Le comte Melchior Testa

[octobre 154J] GUILLAUME PELLICIER 4i7

plaist à V. M. avoir d'ung si bas et petyt serviteur que je luy suys, m'ayant faict ung tel bien qui certainement estoyt assez suffisant pour récompencer Tung de voz anciens et plus grans serviteurs. Bien vous puys-je asseurer, Sire, que à peyne entre les mains d'ung plus dévot ne affectionné n'eussiez sceu collocquer vostre béneffice * : dont très humblement en remercye V. M., espérant puysqu'il y a lieu si à propoz pour jardinaiges, le faire bien garnyr de toutes les bonnes et rares choses qui se pourront recouvrer et entretenyr audict lieu, qui pourra servir de pépinière à vostre beau sans comparaison Fontainebleau.

« Sire, Ton faict courir bruict icy que il y avoyt quelque tresve secrette entre le roy Ferdinande et le Grant Seigneur, jusques à la Sainct-George *, laquelle Ton dict icelluy roy avoir vouUu celler, estimant tirer secours d'argent de Nostre Sainct Père; mais en ayant Sa Saincteté entendu quelque vent, luy a offert bailler seuUement les gens de guerre qu'il tenoit sur le Parmesan et Plaisentin : qui sont environ quatre mil hommes, ainsi que V. M. pourra avoir entendu de voz ambassadeurs près Sadicte Saincteté. Quant au voyaige de l'empereur, Ton a eu icy lettres de Palerme, comme le vice-roy de Sicille estoyt retourné à Trapanni avecques huict gallères fort mal en ordre pour le maulvais temps; desquelles en avoyt deux hors d'espoir de jamais faire service, et les auUres faisoyt racoustrer, pour le plus tost reprendre son voyaige. Ledict vice-roy vint jusques à la veue de Majorica '; mais ung si maulvais temps le surprint qu'il ne peult jamais abborder l'isle, et le print si fort à la traverse et si loing qu'il ne retrouva meilleur ne plus près que se rendant audict Trapanni. Et, ainsi que m'ont dict plusieurs gens qui congnoissent le navigaige de la mer Héditerrane, attendu le temps qu'il a faict en ceste mer Adriaticque ilz estiment . ledict empereur avoir eu très maulvais temps pour aborder en ceste coste d'Algier. Et mesmement ung cappitaine qui est à mon logeis, lequel est fort praticien de ce pays et mer de delà, pour avoir esté douze ou quinze ans esclave plus domesticque de Barberousse. Je croy que V. M. aura bien entendu comme l'empereur avoyt laissé quelque nombre de gallères à la Spetia, et son médecyn pour le seigneur duc de Camerin *, lequel se retrovoyt indisposé du partement dudict empereur, affîn que, se retrouvant en convalescence de povoir résister contre la marine, le deust suyvre, l'aTant faict chef des gens à cheval

1. Sans doute Tabbaye des Echarlis au diocèse de Sens, dont la commende avait été attribuée à Pel licier, à la mort de Jean de Langeac, qui en était titulaire.