Bologne

440 AMBASSADE DE [OCTOBRE 134i]

de celle dudici empereur par ledict Grantvelle et le marquis de Languillare '. El fut faict instance par lesdictz seigneurs de Monnynes et de Rhodetz, de par ledict seigneur roy, que lesdictz seigneurs Cézar et Rincon luy f eussent renduz, allégant qu'ilz debvoyent estre en la puyssance de Tempereur, attendu qu'ilz avoyent esté prins par ses ministres ainsi qu'il estoit très bien prouvé par le procès qui estoit entre les mains de Sa Saincteté; par lequel aparessoyt avoir été examinez ung Espagnol qui se treuva au fait de la prinse, et troys barcquerolz de ceulx qui avoyent conduictz les assassins, qui estoyent eschappez de la prison où avoyent esté mys avecques lesdictz seigneurs Cézar et Rincon. Sur quoy fut très bien nyé par ledict Grantvelle ce avoir esté faict par commandement ne consentement dudict empereur, et qu'il n en sçavoit aulcune chose, et qu'il estoyt prest à jurer et faire tel serment qu'il plairoyt à Sa Saincteté. A quoy fut respondu que où il y avoyt certaineté du faict de quoy se agissoyt, qu'il ne failloyt poincl de serment, et qu'il faisoyt entendre à Sa Saincteté de la part de S. M. que si cez hommes ne se trouvoyent, qu'il seroyt contralnct s'en rescentyr avecques effectz de parolles et de armes. Sur quoy ledict Grantvelle respondit que l'empereur les vouldroyt avoir d'or en la chambre, pour les bailler au roy; à quoy fut réplicqué que S. M. ne les désiroyt d'or, mais de chair et en esprit. Et ainsi la chose demeura sur vouUoir faire le sermant par ledict empereur, et sur avoir prouvé l'affaire par ledict seigneur de Rhodetz. En après fut faict grant instance par Tempereur qu'il pleust à Sa Saincteté luy donner subside contre le Grant Seigneur; et environ le quatriesme /jour qu'ilz feurent ensemblement y arriva ung secrétaire du roy Ferdinande, qui feit semblable demande à Sadicte Saincteté, apportant lettres de créance du premier septembre, narrant tout le désordre de la routte du camp dudict roy, supplyant qu'il fust donné mode de povoir résister aux forces dudici Grant Seigneur. Auquel fut respondu en parolles généralles par Sadicte Saincteté; néantmoings l'on estime qu'elle donnera quelque ayde qui pourra estre de décimes en Espaigne, ou bien de deniers ou de gens, mais avecques telle réputacion que il mandera ses gens en quelque part que ledict empereur vueille faire enlreprinse. Et n'a failly ledict empereur rechaircher Sa Saincteté de faire quelque lygue nouvelle avecques elle; mais il en a eu telle responce que de cez Seigneurs, c'est de n'y voulloir entendre pour le présent. Et Sa Saincteté doibl mander, mais qu'elle soyt à Boullongne vers le roy, comme l'on m'a dict, le ...*, pour refférer à S. M. la teneur de leur parlement.

« Monseigneur, faisant la présente, nous sont venues les certaines et maulvaises nouvelles des seigneurs Cézar et Rincon; car j'ay receu

i. Le marquis de Aguilar.