Benedetto Accolti

232 AMBASSADE DE [fÈVfOEK i54i]

cens escuz, et domp Diego, son ambassadeur en ceste yille, la somme de cinq cens escuz.

« Monseigneur, Ton est adverty de la maisoo de l'ambassadeur de l'empereur que le roy d'Angleterre a mandé en ceste Itallye douze gentilzhommes pour, soubz tiltre et colleur d'apprendre et veoir, estre adverty de toutes les choses qui se font et s'entendent en cestedicte Itallye. Desquelz gentilzhommes en a mandez troys en ceste ville, deux ài Rome, à Millan aultant, à Boulloigne, Florence, et pareillement aux aultres bonnes villes; desquelz ceulx qui sont icy l'agent dudict roy d'Angleterre*, pour estre grant impérial, les attire à sa fantaisie, et les a faict si domesticques de l'ambassadeur de l'empereur qui est ici, que journellement sont avecques luy, qui leur baille telles nouvelles qu'il veult et luy sont plus advantageuses, estant certain que iceulx ne fauldront ài les escripre à leur maistre.

<€ Monseigneur, cez Seigneurs ont eu lettres de leur secrétaire Fidel près le marquiz du Guast, du xii* de ce moys, par lesquelles les advertyst ledict marquiz luy avoir tenuz telz propoz qui s'ensuyt : <c Monsieur le secrétaire, je entendz que plusieurs vont disant et discourant que l'empereur vient en Itallye pour voulloir suppéditer tous les princes d'icelle et s'en impatronniser; maisaffin que vous congnoissiez le tout estre au contraire, je vous monstreray une lettre dudict empereur. » Ce qu'il feist, par laquelle il lui escripvoit qu'il venoyt en Itallye, non pour supéditer les princes ne pour s'en impatronniser d'icelle, mais qu'il y venoit en la mode qu'il avoit tousjours faict, c'est pour la pacifûer, et non pour y mettre guerre. Dont cez Seigneur^ ont escript à leurdict secrétaire qu'il doibve bien garder ladicte lettre affln que si jamais il entrevenoit au contraire, qu'ilz la peussent tousjours monstrer audict empereur, escripvant aussi que certainement ledict empereur seroit sur le commencement d'apvril en Itallye. Et par lettres de Rome s'entend que le pape, ayant entendu la si proche venue dudict empereur en Itallye, avoit changé d'oppinion de venir à BouUongne à la my-caresme, et qu'il avoit déterminé s'en partyr la seconde sepmaine, pour venir à la volte de Camerin, pour attendre à •certaines choses, et delà s'en venyr audict BouUongne, pour parlementer avecques l'empereur*. »

Vol. 2, r» 125, copie du xvi* siècle; 1 p. 1/2 in-r*.

i. Harwell.

2. • Nota, que le xvi* febvrier ut escript à M. de Rodez; dont n'en fut faicl mynute. » t

[février 1541] GUILLAUME PELLICIER 233

PELLICffiR AU ROI».

145. — [Venise]^ 20 février iô4i . — « Sire, ayant entendu que M. Tarcevesque de Raguse me avoit dépesché expressément un brigantin avecques lettres de messire Vincenzo Mazio, touchant le saufconduict de M. Tévesque de Transilvania, et aultres nouvelles de ce cousté là, ay retenu mon pacquet du xv« de ce moys de jour en jour jusques à ce jourd'huy que est arrivé ledict brigantin; ce que n'a esté cependant sans estre en quelque peine, pour estre advertys que, à cause de la grant tormente qu*il a faict cez jours passez, s'estoit péry ung brigantin venant de Raguse, doubtant que ce ne fust celluy dépesché par ledict seigneur arcevesque. Toutesfoys, par la grâce de Dieu, est arrivé à bon port, l'ayant eschappé aussi belle qu'il feist jamais, car de l'aultre brigantin péry ne se peult saulver une personne. Par lesquelles lettres dudict messire Vincenzo, de Andrinopoli du xmr^ du passé, me faict sçavoir seullement comme ledict jour estoit arrivé là et qu'il avoit faict la révérence au bassa, le supplyant pour ledict saulfconduict dudict seigneur évesque de Transilvania; qui lui avoit faict responce que ledict jour le demanderoit au Grant Seigneur qui à son ad vis n'en feroit aulcune difficulté. Lequel soubdain aprez l'avoir obtenu manderoit audict seigneur arcevesque de Raguse, pour l'envoyer icy en toute dilligence audict évesque de Transilvania qui l'attend à grant dévotion, pour s'en aller en Hongrye où, ainsi que m'escript ledict messire Vincenzo, le Grant Seigneur a mandé fort grant compa- ^ye turquesque. Et que le Bogdan, — c'est le vayvoda de Moldavia — , esloit mort*, au lieu duquel le Grant Seigneur avoit remys Petro Bogdan, qu'il en avoit déchassé'; et comme m'a dict ceste Seigneurie, c'est moyennant qu'il en payeroit tribut de douze mil escuz par an; et avoit ordonné ledict Grant Seigneur estre acompaigné de cinq cens cbevaulx qui debvoyent demeurer là à la garde du pays avecques luy, lequel debvoit mander son filz à la Porte en hostaige. 11 baisa la main au Grant Seigneur le xim*» du passé et s'en debvoit parlyr le xvi*. M'escripvant aussi avoir entendu que le roy de Portugal avoit prins la Balserade\ qui est, ainsi que cez Seigneurs m'ont dict, une isle au

1. « Geste dépesché fut mandée avecques la précédente, qui est du xv* de ce moys, par ung des gens du seigneur Sipion Constance, jusques à Thurin en dilligence. Et fut escript cedict xx* febvrier au seigneur Cézar Fregoso et à M. de Villandry; dont n'en fut faict mynute. »

2. Alexandre III Cornea. Simple portier de la ville de Suceava en Moldavie, il Avait pris part à la conspiration qui coûta le trône et la vie à Etienne VI, à la fin de 1540, et lui avait succédé. Mais Pierre Raresch, rentré en grâce auprès des Turcs, ne tarda pas à le vaincre et lui fit trancher la tête dans les premiers jours de /évrier 1541.