Reggio
454 AMBASSADE DE [NOVEMBRE 154i]
aller faire aulcune diçlle, ne se partiroyl, pour respect de la peste qui estoyt partout là autour. Escripvant aussi le seigneur Laski estre arrivé là, et que encores que icelluy roy ne luy eust déclairé expressément qu'il eust faict tresve avecques le Turcq, ce néantmoings qu'il entendoyt bien à son parler qu'elle estoyt faicte jusques à la Saine t-George.
« Sire, ces Seigneurs ont eu lettres de leur secrétaire Fidel, par lesquelles ont esté advertiz que le marquis du Guast, ayant entendu que V. M. avoyt mandé ung gentilhomme vers le duc de Savoye pour luy dire aulcune chose de vostre part, avoyt dict que pourriez attirer icelluy duc à vostre dévotion, affermant pour certain qu'il seroit une grande guerre et que jamais l'empereur ne se acquicteroyt quant à l'Espaigne, s'il ne faisoyt ce qu'il luy avoyt dict, c'est de conduyre six mil lansquenetz pour sa garde avecques ni" Espaignolz payez ordinairement, et que en ce faisant feroyt chose convenante à sa grandesse; et feroyt faire à l'Espaigne tout ce qu'il sçauroyt désigner, concluant que selon que succéderoyent les choses d'Affricque, aussi feroyent celles dudict empereur.
« Sire, madame la duchesse de Mantoue s'est retirée à Mon tf errât, pour ce que, comme aulcuns veuUent dire, elle ne se contente point du traictement et gouvernement de monseigneur le cardinal son frère, et s'entend que l'empereur charche de la marier; dont aulcuns en faisant plusieurs discours à qui ce pourroit estre, estiment qu'on pourroyt tascher avecques M. le marquis de Salluces *, pour l'affection et droict que sa maison a prétendu au marquisat de Montferrat et la commodité pour estre joignant au marquisat de Salluces, et la quallité et eaige de ladicte dame convenant à soy. Ce néantmoings n'est vraysemblable que icelluy marquis fust pour ce faire sans vostre bon plaisyr et congié.
« Sire, je croy que par le seigneur Strocy V. M. aura entendu comme m'avoyt esté tenu propoz par ung serviteur vostre avecques ung gentilhomme d'icy autour, de faire quelque entreprinse pour vostre service selon ladviz de voz serviteurs de non petite commodité et importance. Par quoy ne vous en diray aultre sinon supplyer V. M. m'en faire sçavoyr vostre vouUenté; car j'en suys sollicité et recherché grandement par iceulx de y faire responce, d'aultant que comme ilz me remonstrent la commodité de la mettre à exécution, s'y adonne mieulx à présent qu'elle ne feroyt en aultre temps hors d'iver.
« Sire, j'ay esté adverty que pour l'affection et gratitude que les Gennevoys * portent de présent à V. M., ont depputez deux ambassadeurs pour envoyer vers icelle, sçavoir est messire Jehan Baptiste
1. Gabriele, marquis de Saluées, le dernier des quatre frères successivement dépos'sédés par la France.
