Fano, sur l'Adriatique, à 11 kilom. de Pesaro
68 AMBASSADE DE [AOUT i540j
entendre qu'il n'a entreprins faire cest acquest si n'est pour le service de Y. M., espérant bien que advenant Toccasion en faire aparoir par bons effectz.
« Sire, sur le poinct que voulloys sigiller la présente, j'ay entendu que Janezin venoyt d'arriver, renvoyé expressément par le sieur Badouare, ambassadeur de cez Seigneurs vers le Grant Seigneur; dont, me attendant bien qu'il auroyt apporté quelques lettres pour nous du seigneur Rincon, ay superceddé de envoyer cestedicte dépesche jusques ad ce que les eusse receues et entendu si je pourroys rien apprendre digne de faire sçavoir à V. M. Mais ledict seigneur Rincon ne m'escript aultre par la sienne du xxx^ juillet, sinon que de là k deux ou troys jours manderoyt la coppie de ses deux dépesches perdues des X* et XV* may, ainsi que luy avoys escript estre nécessaire; et que le Grant Seigneur ne veult ratiffier la paix, si n'est avecques novitez et restrinctions des anciennes cappitulacions que de long temps ont esté faictes et observées entre eulx à son grant advantaige; et que, nonobstant quelques raisons et remontrances péremptoires que lesdicts seigneurs Rincon et ambassadeur Badouare ayent sceu faire Tung après l'aultre, n'a esté ordre povoir jamais destourner ledict Grant Seigneur de telz propoz. Et voyant, Sire, que ledict seigneur Rincon m'escripvoyt assez briefvement sans me toucher rien de la particullarité des demandes, m*a semblé estre mon debvoir chercher d'entendre ce que l'ambassadeur de cez Seigneurs leur escripvoyt pour le vous faire sçavoyr : qui est que j'ay esté adverty que Lotphibey et les aultres baschatz mettoyent avant, oultre les anciennes capitulacions comme dict est, quinze poinctz; et, entre aultres, les plus importans estoyent que toutes et quantes foys que le Grant Seigneur armeroyt pour entrer dedans le goulfe de Courfou * et de Venize, que les Seigneurs eussent à se retirer dedans leurs portz et ne se démonstrer aulcunement en tout ledict goulfe. Et oultre ce demandoyt les moullins de Sébénico ', qui n'est aultre que le port dudict lieu, plus beau et commode que nul aultre que soy t en la Dalmatia, auquel descend ung fleuve qui s'appelle la Clima', qui l'enrichist beaulcoup; voullant davantaige que cesdictz Seigneurs luy rendissent toutes les places et chasteaulx qu'il avoyt prins et saccaigez durant la guerre en leur estât et domine, comme est la Parga^, origine et naiscence d'Ymbrain Bascha', chasteau en terre ferme entre les goulfes de Butrinto *, qui est tout au devant de Corfou,
