Bassano

316 AMBASSADE DE [mai 1541]

ma lettre trop plus longue que de coustume, comme pourrez veoir. Dont me sembleroyt chose superflue vous en faire aulcune repétition; mais bien vous diray davantaige que cez Seigneurs ont esté advertiz que à présent les affaires de S. M. passoyent tant secrettement qu'il n'estoyt possible d'en povoir sçavoir aulcune chose. Et ce leur a dict leur ambassadeur qui est à la court, pour s'excuser s'il ne leur peult donner adviz des choses de delà, où, comme il escript, se faisoyeot plusieurs discours que ce seroyl le meilleur de donner madame Margueritte * à monseigneur le duc de Clôves, et à monseigneur d'Orléans madame la princesse de Navarre '. Les semblables sont venuz de Rome, et que M. le daulphin et madame la daulphine' venoyent en Piémont pour veoir les forteresses, et que de l'armée du roy se meltoyent quelques gallères en ordre, desquelles en avoyt esté ordonné une pour conduyre le seigneur Rincon en Levant.

« Monseigneur, par lettres que le secrétaire Fidel a escript à cez Seigneurs le xxii^ de ce moys s'entend que l'empereur avoyt mandé du roy Ferdinando quarante mil escuz, et que ledict empereur avoyt déterminé aller en Espaigne ou en Hongrye pour donner plus de faveur à son frère ; et que les choses des protestans pasâoyent mal, estant pertinaces en Iroys articles de non peu d'importance, comme j'estime pourrez avoir entendu. Qui me gardera vous en faire aullre propoz^ mais bien comme ledict Fidel escript davantaige que l'empereur avoyt mandé sçavoir du marquis du Guast s'il vouldroyt faire l'emprinse de Hongrye. Lequel on estoyt en bonne voullenté, ne désirant aultre, comme il escript, que d'aller contre les infidelles; mais qu'il avoyt supplyé l'empereur que son plaisyr fust de luy concéder la grâce de povoir laisser en sa place pour lieutenant qui bon luy sembleroyt. Toutesfoiz je suys adverty de bon lieu que ce mandement faict par l'empereur n'est pas pour voullenté qu'il ayt de luy donner charge en ceste guerre de Hongrye, mais par ce moyen le tirer tout bellement hors du gouvernement de Millau, pour ce qu'il y veult mettre tous ses gens espaignolz et mesmement en la principalle charge. Laquelle chose ledict marquiz prévoyant n'en est guères contant; à quoy pourroyt tendre la responce qu'il faict et demande, par laquelle il prye l'empereur de ce que dessus, de luy concéder d'y mettre lieutenant tel qu'il vouldra... »

Vol. 2, ^ 173, copie du xvi® siècle; 2 pp. in-f^.

1. Marguerite de France, fille de François !•' et de Claude de France, née à Sainl- Gerraain-en-Laye le 5 juin 4523, morte à Turin le 44 septembre 1574. Elle épousa en 4559 le duc Philibert-Emmanuel de Savoie.