Nicolas Perrenot de Granvelle, chancelier de TBmpire

4. Isabelle de Portugal, femme de Charles-Quint, était morte en couches, à Tolède, le 1* mai 1539.

300 AHBASSADE DE [mâI 1341]

la Flandre ne osera s'esmouvoir ne dire mot, et si fera ses affaires d'Itallye plus à son plaisyr que s'il y estoyt présent, pour aultant quMl les tiendra en telle suspencion et crainte que s'il y estoyt luy-mesmes, en faisant démonstracion de y voulloir venyr de jour en jour. Et si en tirera plus d'argent et secours que honnestement il ne pourroyt faire s'il y estoyt présent. Et en somme entretenant longuement la diette pour ne sçavoir à quoy les choses d'icelle pourroyent tourner, tiendra •le pape, Yéniciens, et tout le demeurant de la chrestienté en bransle et doubte, voyre jusques au Grant Seigneur. De toutes lesquelles choses ledict ambassadeur et aultres Impériaulx ne faillent de essayer à faire leur proffict, ce néantmoings congnoissans cez Seigneurs, pour beau- •coup de conjectures, ne leur estre point de bonne voullenté, et ne sçaichant plus les paistre de belles promesses et paroUes, comme ilz ont faict par le passé, pour ce que 1 on ne leur en a jamais tins une, n'ont failly, pour les tenir tousjours en crainte qu'ilz ne se retirent de la ligue qu'ilz ont avecques l'empereur, de remonstrer très bien et faire entendre que, toutesfoiz et quantes qu'il plaira audict empereur, il fera avecques V. M. tout ce qu'il vouldra, et fust-il de vous attirer contre le Grant Seigneur et quelconques aultres, quelque allyance et amytié qu'il y eust, moyennant la restitution de la duché de Millan, leur mettans à tous propoz ce dessus devant les œilz. C'est qu'ilz sont tout seurement advertiz que ledict Grant Seigneur n'est pour faire aulcune emprinse ceste année ne par mer ne par terre, et que quant il en auroyt envye, mesmement par mer, jà la saison passoyt; car l'armée debvroyt estre sortye et il n'a pas encores trente gallères en ordre. Et quant estoyt de la Hongrye, que l'empereur y avoyt si bien pourveu qu'il ne failloyt doubter de ce cousté là, car au pys faire, en mettant bonnes garnisons et municions aux villes que desjà ilz tiennent, ilz ne craignoyent tout ce que ledict Grant Seigneur sçauroyt faire, quelque puyssance qu'il y mandast. Toutes lesquelles choses n'ont pas petit effect pour tenyr cez Seigneurs en suspens et veoir ce que succédera.

«... Sire, sur le poinct que voulloys signer la présente, ay receu lettres de Tassin, ensemble deux aultres à luy escriptes par ung sien amy. Desquelles suyvant vostre commandement vous envoyé le double ; m'escripvant avoir envoyé ung homme expressément jusques aux basses Allemaignes pour entendre le tout à la vérité si l'empereur a faict lever douze mil lansquenetz et quel chemin leur veult faire tenyr. Il m'escript aussi avoir entendu de bon lieu que le roy de Portugal a baillé une grosse somme d'argent à l'empereur; et aultres choses m'escript, comme l'on pourra veoir par sesdictes lettres, lesquelles je envoyé en leurs propres originauix. »

Vol. 2, ^ 162 yo, copie du xvi« siècle; 4 pp. 1/2 in-f».

[mai 154 il GUILLAUME PELLICIER 30 1

PELUaER AU CONNÉTABLE.

198. — [Venise]^ 17 mai 1541 . — « Monseigneur, pour ne rien obmecire à faire entendre au roy et à vous de toutes choses que puys' apprendre de tous coustez, vous diray oultre celles que j'escriptz présentement à S. M., que cez Seigneurs, — ayant esté advertiz par le podestat d^Aquilée ^ que ung nommé Nicolas de la Tour, recteur au conté de Guricia ' pour le roy Ferdinando, avoyt faict commandement aux chanoynes et aultres habitans de là, de la part dudist roy, qu'ilz n'eussent à obéyr à aultres que aux officiers d'icelluy roy, pour aultant que le toutestoyt en sa jurisdiction, — en escripvirent à leur ambassadeur prez dudict roy afin de le luy faire entendre , et sçavoir s'il avoyt faict faire ledict commandement. Auquel icelluy roy feist responce qu'il ne sçavoyt que c'estoyt, n'ayant jamais baillé telle commission, mais que quelquesfoiz les serviteurs font plus que les maistres ne leur commandent; car de luy n'avoyt telle vouilenté sinon d'estre tousjours leur bon voysin et amy, comme par effect le congnoistroyent advenant l'occasion qu'il leur en peust faire démonstracion. Et qu'il estimoyt de brief estre plus largement leur voysin, espérant venyr à quelque bonnefin du royaulme de Hongrye, mesmement de Bude. Toutesfoiz depuys cezdictz Seigneurs ont eu aultres lettres de leurdict podestat d'Aquilée, ensemble le double de la commission décernée par ledict roy Ferdinando audict recteur, par laquelle estoyt contenu ce que dessus : chose de quoy cez Seigneurs se sont fort esmerveillez, attendu ce que leurdict ambassadeur prez dudict roy leur avoyt faict entendre de sa part. Et de faict envoyèrent quéryr l'ambassadeur de l'empereur, qui est icy, pour luy notiffier le tout, lequel excusa l'affaire le mieulx qu'il peult, leur demandant le double de ladicte commission, et qu'il en escriproyt audict roy, et feroyt de sorte que la chose ne passeroyt point plus avant; ce néantmoings ne peult appaiser si bien cez Seigneurs qu'ilz n'en ayent quelque malcontentement. »

Pellicier se recommande ensuite, lui et les siens, aux bonnes grâces du connétable.

« ... Monseigneur, sur le poinct que vouUoys signer la présente, est Tenu vers moy le seigneur Francesco Beltrame ', qui m'a pryé vous faire souvenyr de l'espérance qu'il vous a pieu luy faire donner par moy longtemps a, et le maintenyr tousjours en vostre bonne grâce. »

Vol. 2, f» 164 v», copie du xvi« siècle; 1 p. i/4 in-r>.

1. Aquilée, Tille d*IIIyrie, située à 28 kilom. de Goritz, dans les lagunes, au fond de TAdriatlque. *^

2. Nicolas de la Tour, gouverneur du comté de Goritz pour le roi Ferdinand.