Ischia

[AOUT 154i] GUILLAUME PELLICIER 405

XXV mille, affin que ilz soyent mys en obly par deçà et que Ton ne sçaiche qu'ilz sont devenuz. Or, je prye Nostre-Seigneur que leur soyt en aide et protection. Je croy que aurez peu veoir, par ce que j'ay escript au roy, comme cez Seigneurs <èQt envoyé quatre ambassadeurs vers Tempereur, qui le sont allez trouver à ung pont qu'ilz ont faict faire sur TAdèze pour son passaige ; ausquelz pareillement a faict grant accueil et demonstracion de bénivolence à ceste républicque, disant qu'il luy sembloyt proprement estre en son pays tant seurement et sans aulcun esmoy qu'il passoyt avecques telle compagnye qu'ilz povoyent veqir : et à la vérité elle ne povoyt estre plus de trente chevaulx à la mode de son passaige de France. Et ainsi Font conduict jusques à ... ' et de là a prins son chemyn à Millau, passant par Crémonne où debvoyt estre à disner le xm* de ce moys, comme je suys adverty par ung de mes gens qui y est; et, comme verrez par quelques doubles de lettres que je envoyé au roy, ledict empereur donne à entendre qu'il veult empatronnyr ung des filz du roy Ferdinando de la duché de Millan, pour donner la pasture à cez Seigneurs et aultres potentatz dltallye. J'ay veu aussi lettres de Gennes, par lesquelles semble que le peuple d^icelle et des environs est grandement esmeu pour les daces ' et impos que Ton a faict sur les bledz de Sicille, et semble qu'ilz soyent pour devenyr plus enclins à la part du roy, pour avoir quelque secours de bledz de Prouvence à trop meilleur marché et commodité pour estre plus près et plus libre de prysoultre la bonté du grain, qui est sans comparaison meilleur que celluy de Sicille. Et en icelle lettre se disoyt aussy que ledict peuple et plusieurs des principaulx se démonstroyent grandement desplaisans de la prinse du seigneur Cézar Frégose. J'avoys envoyé ung de mes gens à la court de l'empereur à son arrivée en Itallye, et pençoys povoir mieulx négotier par la présence de M. de Vueilly; mais j'ay esté adverty qu'il s'en estoyt jà départy quelque temps avoyt. Si n'ay-je laissé à entendre ce que a esté faict par eulx, qui en somme, comme j'escriptz au roy, n'est rien.

« Monseigneur, j'ay receu lettres du seigneur chevallier Marsillio de Boulongne ', du xviF de ce moys, m'advertissant comme le xrai® estoyt arrivé en sa maison le seigneur Camillo CoUonna^, avecques commission de l'empereur de lever deux mil hommes de pied, et que depuis,