Prague en Bohème

264 AMBASSADE DE [mars 1541]

lourneroyent à grant commodité et proffict, et dommaige du Turcq. Escript aussi que ledict roy estoyt demeuré fort suspens, pour avoir entendu que ung capitaine de frère George, nommé Périm \ lequel a esté cause de conduyre les Turcqs à saccaiger Wacia et les faire riches^ ayt esté faict prisonnier; quoy voyant, ledict frère George en aprins maulvaise augure, et en a adverty ledict roy des Romains.

« Sire, par lettres du secrétaire Fidel cez Seigneurs sont advertiz que le seigneur marquis du Guast luy avoyt dict avoir lettres de l'empereur, luy faisant sçavoir qu'il pensoyt avoir plus de difHculté en ses affaires qu'il ne se retrouvoyt, avecques toutes les praticques que ayt sceu faire quelque ung contre luy ; et qu'il ne pourroyt eslre si tost en Itallye, ayant escript à André Doria lever les gens de guerre qu'il avoyt laissez en Âffricque, affin qu'ilz se trouvassent au temps de son arrivée à Gennes, pour passer en Espaigne ; et que ledict empereur ne feroyt le chemin de Millan, pour n'avoir le temps. Ledict Fidel escript davantaige que icelluy marquis faict plusieurs saiges discours de ce que a à succéder, desquelz luy doibt mander le double, et que il exorte tant qu'il peult ledict empereur de ne se partyr si tost de l'Itallye. J'ai est^ adverty pour tout vray que domp Lope de Soria*, par mandement de l'empereur, avoyt demandé au duc de Ferrare, pour la seurté dudict empereur, Modène, Rège', Carpy et Robrola*, ou bien l'asseurer de garder que de la Myrandola ne luy viendroyt aulcun empeschement. A quoy ledict seigneur duc n'avoyt faict encores aulcune responce, mais^ avoyt mandé devers le pape, comme son souverain seigneur, pour s'em consulter.

« Sire, l'on a par lettres de Traour, isle auprez de la terre ferme de- Sébénico', que il a esté descouvert ung traicté et entreprinse de desrobber la fortresse de Glissa*, la voysine, par la femme d'ung de ceulx qui de ce avoyent charge ; parquoy en avoyent esté prins par les Turcqs^ quatre d'iceulx, et exécutez fort cruellement. Et que pour ce lesdict» Turcqs avoyent faictes quelques courses, et emmené plusieurs g^ns de cez lieux-là et environs. Et entend l'on que Tévesque dudict Traeur^