Philippe le Magnanime^ landgrave de Hesse
4. Allusion à la répression cruelle exercée par Charles-Quint sur les Gantois révoltés, en avril 1540.
[maKS 154ij GUILLAUMB PELLICIBR 239
de faire faire tous effectz de se asseurer avecques le pape en toutes les façons qu'il pourra, et pareillement des seigneurs et barons qui sont au royauime de Naples qui ont de luy suspeçon, comme du seigneur Ascanio Coulonne et aultres in6niz, et les sollicitera avant que le Grant Seigneur luy donne facherye ou empeschement par mer ou par terre. Et quant à cez Seigneurs, fera que Ferdinando y pourvoyera, pour aultant qu'il a des lieux en Friol, et que par la voye du conté de Thirol les tiendra en suspeçon de garre, et cependant attenderont k leurs affaires. Par aultres lettres que ledict ambassadeur a depuys escriptes h cez Seigneurs, leur faict entendre que ledict empereur a mandé à domp Bernardin de Mendoce, admirail d'Espaigne, qu'il ayt avecques toutes ses gallères à se trouver pour le plus long à la fin d'apvril à Gennes, là où Tempereur faict son compte estre arrivé, s'embarcquer incontinant pour passer en Espaigne. Ce néantmoings, Sire, il y a ici tant de variables oppinions de sondict passaige que Ton ne sçait bonnement à quoy s'en tenyr; car les ungs disent qu'il sera de brief en Ittalye, et les aultres du contraire. Et entre aultres l'ambassadeur du duc d'Urbin, qui a réputacion d'avoir grant discours et de sçavoir teiz affaires, a dict en quelque bon lieu que pour beaulcoup de raisons ledict empereur ne viendroit point en Itallye, ou à tout le moings n'y seroit devant septembre.
« Sire, j'ay dernièrement escript à V. M. ce que avoys entendu par messire Vincenzo Maggio touchant les préparations que faisoit le Grant Seigneur, tant par mer que par terre, et aussi comme cez Seigneurs avoyent eu adviz par leur ambassadeur prez dudict Grant Seigneur n'estre si grandes, mesmement par mer comme escripvoit ledict messire Vincenzo; mais depuys ont esté advertiz que ledict Grant Seigneur faict trop plus grant aprest d'armée de mer que leurdict ambassadeur ne leur avoit escript. Et que en Negroponte et es environs se faict très grant appareil de biscuitz, et encores assez bonne quantité à la Vallonné \ quelque grant nécessité qu'il y ait de grains, ayans aussi entendu par lettres de Gennes, que trente-quatre fustes ou brigantins parmy quelques gallères avoyent esté veues tenant la voye d'Algier, mais que l'on ne sçavoit encores où ils s'adressoyent, ne quelle emprinse voulloyent faire.
M Sire, cez Seigneurs ont aussi eu lettres de leur ambassadeur prez du roy Ferdinando, par lesquelles ont entendu comme quinze mil chevaulx turcqs avoyent prins d'assault une ville appelée Vaccia*, cité épiscopalle prez de Bude, quatre mil de ce pays là, de laquelle l'évesché avoit esté donnée dernièrement au filz de Périmpéter, révolté à la
i. A\\one,VAulon des Grecs, antique ville de l'Albanie, à 14'4 kilom. d'Otrante, arec un excellent port sur TAdriatique.
2. Waitzen (en hongrois Vacz), ville de Hongrie, sur la rive gauche du Danube, à 37 kilom. de Bude.
240 AMBASSADE DE [mars 154-0
partye du roy Ferdinando *; et avoyent prins pour emmener esclaves toutes les personnes utilles à servyp, et mys en pièces tous ceulx qui estoyent dedans dudict roy. Et le semblable avoyent faict des habitans d'icelle pour leur eage ou indisposition inutilles; dont les Impériaulx, cuydans remédier à telle nouvelle et voullans donner à entendre tousjours que leurs affaires ne vont que bien, ont mys avant qu'ils estoyent uniz luy et le roy de Poullongne, et que la rçyne de Poullongne avoit mandé à la douhairière royne de Hongrye sa fille qu'il failloit qu'elle s'accordast avecques ledict roy Ferdinando, sur tant qu'elle craignoit son indignation jusques à la menasser de sa mallédicion.
« Sire, depuys mes dernières lettres est venu vers moy l'homme du seigneur conte de Sanseconde, auquel n'ay failly le plus persuasiblement et efficacement que me suys peu adviser à luy faire entendre vostre voulloir et intencion, et les raisons pourquoy V. M. bonnement ne povoit pour le présent accepter son offre, l'en remercyant toutesfoiz de vostre part fort affectueusement. Lequel a faict démonstracion d'en estre grandement contant, me disant là dessus que son maistre, nonobstant, n'estoit deslibéré de plus estre au service de l'empereur, et que aupremier jour ne fauldra h prendre congé de luy; et alors, toutesfoys et quantes qu'il vous plaira l'employer, il sera tousjours prest à vous faire service, en ayant très grande voullenté, et, comme m'a dict, aussi bon moyen que nul aultre qui suyve vostre party en Itallye. Car, oultre ce qu'il le peult faire de luy-mesmes pour ses estatz, encores a il beaulcoup de parens et amys qui n'ont pas peu de povoir : et mesmement les Malespine, marquiz de Lunesane', entre Sagasane' et Lucques, pour estre ses bien proches parens et affectionnez, et pareillement le conte Marsiiius Russe ^, qui tient en ses terres mil hommes de guerre bien exercitez aux armes, desquelz y en a cinq cens arque* busiers bien adroictz. J'ay tiré de luy que le malcontentement qu'il a de l'empereur, c'est pour aultant que de toutes les promesses qu'il luy a faictes, ne luy en a jamais tenu pas une; et si davantaige luy détient une bien bonne grosse somme d'argent qu'il a déboursée et avancée du sien propre, pour son service et commandement, sans qu'il en ait peu jamais recouvrer ung seul denyer ne moings des pensions à luy assignées par ledict empereur : dont ne se failloit esmerveiller s'il le quittoit et ne voulloit plus estre à son service.
1. Nicolas Pérény, évéque désigné de Vacz en 1540. Le siège demeura vacant jusqu'en 1549.
2. Lorenzo Cibo, comte de Ferentilla, etc., marié en 1520 à Ricarda Malaspina, veuve de Scipionc Fieschi, fille et héritière d'Alberico Malaspioa, marquis de Massa et Garrara. Il mourut en 1546, à l'Age de cinquante-huit ans.
La Lunegiana comprenait une partie du marquisat de Massa.
3. Sarzana, ville de Toscane, située à 13 kilom. de la Spezzia, près de la rivière de la Magra. C'était la capitale de la Lunegiana.
4. Le comte Marsilio Rosso. — Les State papers {Venetiariy 1534-1554, p. 173) mentionnent, à la date de 1546, « le « signor Marsilio », cavatarizto de l'empereur ».
[mars 1541] GCILLAUMB PBLLICIBR 241
« Sire, il m'a esté envoyé une lettre d'Âllemaigne par celluy vostre serviteur qui aacoustumé de donner advertissemens de ce cousté-lii; laquelle m'a semblé, pour plus grant foy, vous la debvoir envoyer en «on vray original. Hier, M. Tévesque de Transilvania se partyt de ceste ville pour s'en aller à Raguse et de là continuer son chemyn en Hongrye, aprez avoir receu son saufconduict duquel ay escript à V. M., me pryant vous supplyer le tenyr tousjours au nombre de Tung de voz très humbles et très affectionnez serviteurs, et avoir en vostre bonne protection le pouvre royaulme de Hongrye, comme de vostre bénigne ^àce et pyété avez tousjours eu par cy devant, ce qu'il ne fauldra faire très bien entendre à tous les seigneurs de ce pays-là, et combien y. M. a eu en recommandation les affaires dudict pays.
« Sire, le secrétaire Fidel a escript à cez Seigneurs comme le marquiz du Guast avoit deslibéré aller avecques sa femme faire caresme prenant à Gennes avecques André Doria, et que plusieurs jugeoyent que c'estoit pour traicter et adviser quelque bon accord entre vous et l'empereur. Et s'entendoit que ce pourroit estre en vous offrant le marquisat de Montferrat, et par ce V. M. cedderoit la duché de Savoye audict empereur, en donnant la duchesse de Millau en mariaige au fils du duc de Lorraine avecques la duché, du consentement de V. M.; et que l'empereur seroit content de ce faire. Sur quoy le pape se voulloit entremettre, prétendant que l'empereur donnast ladicte duché de Miilan en dotte à sa fille, femme du seigneur Octavio; et ce faisant Sa Saincteté promettoit audict empereur, en récompense, tant d'or et d'argent qu'il iuy sçauroit jamais demander. Et d'aultre cousté le roy Ferdinando ne se oblye point, disant estre plus tenu faire bien aux siens que à nulz aultreB, pryoit ledict empereur donner ledict estât de Millau à son grant filz ^ avecques sa fille : à quoy ledict empereur a respondu que c'estoit le meilleur de le tenyr pour Iuy tant qu'il vivroyt, congnoissant ledict estât Iuy estre tant utille que de en tirer tant d'argent qu'il faict. Et sur ces propoz. Sire, ung des plus grans de ceste Seigneurie, et fort affectionné à V. M., m'a faict dire touchant telz iraictez et offres qu'il vous plaise bien adviser de n'en recepvoir plus de semblables, estans de nulz succez et efficaces; car vous ne pourriez croire combien cela scandalise et rend incertains et suspeçonneulx tous voz affectionnez amis et serviteurs de deçà. »
Vol. 2, ^ 130, copie du xvi® siècle; 3 pp. 1/2 in-^.
PELLICISR AU llélfE.
152. — [Venise], 7 mars /54/. — « Sire, tout à ceste heure, sur le poinct que le messaiger estoit prest à partyr, est venu vers moy ung
