Worms
052 AMBASSADE DE GUILLAUME PELLICIER [SEPTEMBUE J 540J
envoyé, venant de personne que je trouve plaine de saincle intention, de bon jugement et doctrine, et de grande expérience dez afTairez, niesmement de rAllcmagne, comme bien il monstre parledict discours ainsi que vous sçaurez trop mieulx juger. Et le vous ay voulontiers envoyé, aflin que vous l'en aymiez myeulx et l'en ayez d'autant plus recommandé à vostre bonne grâce et à celle du roy, ainsi que à la vérité il le mérite.
« Monseigneur, l'empereur m'a faict bailler le double d'une requeste qui luy a esté présentée par aulcuns de Ses subjectz, demandans cstre recommandez au roy, à ce que bonne et briefve justice leur soit administrée d'ung procès qu'ilz ont par devers monseigneur le chancellie:-, affîn que j'en escripvisse; ce que j'ay l^oulu faire, et vous envoyé présentement ladicte requeste pour en faire ce que vostre bonne prudence verra estre besoing.
« Monseigneur, j'ay faict soliciter M. de Grantvelle de meclre la responce sur la requeste de ceulx de Bourgongne, comme il m'avoyt promys et repromys de faire. Et finablement, quant il en a esté pressé, il m'a mandé qu'il en escript tout au long à M. de Sainct-Vincent pour en donner entière raison et résolution, et qu'il m'envoyeroit monstrer les lettres; et croy bien que ce sera tout ce que vous en aurez... »
« Cesl de Bruxelles, le xvii'= de septembre mil v''xl. » (Rome, Corresp., vol. i, f° 4i8 \°; 2 pp. 1/3 in-f^.)
GEORGES DE SELVE AU ROI
16. — [Bruxelles], 19 septembre 1 540. — « Sire, je vous escripvis du vin'= de ce moys, et depuys par deux de mes lettres ay donné advis à monseigneur le connestable de ce peu qui s'est offert. Maintenant vous diray, Sire, que par les advis qu'on a icy du roy des Rommains, du un" de ce moys, il estoit à Neustat qui est au costé de Vienne xl mil, où il s'estoit retiré à cause de la peste qui s'estoit mise en ladicte ville. Et estoit après à faire mectre ses gens ensemble, qui debvoient eslre en nombre de xv"", dont la masse debvoit estre faicte dans huit jours; et en avoit faict chef son grand maistre nommé Léonard Felz. Et bien tost debvoit partir dudict Neustat pour s'en aller en Moravye, actendant quelque secours qu'il actendoit de ceulx de Bavyère et de quelques villes, pour après s'acheminer vers la Hongrie, en bon espoir que ses affairez s'accorderoient bien, pour avoir, à ce qu'ilz disent, tous les seigneurs du pays favorables, réserve deux dont l'un est frère George et l'autre Turec Valente, lesquelz par diverses voyes avoient envoyé devers le Turq pour l'avoir à leur ayde.
« Sire, l'empereur se partira demain d'icy pour aller faire ung tour à Gand, estre de retour vendredy, et samedy prochain aux estatz de
[septembre 1540] APPENDICE 653
tous les pays de deçà qu'il a faict convocquer en ceste ville, ayant intention de se partir d'icy le xv^ de ce moys prochain, et prendre son chemyn par le pays d'Harthois et Haynault, et de là en Luxanbourg, pour s'en aller en Allemagne où il passera la plus part de cest hyver, pour après faire son esté en Italye, si aultre chose ne survient. Il se faict quelque mention icy. Sire, que à son parlement il pourra envoyer quelcun devers vous...
<( Ccsl du XIX'' de septembre mil v'^xl. » (Rome, Corresp., vol. 4, f" 449 v°; i p. 13 iii-f".)
GEORGES DE SELVE AU CONNETABLE
17. — [Bruxelles], 19 septembre 1 540. — « Monseigneur, je vous escripvis avant-hier et présentement faiz ung mot de lettre au roy de tout ce que j'ay peu aprendre de nouveau, comme il vous plaira veoir, n'ayant aultre chose pour ceste heure; qui me fera faire la présente plus briefve.
f< Monseigneur, depuis madicto dernière j'ay passé ung jour de ma fîebvre sans avoir accez, et, grâce à Dieu, suys en bon espoir de reconvalescence, vous supplyant très humblement que vostre plaisir soit avoir souvenance de m'advancer le parlement de M. de Veilly, affiij que je m'en puisse bien tost retourner : qui est la chose de ce monde dont j'ay le plus de besoing et que plus je désire...
« C'est duxix" de septembre milv'^xL »
(Rome, Corrcsp., vol. 4, fo4o0; 1/2 p. in-f°.)
GEORGES DE SELVE AU ROI
18. — Bruxelles, .22 septembre J 540. — « Sire, mes dernièrez furent du xix^ du présent, et l'endemain je receuz celles qu'il vous a pieu m'escripre du xvi", ensemble les instructions, le contenu èsquelles je n'eusse failly d'aller exposer à l'empereur et à M. de Grantvelle, et négocier le tout à la meilleure diligence qu'il m'eust esté possible, si ma disposition l'eusl permis; mais la liebvre que j'ay heue ces jours icy m'avoit laissé si faible que je ne pouvoys encores bonnement abbandonner le lict. Toutesfoys j'estois en espérance d'estre bien tost renforcé à l'ayde de Dieu, mais maintenant ma fiebvre m'a repris, au moyen de quoy je me voys encores plus reculé que je ne pensois de povoir vacquer à ladicte négociation. De quoy. Sire, je suys très desplaisant, ne pouvant satisfaire à vostre bon commandement, ce que je mectray peine de faire^à l'ayde de Nostre-Seigneur si tost que ma santé le pourra porter. Et cependant, Sire, vous ay voulu donner advis de ce que dessus, estimant qu'il soit à propoz pour vostre service que
054 AMBASSADE DE GUILLAUME PELLICIER "sEPTEMBUE i540.
M, de Veilly s'advancc de venir, d'autant que l'empereur sans double doibl partir d'icy dedans troys sepmaines, et semble nécessaire que avant son parlement soit négocié icy le contenu èsdictes instructions, pour autant que les principaulx poinctz d'icclles ne se vuydront sinon avec le conseil et advis de ceulx de derà, et se une foys l'empereur est party, il fera si peu de secours qu'il seroit beaucop plus mal aisé à avoir l'expédition dcsdicles affairez.
<( Sire, j'ay tousjours faict soliciter M. de Grantvelle de la responce sur la requeste de ceulx de Bourgongne, et enfin il me l'a envoyé respondre d'ung petit mot, se remectant sur M. de Sainct-Yincent; et m'a envoyé quant et quant la lettre signée de l'empereur qu'il escript audicl seigneur de Sainct- Vincent touchant cest affaire, qui ne contient en substance sinon qu'il sçait les très urgentes, légitimes et raisonnables causes qui l'ont meu à faire le baulsement du sel, s'estant trouvé à Gand dernièrement quand il en feist l'ordonnance, le chargeant de vous donner entendre lesdictes causes, et mesmes que iceulx de la chambre des comptes du duché s'estoient contentez dudicthaulsement; et au surplus de vous remonstrer qu'il n'y a en cela aulcun préjudice ne contrevention à la tresve, veu qu'il est question icy de chose qui est sienne et en son arbitrage de la bailler à tel prix et temps que bon luy semblera, et que de faict les baulx se sont tousjours renouveliez de six ans en six ans. Et n'est poinct chose nouvelle d'ung baulsement, car il s'en est faict aultresfoys, et que se ce n'estoit pour gratifîier à ceulx du duché, qu'il est assez pryé d'ailleurs de bailler ledict sel. Et enfTin qu'il vous prye d'avoir esgard que sans très évidente perte il ne sçauroit condescendre à bailler ledict sel au prix accoustumé, et mesmement qu'il a aullres personnes avecques luy qui n'y consentiroient. C'est, Sire, à peu près, ce me semble, le contenu en ladicte lettre, et vous envoyé avec la présente la requeste.
« Sire, l'empereur, qui partyt lundy matin d'icy pour aller à Gand, est retourné aujourd'huy à disner icy; et, à ce que j'entendz, a été six ou sept heures seullement dedans le chasleau sans entrer dans la ville. Je ne sçay s'il a pensé qu'il n'y faisoit pas trop seur, d'autant que les lansquenetz qui esloient dedans ont esté licenciez. Il y a troys des bastillons de ladicte forteresse en defîense, et la saincture de mur est desjà de bonne haulteur, et reste de deux cens pas ou environ où
il n'y a encores rien de faict'
« Cest de Bruxelles, le xxii" de septembre mil v'^xl. »
(Rome, Corrcsp., vol. 4, f" 450 v»; 2 pp. 1/3 in f°.)
1. Gharlcs-Quint avait fait abattre une partie des imirailles. tours et portes des remparts de Gand, et prescrit l'emploi de ces matériaux pour la construction d'une forteresse sur l'emplacement de l'abbaye de Saint-Bavon, dont l'église, démolie, fut transférée en la paroisse de Saint-Jean, où l'empereur avait naguère reçu le baptême (V. Weiss, Papiers cCélal du cardinal de Granvellc, t. II, pp. 570 et G03).
[septembre 1o40I appendice 655.
GEORGES DE SEF.VE AU CONNÉTAHLE
19. — Bruxelles^ 22 septembre 1 540. — « Monseigneur, je voufi escripvis du xix""" du présent, et le xx'"« receuz les lettres qu'il vous a pieu m'escripre du xvi'"'', et fuz bien desplaisant de n'estre en estât pour povoir négocier le contenu ez instructions qu'il a pieu au rov m'envoyer; mais je le suis encores moings maintenant, car ma fîebvre qui m'avoit laissé me reprist hier, et me tinst longuement. Je ne sçay encores de quelle durée cela pourra estre, et voyant que l'empereur n'a à estre icy que troys sepmaines, durant lequel temps il seroit trop plus expédient de négocier le faict desdictes instructions que d'actendre quant il sera en mouvement, d'autant qu'il ne veuU arrester nulle part. Et à ceste cause, Monseigneur, il me sembleroit bien à propoz, voire nécessaire, qu'il vous pleust faire advancer M. de Veilly, lequel pourra gaigner temps et supplier * à ce que je ne puvs. Et quant il lairroit son train derrière, il aura le myen qui luy servira en actendant; vous voulant bien supplier aussi, Monseigneur, très humblement, attendu que luy arrivé icy, ma demeure n'y sçauroit estre que superllue et de nul service au roy, qu'il vous plaise m'envoyer lettres dudict seigneur portans mon congé et permission de me partir quant je pourray. Et à la vérité, Monseigneur, je suys si laz et si enuyé de ce pays icy que je me délibère de m'en aller plus tost en lictière chercher ma santé en France que d'y faire plus long séjour, si toust que j'en auray bonne licence du roy...
« C'est de Bruxelles, le xxii""® de septembre mil V^ xl. » (Rome, Corresp., vol. 4, f" 451 yo; 1 p. 1/4 in i".)
GEORGES DE SELVE AU MÊME
20. — Bruxelles, .29 septembre 1 d40. — « Monseigneur, je vous escripvis duxxir"° de ce moys etdepuys n'est rien survenu de nouveau icy. Il se continue que l'empereur partira d'icy le xv'"" du moys prochain. Le conte palatin y est arrivé depuys peu de jours, qui m'a envoyé visiter et me demander des nouvelles du bon portement du roy, auquel, à ce que m'a dict son homme, il veult envoyer quelques coteaux de chasse -; et m'a dict aussi qu'il vous faisoit conduire dez vins d'Alamagne à Chantilly, qu'il pense vous trouverez bons.
« Monseigneur, hier l'empereur fut aux vespres de Sainct-Michel ^ portant le manteau et l'ordre du roy *, et au matin à la messe je ne m'y suys peu trouver à cause de mon indisposition.
