Le 8 septembre, fête de la Nativité de la Vierge
eriO AMBASSADE DE GUILLAUME TELLICIER [SEPTEMBRE lo40j
VOUS puisse donner advis, sinon que l'empereur s'en est allé d'icy à ung monastère qui est dedans le boys pour prendre récréation, et à ce que l'on dict demain sera de retour icy pour bien tost après s'en aller faire ung tour à Gand. Aulcuns disent qu'il ira de là en Arthois, aultres qu'il retournera icy. A ce que j'entendz la forteresse dudict Gand est en bon estât, et de faict l'on a donné licence à tous les lansquenelz qui tenoyent garnison en la ville : qui est signe que l'on commence à s'asseurer de ladicte forteresse. Aussi dict l'on, Monseigneur, que l'empereur ne fera plus long jour ez pays de deçà, et quil sera en Allemagne entre cy et deux moys. M. le Révérendissime légat est révoqué de Nostre-Sainct-Père et partira dedans huit jours d'icy, et vient en son lieu M, le Révérendissime Gontarin.
« Monseigneur, depuis mesdictes dernières je suys tumbé malade d'une fiebvre tierce assez aspre, dont j'ay heu jà quatre accez; et me desplaist bien que cela m'empesche de vacquer au service du roy. Mesmement, s'il survenoit chose d'importance, si ne lairray-je, Monseigneur, à y faire tout ce qu'il me sera possible, à l'ayde de Nostre- Seigneur qui me donnera s'il luy plaist ce qu'il sçaict m'estre le plus salutaire. Bien me sembleroit-il expédient, si M. de Veilly est prest pour venir, que son parlement ne fust point différé, et croy bien que je [ne] sçauroys avoir meilleure médecine que sa venue.
« Monseigneur, le chancellier de l'ordre de l'empereur m'est venu veoir et parler, de la part dudict seigneur, d'une plaincte qui luy est venue du costé de Luxembourg, de quelque insulte faict sur son territoire par main armée, du commandement de M. le gouverneur de Mézièrez ', là où il y a heu, à ce qu'il dict, grande violence usée envers ung gentilhomme nommé le seigneur de Novyon % dans la maison duquel sa femme a esté prise et emmenée audict Mézièrez pour raison, à ce qu'il dict, de quelque diffiérend particulier que a ledict seigneur avec ledict gentilhomme touchant quelque terre : dont l'empereur a faict envoyer l'information à M. de Sainct- Vincent, me demandant aussi que je vous en escripveisse, ce que j'ay bien voulu faire. Vous pourrez myeulx entendre. Monseigneur, dudict seigneur de Sainct- Vincent ce que c'est, pour y donner le remède tel que vous verrez estre de raison...
« C'est de Bruxelles^ le xin" de septembre mil v'^ xl. » (Rome, Corrcsp., vol. i-, f"^ 4i-7 v°; 1 p. 1/2 in-f".)
