Giovanni-Francesco Valiero

[mai 1541] * GUILLAUME PELLICIER 297

peu congnoistre en auUres choses, quelque peu reffroidy de la grande et bonne voullenté qu'il avoyt au service de V. M. pour n'avoir eu depuys troys ans en çà pour remmunération de ses services que atlantes : desquelles ne se veult plus contenter ne les autres pareillement. Je m'estoys tousjours retenu vous escripre telles choses, me semblant, Sire, n'estre licite ne convenable vous en attédier. Ce néantmoings, après en avoir escript tant de foizà ceulx qui ont le maniement des affaires, et qu'ilz ne m'y ont jamais faict aulcune responce, à présent je me veoy contrainct m'en adresser à V. M., la supplyant très humblement y voulloir faire faire quelque bonne provision par effect, — car aultrement je ne veoy plus moyen de me ayder et valloir d'eulx, et conséquemment vous povoir donner advertissement des choses de deçà, — et me pardonner si ay prins Taudace vous en escripre, m'y ayant -contrainct la nécessité où je suys pour n'avoir plus moyen de quoy les povoir entretenyr, comme ay faict jusques icy petit à petit, non pas ainsy qu'ilz le mérittent et qu'ilz estoyent accoustumez par vostre ^ande libérallité, mais selon ma petite puyssance. Gomme encore à cez Pasques dernières ont eu de moy par manière d'emprunct plus de deux cens escuz, et est impossible que je puysse faire de moings. Or, pour n'en importuner davantaige Y. M., retourneray à mon premier propoz et vous diray que pour l'absence dudict personnaige n'en ay peu entendre aultre chose; ce néantmoings j'espère qu'il ne fauldra à venyr bien tost icy, et par luy ou par aultre en quelque moyen que •ce soyt verray d'en sçavoir certainement ce qui en est. Cependant je n'ay failly d'en escripre à messire Vincenzo Maggio, afRn qu'il advise ce que de son cousté verra estre à faire.

« Sire, quant est de l'aultre poinct que V. M. m'escript de vous faire lenyr bien seurement tout ce dont Tassin s'adressera à moy, et que eusse à l'en advertyr, incontinent que l'euz receue, je ne faillys à 4épescher homme expressément vers luy pour le luy faire entendre. Et davantaige qu'il eust à se informer dilligemment et bien de tous coustez qu'il verroyt en povoir avoir plus certaines nouvelles, où c'estoyt que l'empereur vouUoyt mander les douze mil lansquenetz que on faisoyt couryr bruyt avoir levez pour mander en Hongrie : dont je vous ay escript par ma dernière ce que lors en avoys entendu. Depuys laquelle l'on m'a dict que cez Seigneurs ont eu lettres de leur podestat <le Bassan * qui les advertissoyt avoir sceude bien bon lieu que l'empereur seroyt bien tost en Itallye, et qu'il admeneroyt avecques luy dix mil lansquenetz, nouvelle que pour ne voulloir que ainsi fust ou aultrement n'a pas trop pieu à cez Seigneurs. Ledict Tassin ne m'a pas encore faict responce ; de quoy je seroys bien esmerveillé, n'estoy t que j'ay entendu qu'il a esté fort mallade; qui m'a faict pencer que cela