AU CAPITAINE POLIN

405. — S. l. n. d. — « Monsieur, je ne fais poinct de double que, auparavant que vous ayez ceste despesche, la Seigneurie n'ayt adverty son ambassadeur, et sondict ambassadeur le Grand Seigneur et ses bacchas de tout le scandalle qui est advenu en ceste ville entre eulx et M. de Montpellier. Et croy que cependant aurez esté en une très grand peine pour n'en estre poinct adverty et par ainsi ne sçavoyr que leur respondre. Car j'estime que ces Seigneurs se vouldront grandement servir de cecy pour contanter le Grand Seigneur de ce dont ilz n'ont poinct faict vers le roy ce dont il les avoyt priez. Je serviray en cecy de tesmoing à M. de Montpellier, comme celluy qui a esté présent despuys le mardy matin xxii * jusques à la fin. Et ce qui avoyt esté faict auparavant, je m'en suys dilligemment enquis et l'ay nommé estre tout ainsi que M. de Montpellier et moy vous l'envoyons. Et vous asseure que c'est le

plustoustque nous avons peu. Vous verrez par la ^ que les serviteurs

ont en ceste ville; ceux qui la congnoyssent bien disent qu'il ne fut jamais faict ung tel scandalle, non seullement à ung ambassadeur d'ung