Le comte Filippo Torniello
92 AMBASSADE DB [SEPTEMBRE 15 4^0j
foulles et oppressions qu'ilz leur feirent au retour de Vienne depu ys le dernier voyage que le Grant Seigneur y feist. L'on entend aussi que ung Christofle de ses Foucres d'Auguste * a eu lettres CQmme les Terres franches d'Allemagne ont octroyé audict roy Ferdinando luy bailler pour ladicte entreprinse, qui une bandière de gens, et qui plus ou moings. Tant y a qu'ilz se pourroyent bien monter en tout le nombre de douze mil hommes de pied.
c< Sire, il est venu icy nouvelles par certains brigantins, tant de Raguse que de Spalatro, comme ledict Janezin, s'en retournant à Constantinople porter la résolution de cez Seigneurs sur la conclusion de leur paix ainsi que ay faict entendre à V. M., avoyt esté tué k Clinsa*, chasteau du Grant Seigneur estant au millieu du chemin d'entre Spalatro et le Serrait ', à troys journées de l'un et de l'autre. Et ne sçavoyt l'on si ce avoyt esté faict par certains brigans ordinaires de ce pays là que on appelle Scoqs *, ou par aultres. Toutesfoys, estant retourné le brigantin qui l'avoyt conduict à Spalatro, et ayant apporté lettres de son arrivée là sans faire aulcune mencion de telle adventure, l'on n'en sçayt que croyre. S'il estoyt ainsi, on estime que pour le moings cela pourroyt estre cause de retarder assez longuement ladicte conclusion totalle de ladicte paix d'entre cez Seigneurs et le Grant Seigneur, attendu que sans ce elle n'est pour estre trop avancée et eschaufFée, s'il est vray ce que M. l'arcevesque de Raguse m'escript qu'il avoyt nouvelles que ledict Grant Seigneur n'estoyt pour faire ladicte paix si cez Seigneurs ne luy accordoyent entièrement toutes les demandes qu'il leur a faictes dernièrement. Si est-il que ilz n'eurent jamais meilleur besoing de l'avoir promptement que ilz ont à présent, pour la grant charte de bledz qui est icy desjà aussi grande qu'elle estoyt l'année passée environ Nouël.
« Sire, ayant présentement entendu comme cez Seigneurs venoyent
1. Les Fugger, richissimes banquiers d'Augsbourg, qui rendirent de fréquents et signalés services à Charles-Quint. Leur fortune scandaleuse augmenta en sept ans de treize millions de florins.
Christophe Fugger, né le 5 février 1520, mourut le 2 avril 1579, et fut enterré dans l'église des Dominicains d'Augsbourg.
On a publié dans cette ville, en 1619, un magnifique recueil pet. in-fol. contenant les armoiries et les 127 portraits gravés, accompagnés de notices, des dilTérents membres de la famille Fugger.
2. Clissa, forteresse construite en 1531 par le pacha de Bosnie, à 9 kiloro. de Spalatro (Dalmatie). Elle fut maintes fois prise et reprise par les Turcs et les Vénitiens (V. Charrière, t. I, p. 181).
3. Seralevo ou Bosna-Seral, importante ville de Bosnie, qui tire son nom du palais ou séraï bâti au xv* siècle par Mohammed H.
4. Uscoques ou Uskoks, association d'aventuriers slaves qui pour la plupart avaient quitté les provinces de Servie, de Bosnie, de Croatie ou d'Albanie sous prétexte de religion. Établis sur les côtes de l'Adriatique, ils exerçaient la piraterie et s'en prenaient souvent aussi bien aux chrétiens qu'aux infidèles. Les Turcs ne parvinrent à les détruire complètement que dans les premières années du xvn* siècle.
[septembre 1540] GUILLAUME PELLICIER 93
de recepvoir aussi lettres de leur ambassadeur Badouare prez le Grant Seigneur, du xx® dudict moys passé, m'a semblé estre le meilleur retarder ung jour davantaige la présente dépesche, pour veoir si pourroys rien apprendre digne de faire savoir à V. M. Et ad ce que j'ay peu entendre il leur escript que les baschatzTont recherché et sollicité ne se arrester point tant à cez petites particullaritez et différends qu'il laissast pour cella de conclure la générallité de leur paix, car, puys aprez, tout le demeurant se passeroyt mieulx estant confirmée l'amytié: et que lesdictz baschatz luy avoyent donné quelque espoir que des Iroys cens mil escuz qu'ilz ont accordé de donner audict Grant Seigneur se pourroyt desduyre tant que se monteroyt la somme que a esté estimée la marchandise et aultres biens qui furent prins sur les galléasses en Alexandrye de Egypte, en leur prime rompture. Et en confirmation de ce que le seigneur Rincon m'a escript de amy de l'amy et ennemy de Tennemy, ledict seigneur Badouare escript que luy, estant allé veoir icelluy seigneur Rincon, il luy dist entre aultres propoz que ces baschatz estoyent si bestiaulx que il y avoyt plus de troys moys qu'ilz s' estoyent mis en teste de ne accorder point la paix à cez Seigneurs, sans que ilz se déclarassent amys de Famy et ennemys de Tennemy; mais qu'il leur avoyt remonstré et pryé que pour rien du monde ilz ne meissent telz propoz en avant, car jamais cez Seigneurs ne le feroyent, d'auUant qu'il n'estoyt honneste ne raisonnable, ains seroyt très mai faict. Chose que cezdiclz Seigneurs, quant a esté rapporté à leur pregay, ont eu merveilleusement agréable. Et là ledict ambassadeur ne fault comme tousjours à répéter des bons offices dudict seigneur Rincdn, et en quelle sincérité et affection luy et voz aultres ministres secourent journellement ceste républicque. Et sur le propoz que icelluy seigneur Rincon m'a escript, que aulcuns seigneurs et cappitaines qne le Grant Seigneur tenoyt sur les confins de la Persia s'estoyent rebellez, lesquelz aprez avoir faict assez de mal sont avec une grant force de gens allé rendre au Sophy *, — icelluy ambassadeur y adjouste, escripvant à cez Seigneurs, que ladicte rébellion et désordre a esté tel qu'il ne luy est demeuré que une seulle place de tout ce qu'il avoyt conquiz sur le Sophy. Et depuys ay entendu que ladicte terre se nomme Bagadet * et que le mutinement s'est faict pour n'avoir eu le payement de leur soulde acoustumé; mais le Grant Seigneur y avoyt mandé très grant nombre de gens. Escript oultre que pour certain pronosticque de l'astrologue dudict Grant Seigneur, disant que les chrestiens forcez et araaistrancés de Tarcenal de Gonstantinople avoyent à mettre le feu audict arcenal, ledict Grant Seigneur les a faict tous, oster et tirez dehors d'icelluy et mys en aultres lieux et servitudes.
1. Thamasp I*', flls de Schah Ismall I*' et second souverain de la dynastie persane des Sofls, monta sur le trône à Page de dix ans et régna de i524 à i576, date de sa mort.
