Lodi

[mars 1541] GUILLAUME PBLLICIER 243

VOUS en faire aultre répétîcion, mais bien vous diray que pour pencer remédier à telle nouvelle, Tambassadeur dudict empereur qui est icy, incontinent en avoir esté adverty, n'a failly d'aller vers ceste Seigneurie pour luy cuyder faire croire que les ducs de Saxonne, de Virtemberg, de Clèves, et le landgrave ne faisoyent difficulté de se trouver h la diette de Ratisbonne, sinon pour quelque doubte qu'ilz avoyent de Tempereur; mais qu'il y avoit pourveu si très bien, leur donnant telle asseurance qu'ilz ne faisoyent plus difficulté ne doubte de s'y trouver; et que quant aux affaires de Hongrye, il y avoit si bonne intelligence entre les roys Ferdinando et de Poulongne que la royne de Poulongne * avoit mandé à la douairière royne de Hongrye sa fille qu'il failioit qu'elle s'accordast avecques ledict Ferdinando et penceast de délaisser l'entreprinse de retenir ledict royaulme de Hongrye par beaulcoup de raisons pour lesquelles elle seroit par trop désobéyssante et desraisonnable de y contrevenyr. Je pence que pourrez avoir entendu d'ailleurs les raisons pour quoy ladicte royne de Poulongne avoit esté esmeue de chaircher appoinctement avecques Ferdinando desdictes affaires, qui est pour s'estre le vice-roy de Naples, soubz coulleur de visiter les places de la Pouille, asseuré et empatrony de la forteresse de Bar*, duché appertenant à ladicte royne; par quoy estimant que ce eust esté pour ladicte question de Hongrye, avoit pourchassé ledict appoinctement, penceant par Ik recouvrer sadicte fortresse.

« Monseigneur, par lettres de l'ambassadeur de cez Seigneurs prez du roy des Romains, l'on entend que la peste avoit esté fort grande en son exercite, voire encores jusques en sa court, comme j'ay escript, mais qu'elle estoit cessée, et que Périmpeter, ung de ses cappitaines, avoit licentié toute sa gendarmerie, pour ne tenyr si grant despence inutillement h cause des froictz qui estoyent si grans en ce pays-lii qu'il n'estoit possible d'y povoir faire aulcune chose. Ce néantmoings que le Grant Seigneur n'avoit laissé de commander à tous ses gens des confins de ce pays-là qu'ilz marchassent avant vers Bude pour donner secours au jeune enfant roy; ce qu'ilz ont faict de sorte qu'ilz ont prins une terre nommée Vaccia, ainsi que j'escriptz au roy, escripvant aussi que le roy Ferdinando, pour ne se trouver à la diette de Ratisbonne, s'en voulloit aller à Vienne; et avoit donné ung raynes ' à chacun homme de guerre qui avoyent esté à son service; lesquelz s'en estoyent partis désespérez et guettoyent les chemyns, destroussant et tuant tous ceulx qui leur povoyent venir par les mains. Et que ledict

1. Bona Sforza, fiUe de Gian-Galeazzo-Maria Sforaa, duc de Milan, et d'Isabella, princesse de Naples; seconde femme de Sigismond !•', qui Tavait épousée en 151%. Née en 1491, elle mourut à Bari, le 17 septembre 1558.

2. Bari, ville et province de la Pouille, au bord de TAdriatique.

3. Rheinitchês goldguldeny écu d'or du Rhin monnaie d'Empire.

244 AMBASSADE DE [mars i54l]

roy voulloii attendre à sa conservacion et non & celle de Tempereur; dont, pour ceste cause, ne se voulloit trouver & ladicte diette.

« Monseigneur, estant bien certain que aurez entendu par la voye de Rome le débat qui est meu puis naguères entre le pape et le seigneur Ascanio Colona, ne vous en feray aultre répéticion, ne pareillement, sinon en brief, de rassemblée que Sa Saincteté a faict faire de tous les ambassadeurs qui sont auprez de luy en la maison de M. le cardinal de TraniS par la bouche duquel il avoit faict entendre comme certains princes et seigneuries dltallye en entreprennoyent sur la jurisdiction et auctorité de TEsglise, prenant congnoissance des choses des gens ecclésiasticques, et s'entremettant des provisions, des collations, des béneffices, énervation et mespris de Tauctorité de TEsglise, ce qu'il n'estoit deslibéré d'endurer; dont estoit résolu en dépescher bulle pour envoyer à chacun d'iceulx, et mesmement à cez Seigneurs, pour aymer leur bien plus que de tous aultres. De quoy leur secrétaire qui estprez Sa Saincteté* les adverlit incontinant en toutte dilligence.

« Monseigneur, Tassin de Luna ma escript vous avoir parlé d'ung bien bon et affectionné serviteur du roy, qui est en Allemaigne, dont ne m*estenderay à vous le déchiffrer auUrement ; mais bien vous diray que ledict Tassin m*a envoyé une lettre qu'il a receue de luy, laquelle je mande présentement au roy en son propre original, pour y adjouster plus de foy. Si d'aventure n'entendiez qui est le prophète nommé dedans, c'est le pape. Vous verrez par icelle comme il a convenu payer dix escuz d'or pour le port depuis Ratisbonne jusqu'à Luna seullement, sans deux escuz qu'il a cousté depuys ledict Luna jusques icy : dont. Monseigneur, je vous vouldroys bien supplyer me faire entendre si je doibz continuer à faire telle despence, car, comme l'on pourra veoir par mes comptes extraordinaires, se peut monter en moings d'une année environ cent escuz. Lesquelz comptes j'envoye présentement à mon homme qui est à la court; dont, ayant soubz Dieu ma parfaicte confiance du tout en vous, vous ay bien voullu supplyer qu'il vous plaise faire ordonner le plus tost qu'il sera possible estre deslivré argent pour mon remboursement; car, je vous asseure, Monseigneur, que je m'en trouve en plus grande nécessité que je ne feiz jamais, et quant je l'auray receu, ne demeurera guères entre mes mains, pour aultant que je le doibz et davantaige. Et si enuye beaulcoup à mes créditeurs que je demeure si longuement à les satisfaire; et, de faict, je ne sçay plus à qui me retirer, pour l'avoir très bien

!. Giovanni-Domenico Cupi, cardinal (1517), administrateur de rarchevêcbé de Trani, de 1517 à 1551, mort le 19 décembre 1553, après avoir occupé successivement les sièges de Macerala (1528-1537), d'Adria (1528-1553), de Montepeloso (153S-1537), de Camerino (1535-1537), de Porto (1535-1537), d'OsUe (1537-1553) et de Recanati (1552-1553).

2. Lorenzo Bragadino, qui avait remplacé à Rome Antonio Soriano, en octobre 1535.

[mars 1541] GUILLAUME PBLLICIER 345

expérimenté depuys peu de jours que, me retrouvant en grande nécessité, me voulluz adresser à ceulx desqueiz j'en avoys jà empruncté, estimant qu*ilz me deubsent secouryr au besoing, pour estre tant affectionnez au service du roy; mais comme vous sçavez très bien quMl n'y a point de fyance en telles matières, mesmement aux gens de ce pays icy, ilz me sceurent très bien respondre que si je eusse faict mon debvoir de leur rendre et satisfaire les vieilles debtes, que je les eusse tousjours trouvé à mon commandement, et qu'ilz n'en voulloyent plus bailler, qu*ilz n'eussent estez remboursez premièrement. Ce que. Monseigneur, n'ay peu faire encores jusques icy; dont suys contrainct à très grant intérest trouver aultres amys pour me secouryr d'argent à faire ma despence ordinaire et extraordinaire, en attendant que aye receu ce que j'ay advancé. Par quoy je vous supplye iierechef m'y faire povoir le plus tost qu'il sera possible, et qu'il vous plaise avoir souvenance des bons serviteurs du roy qui sont icy. Lesquelz ne sçavent que veult dire récompence, sinon celle que de ma petite puissance leur ay tousjours faicte le mieulx qu'il m'a esté possible, les tenans en espérance de jour en jour de leur faire avoir mieulx avecques le temps; mais ilz commencent fort k en désespérer, et ay bien affaire à les mainctenyr : dont. Monseigneur, pour ne vous attédier, ne vous en diray davantaige, sinon que eulx et moy nous recommandons très humblement à vostre bonne grâce.

«... Monseigneur, encores que ma lettre soit assez grande, toutesfoiz il m'a semblé ne debvoir obmettre & vous escripre ce que tout à ceste heure je viens d'entendre, c'est qu'ung nommé Bernardo TassoS secrétaire du prince de Salerne ', est arrivé icy depuys cinq ou six heures, venant en toute dilligence de Ratisbonne, où il dict l'empereur estre arrivé le xxnv^ du passé, et que les princes d'AJlemaigne, mesmement les ducz de Saxonne, de Virlemberg, et le landgrave, moyennant telle asseurance qu'ilz sçauront adviser, ne doubteront de se trouver k la dietle dudict Ratisbonne. Ce néantmoings ilz ne se reposeront tant 3ur la seureté et foy d'aultruy qu'ilz ne se asseurent par tous les moyens qu'ilz pourront d'eulx-mesmes faire. Et pour ce viendront tous

1. Bernardo Tasso, issu de Tillustre maison des Torregiani de Bergarae, poète italien, père du célèbre Torquato Tasso. Né en 1493, à Bergame, mort en 1569, il fut attaché successiyement comme secrétaire au prince de Salerne (1531), au duc d'Urbin et enfin au duc de Mantoue, qui lui confia le gouvernement d'Ostiglia. On a de lui un poème en cent chants, Amadis de Gaule, imité du fameux roman de chevalerie, qu'il termina en 1540, et diverses autres compositions, poèmes, odes, églogues, élégies, etc.

2. Ferrante di San Severino, quatrième prince de Salerne, né à Naples en 1507, mort à Avignon en 1568. Longtemps employé au service de Charles-Quint, il se distingua en Allemagne, en Flandre, en Afrique et en Italie.

La principauté de Salerne, située sur le golfe de ce nom, à 55 kilom. de Naples, avait été donnée en 1463 par Ferdinand l*', roi de Naples, & la maison de San Severino.

346 AMBASSADE DE [mARS i54i]

ensemble, ayans mil cinq cens hommes de guerre k cheval, sans leur train ordinaire, qui se montera bien aultres cinq cens; et auront à ladicte ville tout ung quartier pour eulx d'où seront maistres, se confyans que pour le petit nombre de gens que ledict empereur aavecques luy, qui n'est de plus que quatre cens chevaulx, bourguignons, qui furent jadis à la garde du prince d'Orenge *, l'empereur n'est pour leur ftiire rien. Dict en oultre que ledict empereur l'envoyé pour faire que le tout soit prest pour son passaige en Gennes k la Sainct-Jehan pour le plus tard, voullant estre embarcqué en ce temps là pour passer en Espaigne. Ce néantmoings, s'il est vray ce que l'empereur a tenu propoz en secret audict prince son maistre, de venyr faire un passage à Naples pour se prendre garde de ce que le Grant Seigneur aura à faire k ce printemps en ce pays là, ne se pourra faire qu'il soyt si tost à Gennes comme il a faict son desaing. »

Vol. 2, f» 132, copie du xvi« siècle; 4 pp. 1/2 in-f>.