Biscaye

470 AMBASSADE DE [DÉCEMBRE lo4l]

néantmoings Ton estime bien qu'il leur dcult jusques au cueur, considérant la granl perte qu'ilz ont faicte, laquelle Sa Saincteté ne faict pas aussi semblant d'estimer beaucoup, et est de ferme voullenté de ne mancquer jamais à l'empereur de toutes ses forces pour faire la guerre au Turcq pour le béneffice delà chrestienté. Et parles dernières lettres que Sadicte Sainctelé avoy eues des Suysses, non seuUement des cinq quantons catholicques, mais encore des aultres, lui promettoyent de ne bailler gens à princes du monde pour l'offencion de l'Itallye ne en faA'eur du Turcq, et d'en servir Sadicte Sainctelé de tel nombre qu'il luy plairoyt. Je ne sçay si celluy qui escript ce dernier poinct l'entend si bien au vray qu'il le passe gaillardement.

« Sire, je vous ay escript comme l'on avoyt eu icy nouvelles que certaines naves qui venoyent du Pérou à l'empereur, avecques grosse somme d'argent, avoyent esté péryes. Depuys l'on a entendu que le Juyf ' avoyt prins une nave chargée de biscuitz qui alloyt à l'armée dudict empereur, et deux aultres qui venoyent d'Indye ^ avecques 150"' escuz entre or et argent et marchandise, qui estoyent d'aulcuns marchans, excepté cens mil escuz qui estoyent dudict empereur. Dont l'on estime que ne doibvent estre aultres que celles-là. Et puys après ledict Judéo alla donner le choc à ung lieu appelle Sainct-Luc % près l'isle de Gadès \

<< Sire, je vous ay aussi escript comme les Gennevoys ^ avoyent depputé ambassadeurs pour mander vers vous; depuys j'ay entendu que l'ambassadeur de l'empereur qui est là avecques ceulx qui suyvent sa parlye, mesmement les penserines ^ de l'empereur et amys de Doria, s'en sont fort rescentiz contre le populaire, remonstrant que cela pourroyt grandement desplaire à l'empereur. Sur quoy ung gentilhomme et docteur de ladicte ville tenant le party de la commune, remonstra à tous ceulz qui le voulloyent entendre que ce n'estoyt la liberté en laquelle on voulloyt faire entendre voulloir maintenyr la républicque, de voulloir garder de faire chose tant licite et honneste que d'envoyer devers ung prince pour le remercyer, quant ilz en ont receuz tant de bienfaictz comme ilz ont faict de V. M., et espèrent et désirent povoir recepvoir davantaige à l'advenyr.