PELLICIER AU CARDINAL DU BELLAY

139. — [Venise], 2 février i 54i , — « Monseigneur, il y a quelques moys que vous avoys escript par un chevallier Odoardo, lequel avez peu veoir à Rome, où il fut blécé par aulcuns facteurs entremetteurs du roy de Portugal *, pour quelques sollicitations et menées qu'il faisoit là contre leur gré; mais depuys naguères j'ay entendu que n'aviez receu mes lettres; dont m'a semblé ne debvoir plus demeurer à vous escripre, ce que n'eusse délayé si longuement, n'eust esté que je pençoys bien que mesdictes lettres vous eussent esté données, et aussy que avoys esté adverty que Vostre Révérendissime Seigneurie n'estoit à la court pour quelque temps. Toutefoiz à présent qu'ay entendu que y estes de retour, quant ne vous auroys jamais eu aultre obligacion que celle dont mes gens qui sont à la court m'ont adverty, mesmement du bon office qu'il vous a pieu faire pour moy, ayant mes affaires en telle recommandation et protection que d'avoir voullu prendre ceste peine de rapporter ma requeste au conseil privé, pour avoir le payement de demye année de ma pension ordinaire et de tant d'aultres amyables offres que de vostre grâce leur avez tousjours faictes pour mes affaires, si ay-je à présent bonne matière de vous escripre pour vous en remercier très humblement, et vous supplyer qu'il vous plaise de continuer, comme pour l'ung de voz bien humbles serviteurs, du nombre desquelz je me tiens et réputeray toute ma vye, ainsi que par effect congnoistrez, si en aulcune chose de ce monde je puys rien pour vous. Et pour ce que je me suys tousjours confyé et asseuré que voyez et entendez toutes nouvelles, tant de ce cous té que d'ailleurs, que on escript ordinairement au roy, m'a semblé que ce ne vous eust esté que reditte de vous en faire aulcune répéticion ; et encores pour ceste heure ne m'estenderay ài vous en mander, pour aultant que, oultre ce que en pourrez veoir par les lettres de S. M., en pourrez aussi estre adverty bien amplement par le seigneur Rincon, à la suffisance duquel m'en remectz pour le présent. Tant seuUement vous diray

i. Jean du BeUay, second fils de Louis du Bellay, seigneur de Langey, et de Marguerite de La Tour-Landry; frère puîné du gouverneur de Piémont, Guillaume du Bellay. Né en 1492, il mourut à Rome le 16 février 1560. Successivement évêque de Bayonne (1526-1532), de Paris (1532-1551), de Limoges (1541-1544), de Bordeaux (1544-1553), d'Albano (1550-1553), de Tusculum (1553), de Porto (1553-1555) et d'Ostie (1555-1560), cardinal le 21 mai 1535, lieutenant général en Champagne et en Picardie (1536), il fut chargé de plusieurs missions diplomatiques en Angleterre (1527 et 1533), et prit part encore, en 1533, à Marseille, aux négociations avec Clément VU pour le mariage de Henri II, alors dauphin de France, avec Catherine de Médicis, nièce du pape. Envoyé plus tard comme ambassadeur auprès de Paul III, il abandonna les affaires après la mort de François 1% et se retira à Rome (1547).

2. Jean III, roi de Portugal, né le 6 juin 1502, succéda à son père Emmanuel U Grand en 1521, et mourut le 2 août 1557. l\ avait épousé, en 1525, Catherine d'Autriche, sœur putnée de Charles-Quint.

Vbnibb. — 1540-1542. iS

S2Ô AMBASSADE DB [rtYRin i54{J

que les affaires de S. M. sont en aussi bonne disposition envers ceste république qu'ilz furent longtemps y a, et croy bien qu'ilz ne sont en aultre qualité du costé de Levant; de sorte que je veoy à présent le ckrisis et temps décrétoire des affaires, non seullement de S. M., mais de tout TEstat de la chrestienté, lesquelz je prye à Dieu qu'il vueille adresser ainsi qu'il sçait faire mieulx pour la prospérité d'icelle. S'il vous plaist par cy aprez que je vous donne avertissement des occurrences de deçà, en me le commandant, je mettray peine de vous y obéyr... »

Vol. 2, f» 122, copie du xvi« siècle; 1 p. in-f».