faire mettre ordre; car je vous asseure. Monseigneur, que aultrement je ne veoy pas que je sceusse faire icy le service requiz au roy ne y estre à son honneur. Et entre aultres il y en a ung duquel vous ay escript, nommé le seigneur Francesco Beltrame, qui ne cesse ordinairement de faire telz meilleurs offices qu'il est possible pour S. M., me donnant tous les advertissementz qu'il peult apprendre, comme a faict présentement ceulx que j'escriptz au roy des menées secrettes du pape et de l'empereur touchant Parme et Plaisence, en contreschange de Florence et la Tuscane; et aussi de la responce de l'empereur sur le faict de l'inféodation de Mantoue. Et pour ce faire ledict seigneur Beltrame ne fault d'employer, oultre sa peyne et le temps de luy et de ses amys, beaulcoup du sien, affîn de entretenyr ceulx de qui il les peult tirer; car il a bien la puissance de ce faire, n'ayant besoing de cent ne deux cens escuz, et la récompense qu'il en chairche avoir de S. M. tend plus à l'honneur que au proffîct. Et luy sufûroyt qu'il peult faire apparoir à ses amys et ennemys que on l'a en mémoire et estime l'on ses services, vous asseurant, Monseigneur, que s'il plaisoit au roy et k vous l'on auroit le moyen d'entendre des nouvelles de toutes pars, voire des plus grandes importances, et à Tadventure plustost et mieulx que de ceulx qui seroyent sur les lieux mesmes; mais l'on ne peult avoir telles intelligences sans fournyr la main, ce que de moy-mesmes ne puys faire. Je en advertys Vostre Excellence, affin de y donner tel ordre que bon luy semblera... »

Vol. 2, f* 99 v«, copie du xvi« siècle; 2 pp. 1/2 in-^.