PELUCŒR A TASSIN DE LUNA

205. — [Venise]^ 27 mai i ô4i , — « Messire Tassin, j*ay receu toutes les lettres que m^avez escriptes, tant celles que m^avez mandées auparavant la venue icy de vostre filz que depuys, dont les dernières sont du xxr de ce moys; et pareillement ay receu deux lettres de l'amy de Millan, et Taultre de vostre compère. De quoy de tout je vous mercye, et de la bonne dilligence que avez usée, à sçavoir ce dont je vous avoys escript. Ce néantmoins il me semble qu'il eust souffîst d'envoyer seullement à Trente; car, comme vous mesmes m'escripvez, s'il en eust esté quelque chose, l'amy n'eust failly à vous en advertyr; mais, puisque cela est faict, il fault passer par là pour ce coup. Toulesfoiz je n'entendoys pas qu'il s'y deust faire si grant despence, car, comme vous sçavez, l'on ne recouvre pas ses pièces à la court comme l'on veult; et n'en veulx point d'aultre tesmoing que vous mesmes. Dont ne vous fault esmerveiller si je desbourse et advance argent mal vouUentiers, mesmement quant l'on peult faire de moings, car je ne sçays encores comme l'on en faict le remborsement, pour aultant que depuys que suys icy l'on ne m'en a faict aulcun de quelque extraordinaire que je aye faict. Par quoy, à l'advenyr, je suys d'adviz que pour sçavoir telles choses y faciez le moings de despence que vous pourrez, et entendoys seullement comme je vous ay dict cy dessus, que le deubsiez sçavoir de Trente. Je vous envoyé pour le compère * quatre des plus belles peaulx qui se soyent peu trouver en ceste ville, et fault bien que vous sçaichez que qui en eust voullu donner dix escuz de la pièce pour en trouver encores aultant icy, l'on ne l'eust sceu faire, comme vous pourra dire vostre filz; car ce ne sont pas peaulx commune^^e ce pays, nvais marroquins de Turcquye fort beaulx, comme pourrez veoir. J'ay aussi baillé les trente escuz à vostre filz, ainsi que m'avez escript, vous pryant continuer de m'advertyr de tout ce que pourrez entendre; car je vous asseure que n'eustes jamais meilleur moyen de faire cognoistre au roy les services que luy faictes, que avez mainctenant, pour ce que je luy envoyé à luy-mesmes vos propres lettres escriptes de vostre main, et celles des amys avecques lesquelles je