Pedro de Toledo, marquis de Villafranca

seigneur domp Diègues icy ambassadeur de l'empereur *, ayant trouvé la traffîcque de bledz de Taultre année si bonne que de y avoyr gaigné mieulx que de unze ou douze mil escuz, a si bien brigué que lesdlcts marchans, pour estre asseurez de la foy espagnoUe, l'ont accueilly au tiers de tout le proffict. Je ne veulx oblyer à vous dire la dénonciation que a faicte à cez Seigneurs M. l'ambassadeur prez de S. M., ainsi que vous ay escript par cy devant, les advertissant qu'ilz se vueillent bien prendre garde, car le roy estoyt mieulx informé que jamais de tous les principaulx poinclz que se traictent icy et nouvelles qui y viennent; et disoyt lavoyr sceu par la cavalleria, jargon que je n'ay encores sceu entendre que veult dire ladicte cavallerya. Qui pourroyt estre cause, Monseigneur, de renouveller ledoubte et craincte que ont eue les serviteurs du roy qui sont icy, et par ce moyen ne pouvoir rien retirer d'eulx, attendu mesmement que sans cela il y en a beaulcoup pour ne se voulloir plus contenter de paroUes et excuses que leur ay toujours usées le mieulx que j ay pu jusques icy, qui commencent fort à s'eslongner, et ne me donner plus nulz adviz et conforlz comme ilz faisoyent de commencement, et mesmement de ceulx qui soulloyent avoir les groz entretiens, du temps de MM. de Rhodez et de Lavaour aussi. Et n'eust esté l'espérance que j'ay donnée à quelques aullres que j'ay trouvez en les entretenant, ce néantmoings tousjours par effect, non pas comme la chose le requiert et méritte, mais selon ma petite puyssance quant à faire sçavoir au roy choses d'importance, à grant peyne serviroys-je de guères estre icy. Et ay belle paour que si bientost Vostre Excellence ne faict deslivrer quelque somme d'argent pour leur despartyr, je me verray du tout inulille et habandonné d'ung chascun; car certainement je n*ay plus de quoy leur fournyr pour avoir despendu longtemps a tout ce que avoys peu amasser avant que venir icy, et suys tous les jours aux emprunclz pour subvenyr à la despence ordinaire et extraordinaire qu'il me convient faire : vous supplyant doncques. Monseigneur, no me laisser en telle nécessité que à faulte de commodité et puissance je laisse de mettre à exécution le bon voulloir que j'ay de faire service au roy et à vous, — vous asseurant, Monseigneur, que j'ay esté aussi ayse du présent qu'il a pieu au roy par vostre moyen faire à M. l'arcevesque de Raguse que s'il eust esté faict à moy-mesme deux foys plus grant bien. Dont me semble ne debvoir obmettre à vous en remercyer très humblement comme aussi faict-il de sa part par une lettre qu'il m'a escripte, chose qui n'a pas mys en peu de jallousye, — ensemble les partiz qui ont estez faictz au gentilhomme grec qui a faict ung présent au roy de livres que sçavez ^ et à messire Sébastiano de Boullongne, architecte ', et avoir donné charge au cappitaine Scipio Cons-