Ëclaircie, renseignée

438 AMBASSADE DE [OCTOBRE 154l]

et très obéyssans serviteurs, luy voulloir donner la présente; laquelle, encores que soys bien asseuré n'en avoir aulcun besoing, ce néantmoings pour luy satisfaire en tout ce que puys, m'a semblé ne luy la debvoir desnyer pour vous supplyer, Sire, que vostre bon plaisyr soyt la voulloir prendre en vostre bonne et singullière protection et ses pouvrcs enfans aussi, ainsi que par vostre bonté, piété et miséricorde estes acoustumé faire, non seullement à voz affectionnez serviteurs comme ilz sont, mais encores à toutes personnes désoUées : vous asseurant, Sire, que la chose a esté trouvée tant horrende et inpye qu'il n'y a homme qui n'en soyt aultant scandalisé que de chose que Ton ayt oy parler icy long temps y a. J'ay enfin tant faicl. Sire, que ay recouvert ung de ces barcquerolz qui avoyt esté forcé et contrainct conduyre les assassins. Lequel est eschappé des prisons de Pavye que, pour avoir encores eu hersoir * bien tard, n'ay bonnement eu loysir le faire interroger juridicquement; mais entre aultres choses, m'a dict que iceulx pouvres seigneurs furent incontinent et d'arrivée tuez en la barcque, et que luy-mesmes fut forcé les porter hors là auprès en une petite isle, où ont esté trouvez leurs dépostz. Dont peult assez clairement apparoir la machinacion avoir esté telle, et commandement si exprez de leur mort, qu'ilz estoyent jà. ad ce destinez et livrez avant que avoir esté trouvez et prinz. Et peult l'on comprendre que ad ce y a la grant part le marquiz du Guast s'il est vray, ainsi que cedict barcquerol dépose, que lesdictz meurtriers disoyent avoir ce faict par commandement d'icelluy marquis. Je suys après pour entendre quel moyen et forme je doibz tenyr pour le faire examiner plus auctenticquement qu*il sera possible, affin de povoir servyr à perpétuelle mémoire; et davantaige, pour plus grande approbation verray si le pourray mander à M. de Langey, pour en faire par delà- telle information qu'il congnoistra estre nécessaire. »

Vol. 2, f> 239, copie du xvi« siècle; 1 p. l/4in-r».