Le nom est demeuré en blanc

462 AMBASSADE DE [NOVEMBRE i54i]

faire pour avoir son congié ; et de faict Ta tant chauldement et si souvent sollicité que la part a jà esté mise en pregay pour en faire ung aultre; mais Ton ne sçayt encores qui sera ne que ce sera, bien que aulcuns estiment là dessus que ce pourroyt estre ung Monsenigo *, qui n'est de trop bonne ligne, ne de la meilleure partye et dévotion vostre. »

Vol. 2, f^ 251 vo, copie du xvi« siècle; 3 pp. 1/2 in-f".

PELLICIER A l'amiral CHABOT.

301. — [Venise]^ i 8 novembre 1541. — « Monseigneur, encores que jen'aye quasi aulcune matière digne de vous faire sçavoir oultre que ce que j'escriptz au roy, que suysbien asseuré que verrez, ce néantmoings quant ce ne seroit seuUement que pour faire le debvoir à l'obligation que je vous ay, si m'a il semblé ne debvoir obmettre à vous escripre plus tost peu de chose et de petite importance que de y demeurer du tout; vous advertissant comme cez Seigneurs ont eu lettres de Lincz de messer Marin di Cavalli, nouveau ambassadeur vers le roy Ferdinando, par lesquelles ont entendu que le xxv« y estoit arrivé, et que le xxvu' feist la révérance et rellation de sa commission audict roy, qui luy feist fort grandes carresses, et que le xxvin feist chevaillier Taultre ambassadeur son prédécesseur ', auquel donna une chesne ' de cent cinquante ducatz; escripvant aussi que en Bude la peste estoyt fort grande et par toute l'Ongrye, ayans esté chassez dudict Bude tous les chrestiens qui n'y avoient aulcuns biens; et que ledict roy feroyt une diette audict Lincz, et puys après une aultre en Bohémia et de là yroyt en Ispruch faire la diette impérialle.

« Monseigneur, je ne veulx oblyer à vous dire comme j'escriptz particulièrement au roy par le seigneur chevallier Thomas, pour quelque entreprinse de bien grande importance pour le service dudict seigneur, pour laquelle mieulx asseurer m'a semblé debvoir mander sur les lieux ung personnaige qui fust fort dévot et affectionné à S. M. et apte et sufûsant pour entendre telz affaires. Dont congnoissant M. Daramont tel et fort à propoz, et se offrant libérallement de ce faire, ay trouvé pour sa suffisance estre le plus expédiant de le luy employer; lequel, après très dilligemment avoir bien examiné et prouvé le tout, a trouvé la chose assez faisible, ainsi que dudict seigneur chevallier Thomas S. M. et vous pourrez estre informez. Et pour ce que les vertus et quallitez dudict seigneur Daramont méritent estre recommandez à ung chascun, j'ay bien osé prendre la hardyesse vous supplyer l'avoir en vostre singulière protection et recommandation... »

Vol. 2, f=> 253, copie du xvi« siècle; 1 p. in-f^.