Bagdad

[juillet 1541J GUILLAUME PBLLICIER 341

sangiacques yroni contre les gens dudict Sophi. Quant est desliyrer le seigneur Laschi, le Grant Seigneur n*en veult point ouyr parler, et diet que ung jour ledict Laschi, faisant offre audict Grant Seigneur de faire faire paix avecques ledict roy Ferdinando et qu'il demeureroyt son feudataire moyennant qu'il luy laissast Bude et plusieurs aultres choses à Tadvantaige dudict Grant Seigneur, pour response commanda que ledict Laschi fust reserré plus estroictement que jamais et que personne ne luy parlast : ce que fut faict. Et là dessus discourt ledict messire Vincenzo qu'il n'est jà besoing recommander ledict royaulme de Hongrye audict Grant Seigneur, pour ce qu'il Ta trop à cueur^ puisque luy mesmes se meut en personne pour aller à la deffension d'icelluy. Le xxi« may arriva ung varlet de chambre du roy Ferdinando à la Porte avecques lettres adressantes au Grant Seigneur, desquel il envoyé ung double en chiffre, duquel vous envoyé la coppye; et par icelles entre aultres choses il s'efforce grandement placquer ledict Grant Seigneur et luy remonstrer et persuader debvoir relâcher ledict Laschi; mais à ce que escript ledict messire Yi^cenzo elles lui ont esté plus nuysibles que aydantes, car, incontinant que ledict Grant Seigneur les eust entendues, ilz le remuarent (sic) de son logeys et le feirent resserrer en ung lieu comme ung cabaret apte à recepvoir petitz passans, qui n'a que une seuUe porte et sera gardée que personne ne luy parlera. Et luy a esté levé la provision de huict cens aspres le jour, qu'il avoyt à despendre, et luy en a esté seuliement laissé cent. Et ledict chambrier ' dudict roy Ferdinando a esté baillé en garde à ung chaous ', et se disoyt là que on le remanderoyt avecques response que Dieu seul sçayt; toutesfoiy qu'il avoyt entendu que elle seroyt que si ledict roy Ferdinando vouUoyt mander ambassadeurs, que ledict Grant Seigneur les rencontreroyt par les chemyns. Y. M. aura entendu le cas succédé à Lotphi Bassa; depuys il a esté séparé contre son voulloir d'avecques sa femme, l'ayant vollu ainsi le Grant Seigneur, à la persuasion de la Soultane, craignant que cela ne retardast ou gardast que son gendre Roustan ne parvint au premier degré de bassan '. Il a eu congé s'en aller à la Mèche S et sa femme luy a donné sa dotte, qui est de la somme de cent mil ducatz; et luy, en contre eschange, luy a donné la maison où il demeuroyt. En laquelle entrant sadicte femme