Charles III
5. Marie d'Autriche, sœur de Charles-Quint et chargée du gouvernement des Pays-Bas.
[juin 1541] GUILLAUME PBLLICIER 3ai
des Rommains que cinquante mil ducaiz; car, advenant que les choses n'allassent bien n'y estant sa présence, on pourroyt excuser que cependant qu'il y a esté n*y estoyt survenu que bien, et par cez belles couvertes conserver sa réputation. Et si ay entendu que sondict voyaige en Flandres estoyt pour contrepoyser aux desaings du duc de Clèves.
« Sire, cez Seigneurs ont aussi eu lettres de bien bon lieu comme ledict empereur leur voulloyt mouvoir guerre du cousté d'Allemaigne et de Millan, et que de ce avoyt esté escript par domp Lopes de Souria^ au marquis du Guast, et que ledict empereur avoyt faicte ceste deslibération depuys l'arrivée vers luy d*ung personnaige qu'il avoyt envoyé en Constantinople ; lequel personnaige, soubdain qu'il eust parlé à luy, renvoya audict Constantinople sans le laisser parler à aultre personne du monde. Et se dict que ne passera pas beaulcoup de jours que à cez fins ledict empereur mettra aux confins de cez Seigneurs de six à huict mil hommes de pied, et que tout ce que dessus on entendoyt de la court de l'empereur et de Millan par grans personnaiges.
« Sire, j'ay escript à V. M. tout ce que l'on avoyt entendu de Hongrye; dont à présent ne vous en puys dire aultre sinon que par lettres de Vienne l'on entend le roy Ferdinando estre fort travaillé et fâché, pour avoir esté adverty que le xxim« may avoyt esté donné ung aultre assault à Bude, mais que ceulx de dedans s'estoyent deffenduz gaillardement, et rabbatu ceulx de dehors avecques grande occision d'iceulx. Lesquelz avoyent trouvé que dedans s'estoyent très bien remparez et qu'ilz esloyent foumiz de municions et artillerye, et ne avoyent faulte seulement que d'eaue et de chair; de sorte que l'on estime que pour toutes cez choses, et aussi pour avoir entendu que dix mil chevaulx turcqs estoyent jà dès lors arrivez k Bellegrade, et que l'exercite chemynoyt avant à grant haste, le camp dudict roy Ferdinando se sera levé de devant Bude sans rien faire. Et faict bien à ce propoz ce que a esté escript par lettres de Millan du xm« de ce moy à cez Seigneurs, c'est qu'il failloyt que ledict roy ne pençast plus au moyen d'offendre ses ennemys, mais de se deffendre; et encores y auroyt-il bien affaire, pour (selon que l'on entend) estre l'exercite du Grant Seigneur qui vient en cez bandes là si puissant et prochain. Icelluy roy estoyt allé en toute dilligence en la Moravia faire diette où avoyt demeuré huict jours tant à aller que à retourner : en laquelle avoyt demandé secours, sur quoy on luy avoyt respondu de luy donner x" hommes de pyed et de cinq cents chevaulx; mais, y voullant aller en personne, qu'ilz yroyent tous, laissant seuUement à leurs maisons les personnes inutilles. Et que ledict roy voulloyt aller faire une aultre diette en Slesia '.
« Sire, encores que V. M. pourra avoir entendu d'aultre part comme
