Leone Strozzi, prieur de Gapoue

358 AUBASSADE DE [joaLBT 154l]

certaines particularitez escriples à luy par messire Vincenzo Maggio,

estant pour le roy devers le Grant Seigneur. Et ce, d'aultant qu'il semble

toucher le bien des affaires dudict seigneur, ausquelz ledict seigneur

Rincon par sa venue estoyt pour remédier entièrement, ce que m*avoyt

faict déporter les escripre autrement à S. M. Et entre aultres choses,

Monseigneur, Tadvertissoyt que si d'adventure il ne avoyt à venir en

Levant, ne donnast le loysyr ne espace de povoir sçavoir sa demeure

en France, mais que Ton sceust aussitost Tarrivée de son successeur à

la Porte que son eslection et nouvelle de sa venue : pour aultant que

faisant aultrement en adviendroyt non peu de confusion. Et que Ton

advise de y envoyer homme qui soyt plain de patience, modestie et

prudence, sçaichant les choses d*estat et.mesmement de la guerre,

pour en povoir dire son adviz et oppinion; et qui ayt quelque autho-

rite pour son eaige, n'ayant point Tesperit endormy à dire et faire,

mais tout comptant pour inventer, proposer, et respondre soubdain

selon l'exigence des affaires; et qui ne soyt point despourveu de la

lengue ilallienne, pour estre entendu des truchemans de delà, d'aul-

tant qu'ilz ne s'empeschent point d'aultre lengue chrestienne de par

deçà; et surtout qu'il soyt fort bien garny d'argent et de présens, car

aultrement il ne seroyt pas le bienvenu et se trouveroyt bien empes-

ché. Ad ver tissant aussi ledict seigneur Rincon que s'il y retournoyt,

que ce ne fust sans grant trésor, pour aultant que du plus petyt jusques

au plus grant faisoyent leur desaing d'avoir force présens à sa venue;

et que la despense de la maison estoyt grande et grosse, le sçaichant

par expériance, car n'ayant nç chevaulx ne beaulcoup si grant nombre

de serviteurs comme il y avoyt quant ledict seigneur Rincon y estoyt,

il se retrouvoyt avoir despendu en moings de six moys mil six cens

escuz ; et que aultrement ne se povoyt faire, qui voulloyt mainctenyr

et garder la grandesse et réputacion de France que ledict seigneur

Rincon avoyt acquise en ce pays là. Désirant ledict messire Vincenzo

la venue dudict seigneur Rincon, aflin de se retirer en sa chambre et

se reposer de tant de travaulx qui luy convient avoir ordinairement

Et n'y retournant ledict seigneur Rincon, désiroyt sortyr comme il dict

hors de ce purgatoire et venyr en France, estant las d'estre en ces

pays là, pour avoir tel fais sur les épaules et estre tout seul. Et que

retournant ledict seigneur Rincon, il verroyt qu'il auroyt beaulcoup

perdu à la Porte pour l'absence de Lotphi Bassa, qui en estoyt ainsi

faict retirer que povez avoir entendu par ce que je en ay escript au

roy par cy davant. Exhortant ledict messire Vincenzo icelluy seigneur

Rincon qu'il se recordast que ledict Lotphy estoyt moult sobre, et se

contentoyt de peu, chose qu'il trouveroyt bien changée. Dont derechef

l'exhortoyt qu'il se recordast d'aller bien garny de ce qu'il feroyt

besoing.

« Monseigneur, j'ay esté adverty, non seullement par messire Vin-

[JUILLET 1541] GUILLAUME PBLLICIER 359

cenzo, mais aussi par aultres lettres commant en Constantînople Ton ne povoyt croyre que ledict seigneur Rincon eust à y retourner, et que par ce que Ton povoyt congnoistre, comme suys adverty de quelque ung, ledict messire Vincenzo se atlendoyt bien de y demeurer en chef, pour luy sembler n'avoir le roy par deçà homme qui fust pour mieuix faire ladicte charge que luy ; mais qu'il s'abusoyt beaulcoup, car encores que le roy feist bien telle eslection de luy le Grant Seigneur n'estoyt point potir Taccepter, ainsi que celluy qui me Tescript dict avoir entendu de bon lieu à la Porte. M'advertissant aussi par sa lettre du xxvn« may que Tarmée de mer sortiroyt hors, et que cez jours passez s'en partyrent quinze gallères pour donner à entendre que ne partiroyt aultre armée pour ceste année ; mais qu'il avoyt entendu le contraire, et qu'elle se faisoyt mettre en ordre en bien groz nombre de vaisseaulx pour mander dehors, toutesfoiz qu'il n'avoyt entendu quelle part c'estoyt qu'elle vouUoyt aller.

« Monseigneur, s'ils ne vous plaist avoir pityé de moy et me faire envoyer argent, je ne sçay plus que je doibs faire; car j'avoys tousjours eu espérance à la venue du seigneur Cézar Frégoso, mais je m'en veoy frustré. Dont je vous supplye tant que je puys m'y faire pourveoir le plus lost, aultrement jeneveoy moyen de continuer à faire le service de S. M. Et aymeroys baulcoup mieuix que ung aultre y fust, que f eusse contrainct à faulte d'argent ne povoir mettre h exécution ce que congnoistray estre utille et nécessaire pour les affaires de S. M. : à quoy seray bien tost contrainct s'il ne vous plaist y faire mettre ordre... * »

Vol. 2, f«* 199 V®, copie du xvi« siècle; 2 pp. in-f*.